«Кь кь – хIярп ва тIама»

Муниципальное казенное общеобразовательное учреждение

«Средняя общеобразовательная школа №2» г. Избербаш

«Кь кь – хIярп

ва тIама»

2 класс

Ибрагимова Заира

Магомедсаламовна

Избербаш-2018

Тема:

«Кь кь - хIярп ва тIама».

Дарсла мурад: КIирка хIярп Кь дурхIнази багьахъни; Кь- лебти

дугьби дархьли ирахъес , дучIахъес ва лукIахъес дурхIни

бурсибарни; дарган мезла тIамри ва хIурпри

тикрардарни , кагахъни ; илди декIардира хъес

бучIанти бурсибарни;

ДурхIни пикрибикIахъес бурсибарни , дархьти таманти

жавабти лугахъни; Дарган мезла дурсрачи , вегI акIубти

мер-мусаличи диги имцIабарни.

Дарс гIеббурцути ваяхI: поэтла портрет ,карточкаби, буралаби,

тестани,"Лачин"журнал, дурхIнанала

проектуни, плакат"Дигахъен ва руркъен

нешла мез", проектла доска, проектор.

Дарсла план:

1. Класс дарсличи хIядурбарни.( Тема ва мурад аргъахъни ).

2. Фронтальный опрос.

3. ДекIар-декIарти заданиебачил кIирка хIурпри тикрардарни.

4. Физминутка.

5. Сагаси тема кабихьни.

6. Дарс кагахъни.

7. Рефлексия.

8. Хъули хIянчи бедни.

Дарсла башри. 1. Дарс бехIбихьни, илала тема ва мурад аргъахъни.

Учитель:

Салам хIуша дакIибтас

Иш нушала дарсличи,

ГIурра халаси салам

ХIушаб диштIати чатIнас!

Ученикуни: Салам!

Нуша - разити дурхIни, Нуша - сакIубти дурхIни,

Дахъал гъай хIейгахъехIе: ХIядур!- или ибхIели, Мурталра хIядуртира!-

или жаваб лугехIе.

Учитель: Кадиирая. ИшбархIи нушала дарган мезла дарс саби. Нушани ил дурабуркIехIе цабара гIядатла ахIенси тяхIярли. Слайд №1,2

2. Фронтальный опросличил даргала алфавит тикрарбарни.

Учитель: Бурая гьари чум хIярп лера даргала алфавитлизир? Сегъунти дирара хIурпри ? Чум сари абхьибти хIярп даргала алфавитлизир? Сен абхьибти или дикIутира? Чум сари кьяпIти ?Урус мезлизир чум сари ? ГIур сегъунти хIурпри лера дарган мезлизир урус мезлизир агарти ? Сен кIиркаби или дикIутира ? Сегъунти элементуни лера? (ДурхIнани суалтас жавабти луга).

ТикрардирехIе нушани делчIунти кIирка хIурпри. (суратуназир чедиахъулра , дурхIнани илди дуру) 

3. ДекIар–декIарти заданиебачил кIирка хIурприкагахъни.

Учитель: БелкIеная тетрадунази число ва классла хIянчи.

Декабрьла вецIну авра . Классла хIянчи. Учитель: БехIбирхьехIе нушала хIянчи. КIирка хIурпри кадатирая. 

Карточка №1 Дарган мезла ва урус мезла дугьби цугдуцая. 

4. Физминутка:

5.Сагаси тема кабихьни.

Суратуни хIердарни . Слайдличир мицIирагла суратуни. . Кьял, мукьара, кьядга,

Учитель: Се сари суратлизирти ?

Ученик: МицIираг. 

Учитель: Сегъунти дирара мицIираг ? 

Ученик: ДугIла ва хъа мицIираг.

 Учитель: Сегъунти мицIираглис хъа дикIулра? 

Ученик:Хъулир хIердирути сари хъа мицIираг.

Учитель: ДугIла мицIираг сегъунти ? 

Ученик: ВацIализир хIердирар , илди адамтачи чедулхъан.

 Учитель: ГIур сегъунти мицIираг даладая хIушани ? 

Ученикуни: БецI , синка , бугъа , къача , гурда, гIяра, урчи , хя, жита ва ц. ( ДурхIнала проектуни чедаахъес ). 

Учитель: Сегъуна пайда леба нушаб мицIираглизибад? 

Ученикуни: Мазали бала луга. Кьяй ниъ луга. Хяли хъали балтахъу. Житали ваца бурцу.

Учитель: ЧардулхъехIе нуша. Сегъуна хIярп леба ишди дугьбазиб кIирка.Ученик: Кькь- хIярп леб. 

Учитель: Кь - хIярпличила сари нушала ишбархIила гъай.

 Дарсла тема саби :"Кь кь - хIярп ва тIама". Сегъунти элементуназибад цалабикили иш хIярп ? 

Ученик: К - хIярплизибад ва кIантIиси ишарализибад. ( доскаличиб лукIулра)

Учитель: Къяй бицIахъая . Абхьая жузи бяхI 43. БучIехIе Р. Рашидовла назму "Кьанти гIебшнила макьамти " (сурат чебиахъулра иличила бурулра) . ДурхIнази назму бучIахъулра. 

Учитель: Се ибси гIебшни ибси ?Селичила бурули назмулизиб ? 

Ученик: Осень.

 Учитель:ГIебшнила аргъличила бурая. (2-3предложения) (ГIебшни аргъ бугIярли бирар. Забли урзар. Чярт дирар . Галгубачирти кIари кадиркур. Чякни ванати улкнази аркьян . ЦIедеш дукьар.)

 Учитель: БусягIят сегъуна манзил саби нушала ? 

Ученик: Яни . 

Учитель: Сегъуна аргъ яни? Се бирара янила замана? (ДурхIнала проектуни чедаахъес). (Янила замана дяхIи бирар. Авлахъуни цIуба дяхIили кIапкадиру. Галгуби чIянкIдирар. БиштIати разибиркур. Илди гъяймачиб кабулхъан. )

Учитель: Даргая ишар кь- хIярпличилти дугьби ва мягIна баянбарая.(ДурхIнани дургу ).

 Учитель: ДелкIеная сагати дугьби Кьанти- поздние КьяпIи -дымоход. Макьамти - мелодии.

Учитель: Карточка№2 Слайд №13. Суратунала мерлар гIягIнити дугьби кадатирая. Дугьби удирти суратуназир лер. Цала цали ахтардидарая.

6. Дарс кагахъни. Учитель:БелкIеная хIянчи 55. (Доскаличиббиру ) а) Сагаси- буркьа , жявли - кьанни, аркьуси - лявкьуси, узуси - акьуси. Чили пикрибиру предложение.

Карточка№2

Учитель: б) ИрзехIе кроссворд . Слайд №15, 16.

Учитель: в) "Дев бучая ".Цаибил къяйли иш дев бучая . КьяпIти КIиибил къяйли иш дев бучая .Кьиркьир

Учитель: Сегъуна хIярпличила гъайдикIули калунра нуша? Абхьибсив кьяпIсив ил хIярп ? Чум элементлизибад цалабикили ?

7. Рефлексия. Слайд №17, 18.

8. Хъули хIянчи бедни.

Учитель: Молодцы ! ИшбархIи дарсличиб лебилра ункъли бузи. Лебтасалра нуни шула кьиматуни кадалтулра."Дарган мез дални-гьарил дарганна чебла саби". Слайд№31. АхIерти дурхIни, хIушанира хъуммартидая дарган мез. ГъайдикIеная нешла мезли. Илди хIедални вегIла игъбарагардеш саби. Учитель: Хъули хIянчи лерилра делчIунти тикрардарес. ХIянчи 54. ГIяхIли калена! Слайд №19, 20.