Қоидаҳои бехатарӣ дар синфи компютерӣ

Қоидаҳои бехатарӣ ва рафтор дар синфи компютерӣ

Омӯзгори фанни технологияи иттилоотӣ ва математика МТМУ №27 ноҳияи Спитамен

Деҳқонов Турсунали Ботирович

Қоидаи якум – «тозагӣ»

Шумо ба дарси технологияи иттилоотӣ рафта истодаед!?

Ба дасти худ нигоҳ кунед. Ва агар онҳо чиркин бошанд, ва ангуштони шумо чиркин ва доғдор аст, пас тугмаҳои компютери шумо ҳам чиркин мешаванд.

Қоидаи дуюм – «Интизом»

Пас аз иҷозати муаллим дар компютер кор карданро сар кунед.

Муҳим!

Дар хотир доред!

Шумо компютерро худатон фурӯзон мекунед, аммо танҳо пас аз гирифтани иҷозати муаллим.

Қоидаи сеюм– «Диққаткорӣ»

Бо пахш кардани тугмаҳои сафҳакалид саъю кӯшиши зиёд накунед. Компютер шуморо бо пахши оҳиста ба тугмачаҳо низ мефаҳмад. Дар хотир доред, ки бо кӯфтани сафҳакалид шумо зуд онро вайрон мекунед.

Қодаи чорум– «Саломатӣ»

• Пас аз ҳар 30* дақиқаи корӣ 5-10 дақиқа танаффус кунед.
• Вақти танаффусро барои истироҳати фаъол ва варзиши чашмон истифода кунед.
• Барои бартараф кардани хастагӣ машқҳои маъмули ҷисмониро иҷро кунед;
• Хангоми гурусна мондан ҳатман хӯрок хӯред;
• Барои бо моддаҳои зарурӣ таъмин намудани организми худ, бештар меваю сабзавоти тару тоза, шир, равғани маска, панир, тухм, чормағз, мавиз, моҳӣ, гӯшт, маҳсулоти аз парандаву ҳайвонот ва ғалладонагиву лӯбиёгӣ истеҳсолшуда истеъмол намоед

Қоидаҳои рафтор

Ҳамин тавр, қоидаҳои рафтор дар синфи компютерӣ мураккаб нестанд. Аммо ба онҳо хеле қатъӣ риоя кардан лозим аст. Ба компютерҳои худ бодиққат шуда шумо бисёр чизро меомӯзед ва бисёр чизҳои шавқоварро дар экрани компютер мебинед.

Талабот ба ҷои кор

1. Ҳуҷраи компютерӣ бояд фарох ва равшан бошад.

2. Ҷойи кор бояд аз мизи корӣ, ҷевончаи ҳуҷҷатгузорӣ, курсии махсуси нишаст ва поймонак иборат бошад.

3. Андозаи мизи корӣ вобаста ба андозаҳои монитору сафҳакалид муайян карда шуда, баландии он мувофиқи баландии қади истифодабаранда танзим карда мешавад.

4. Масофаи байни экрани монитор ва чашмони истифодабаранда бояд тақрибан 50-70 см бошад.

5. Азбаски нурафшонии монитор ҳамеша дар қисми муқобили экран зиёдтар аст, бинобар он, ҷойи нишастро дар ҳуҷра дуруст интихоб бояд кард.

Талаботи бехатарӣ ҳангоми кор

Синф

Ҳадди кори бефосила, дақ

5

15

6-8

20

8-9

25

10-11

30 дар соати якуми дарсҳо, 20 дар соати дуюм

Талаботи бехатарӣ дар ҳолатҳои фавқулодда

Дар вазъияти хатогӣ дар компютер, шумо бояд онро хомӯш кунед ва ба муаллим дар бораи он хабар диҳед. Хангоми саломатии бад, пайдоиши дарди сар, чарх задани сар ва ғайра кор карданро бас кунед ва ба муаллим хабар диҳед.