Изложение «Лÿддымŏ рвезе» Илен улмаш ожно ик рвезе. Икана тудо чодыраш кая. Коштеш-коштеш да йомеш. Пеҥгыде тоям туген налеш, умбаке ошкылеш. Кая-кая да вондер йымак каналташ возеш. Канен кийымыж годым кенета пушеҥге йымалне кугу кишкым ужеш. А пушеҥгыштыже – кайык пыжаш, пыжашыштыже кайык иге-влак чиоклат. Кишкым ужын, кайык иге-влак кычкыраш, шорташ тÿҥалыт, полышым йодыт. А кишке умшам карен чушла, йылмым веле луктын. Эре кÿшкö да кÿшкö нушкеш, пыжаш деке лишемеш. Ончыч рвезе лÿдын колта. Кайык иге-влакым чаманен, пеҥгыде тояжым налеш да уло кертмын кишкым пера. Кишке йоча ÿмбак торшта. Кишке кужу, кÿжгö, виян улмаш. Рвезе ден кишке ятыр жап кредалыт. Рвезе кишкым пуштеш. Вара кайык иге-влаклан кишке шылым кочкашышт пуа, а шкеже уэш вондер йымак возешат, мален колта. Кенета мардеж дене чодыра гÿжланаш тÿҥалеш, янлык-влак йÿдлан шке пыжышышкышт шылыт, шÿдыр-влакым шем пыл петыра. Тиде чудо-кайык шке игышт деке чоҥештен толеш улмаш. Рвезым ужешат, шке семынже шучко йÿк дене йÿклана: - Айдеме, айдеме! Тыйым кушкед оптем! Кайык иге-влак шорташ тÿҥалыт, аваштлан рвезе кишкым пуштмыж, нуным пукшымыж нерген ойлат. Тунам чудо-кайык мландыш вола. Рвезым мардеж да йÿр деч аралаш кумда шулдыржым шаралта. Рвезе угыч ласкан мален колта. Эрдене рвезе помыжалтеш, чудо-кайык деч мöҥгыжö намиен кодаш йодеш. Кайык рвезым тупышкыжо шында, кÿшкö нöлталеш, мöҥгыжö наҥгая да пöрт ÿмбалан волтен кода. Чудо-кайык эре тыгаяк лÿддымö, поро чонан лияш каласен кода. ПЛАН. 1.Рвезе чодыраште. 2.Кишке дене кредалмаш. 3. Чудо-кайык. 4. Ласка омо. 5. Чудо-кайык рвезым мöҥгыжö конден кода. 6. Чудо-кайыкын сугыньжо. ( Веденькин. Изложений сборник) |