Класс – 11 Тема: Доьзалан корта – да. Дехой – ц1ийнан нах.

Урок № 2

Класс – 11

Терахь ______

Хьехархо:

Тема: Доьзалан корта – да. Дехой – ц1ийнан нах.

1алашо: берашна нохчийн доьзалан д1ах1оттамах лаьцна дийцинарг т1е

а ч1аг1деш, доьзалан корта да хиларх, дехой – ц1ийнан нах

хиларх лаьцна дийцаре дар;

къоман г1иллакхехь къона т1ехье кхиор.

Урокан г1ирс: «Нохчийн г1иллакх-оьздангалла»

«Халкъан кицанаш, аларш, дийцарш»

Урокан некъ

1. Догдаийтаран мур

Лаахь шайна адам довза,

Цуьнан г1иллакхашка хьовса.

Мах хадабай хетарехь,

Галл ма довла дахарехь

II. Дешархойн долчу хаарийн актуализации яран мур

- «Доьзал» - бохучу дешан маь1на хьан дийр дара аш?

- «Доьзал – иза шина аг1ор жоьпалла ду» - бохучух муха кхета шу?

- Бер дуьненчу даьлча, цунна ц1е тилларх лаьцна х1ун дуьйцур дара аш?

- Доьзалехь ден-ненан берашца юкъаметтиг муха хила еза?

- Нохчийн доьзалан д1ах1оттам муха куьцехь хила тарло?

- «Доьзалан корта – да» - маь1на де цу дешнийн.

- Маса стаг ву шун доьзалехь?

III Керла тема: Доьзалан корта – да. Дехой – ц1ийнан нах.

План:

1. Урокан тема а, 1алашо а йовзийтар.

2. Доьзалан корта – да.

3. Дехой – ц1ийнан нах.

4. Ден доьзалца йолу юкъаметтиг.

5. Дас бер кхетош-кхиорехь деш долу 1уналла, беш болу болх.

6. Дехойн – ненахойн бакъонаш.

7. Дех лаьцна аларш, кицанаш:

- Доьзал болчун хьал и боцчунна ца девза.

- Дас дуьра х1ума яахь, к1ант хьагло.

- Доьзал – ирсан дог1а.

- Дас-нанас ца 1амийна бер дахаро 1амадо.

- Да, нана – берана, бераш – шайна.

- Дедайн дош – хьекъалан шовда.

- Ден мехалла ша да хилча хаьа.

- Да дика хиларх, дика хилац к1ант.

- Да веллехь – цуьнан доттаг1 ма вицве.

- Дас к1антана тохахь – цо иза кхетаво; нанас йо1ана тохахь – цо иза талхайо.

Дешнаш т1ехь болх:

Дуьра – туьха совдаьлла;

IV 1амийнарг т1еч1аг1дар

- «Доьзалан корта – да» - бохучу дешнийн маь1на хьан дийр дара аш?

- Шуна хетарехь, х1унда бу дехой ц1ийнан нах?

- Ден доьзалца йолу юкъаметтигах лаьцна х1ун дуьйцур дара аш?

- Хьаьнгахула хуьлу дукхахьолахь дас бер кхетош-кхиорехь беш болу болх?

- Дех лаьцна кхин х1ун кицанаш хаьа шуна?

V Урокан жам1 дар.

- Дешархойн хаарийн мах хадош, дика дакъалаьцнарш билгалбахар;

VI Рефлексин мур

-Х1ун дара урокехь шуна дика хеттарг?

-Х1ун дара шуна урокехь дика ца хеттарг?

-Х1ун дара шуна урокехь атта хеттарг?

-Х1ун дара шуна урокехь хала хеттарг?

VII Ц1ахь бан болх: кицанаш, дийцарш, аларш.