Դաստիարակչական բաղադրիչի ներմուծումը դասի պլանում

3.Դաստիարակչական բաղադրիչի ներմուծումը դասի պլանում

Դաստիարակությունը գործընթաց է, որի արդյունքում ձևավորվում է անհատը իր արժեհամակարգով , ընկալումներով, վերաբերմունքով և գործելակերպով: Դաստիարակության նպատակը հանգում է տվյալ հասարակության պահանջներին համապատասխանող անհատներ ձևավորելուն: Աշակերտի դաստիարակության և անձի ձևավորման գործում որոշիչ նգործոն են ուսուցչի դիրքորոշումը, աշխարհայացքը, ճաշակը, վարքագիծը: Կրթական նպատակների իրականացման հիմնական նախապայմանը կրթական միջավայրի համապատասխանեցումն է տարիքային առանձնահատկություններին: Կարևոր դեր են կատարում ուսուցանող խաղերը: Զավարճալի և հետաքրքիր զբաղմունքը լուրջ նպատակների հասնելու համար խանդավառություն է առաջացնում: Կրթությունը գիտելիքների պաշարի և դաստիարակության միասնությունն է: Ժողովրդավար հասարակությանը, որի կերտմանը ձգտում ենք, հարկավոր է սերունդ,որը կազմված է վառ անհատականություն ունեցող անհատներից, որ ստեղծագործ միտք ունեն ,քաջ գիտակցում են իրենց իրավունքներն ու պարտականությունները,մրցունակ են,բայց և ունակ համագործակցելու,հանդուրժող են և հարգում են մշակութային բազմազանությունը:Դաստիարակությունը տևական գործընթաց է,որը պայմանավորող կարևոր գործոն են ընտանեկան միջավայրը,հասարակության ներգործությունը,կենդանի օրինակները,ինչպես նաև ուսուցիչների ուղղորդված աշխատանքը:Անհրաժեշտ է այնպես անել,որ.

1. դպրոցում ձևավորվի ջերմ,հոգատար միջավայր:

2. սովորենք և սովորեցնենք հարգել անհատականությունը :

3. կարողանանք անհատական մոտեցում ցուցաբերել ՝ հաշվի առնելով յուրաքանչյուրի անհատական կարողությունները:

4. երեխաների մեջ ձևավորենք իրենց արարքների և ուրիշների հանդեպ պատասխանատվության գիտակցությունը:

5. համոզված լինենք որ մեր տված գիտելիքները կարևոր են և պետք են գալու 21-րդ դարում :

6. սովորելու հանդեպ սեր և ձգտում արթնացնենք ՝ դպրոցում անցկացրած պահերը դարձնելով հիշարժան :