8
МЕЗУНЛАР АКЪШАМЫ
1етекчи: Къырым деген Ватанымнынъ
Къырымлы деген халкъы бар.
Мында аткъан эр танъымнынъ
Озюне хас зевкъы бар!
2 етекчи: Гъурурланам миллетимнен,
Йыкъылса да, тургъан халкъ!
Озь джанынен, озь элинен
Мекяныны къургъан халкъ!
1 етекчи: Бизим мектеп- миллий мектеп
Аджайип бир дюньядыр.
Дюльбер бина, айдын ода,
Бильги толу багъчадыр.
2 етекчи: Илим, унер,ана тилини
Мында огренемиз биз.
Азиз миллий адетлерни
Ашлай бизге мектебимиз.
1 етекчи: Мектеп –тувгъан эвимиз,
Догъмушлардай эпимиз.
Бильги, намус, тербие
Огрете оджа бизге.
2 етекчи:Хош кельдинъиз сайгъылы мусафирлер, урьметли достлар!
1 етекчи: Сонъки аджайип сагълыкълашув куню кельди, къуванчлы
эм кедерли бир кунь.
2 етекчи: Бугунь биз сайгъылы оджаларымызны ве эеджанлы ана-бабаларны, къартана- къартбабаларны селямлаймыз!
1 ет: Акъшамынъыз хайырлы олсун!
2ет: Хош сефагъа кельдинъиз!
1 ет:Бу байрамнынъ мухтерем мусафирлери- сайгъылы, севимли, аджайип оджаларымызны терге давет этемиз.
(Оджаларнынъ сойадлары окъула)
1ет.Мектебимизде бугунь буюк байрам- мезунларнынъ байрамы. Олар бу кунюни сабырсызлыкънен бекледилер.Озюнъни сонъки кере талебе олып дуймакъ пек эеджанлы шейдир.
2ет.Сонъки кере талебе олып мектепке кирмек, ондан буюген , сербест инсан олып чыкъмакъ, омюрининъ дигер къысмына аит
олмакъ…
1ет.Мезунларымызны ярын меракълы, лякин агъыр аят ёлу беклей…
2ет.Бугунь исе яшлыкъ, достлукъ, гузеллик тантанасы.
Берабер: _______________ сенесининъ 4-джи орта мектебининъ
мезунларыны къаршылайыкъ!
(Мезунларнынъ адлары бирер-бирер айтыла.Мезунлар ерлешелер)
1 ет.Тантаналы акъшамымыз ачыкъ деп илян этиле!
(Гимнлер янгъырай ).
2ет.Мусафирлеримизнен таныш олунъыз:
-
-
-
1 ет.Бугуньки акъшамны энъ эеджанлы вакъыты кельди.
2 ет.Сайгъылы мезунлар!Шимди сиз 10 йыл девамында арзу эткен весикъанъызны аладжакъсыз.
1ет.Весикъаларны такъдим этмек ичюн мектеп мудири, мудир муавини ве сыныф реберлери давет этиле.
(Аттестатлар такъдим этиле)
2ет.Сёз хайырлав ичюн мусафирлерге бериле.
1-джи сыныф талебелеринден хайырлав.
(Балалар оюны)
1ет.Азиз мезунлар! Йыллар кечер, Лякин сиз эр даим биринджи оджанъызны хатырларсыз.
2 ет.Сёз хайырлав ичюн 1-джи оджа _________________гъа бериле.
1ет.Эр саат, эр кунь, азиз мезунлар, сизнен экинджи аналарынъыз-
сыныф реберлеринъиз олдылар: сизлерни тербиеледи, окъутты, ярдым эттилер, сизлернен берабер къуванды эм де кедерлендилер.
2ет.Сёз хайырлав ичюн сыныф реберлерине бериле.
1 ет.Бугуньки байрам ана-бабалар ичюн де эмиетлидир.Олар сизлернен берабер окъудылар,меселелер чездилер, шиирлер окъудылар, меселелер чездилер, шиирлер окъудылар, иншалар яздылар.
2 ет.Сёз хайырлав ичюн ана-бабаларгъа бериле.
1ет.Энди исе невбет мезунларымызгъа.
1мезун: Бугунь сонъки сагълыкълашув кунюмиз…10 йыл бир кунь киби кечип кетти…Бизлерни окъуткъан, тербиелеген инсанларгъа озь миннетдарлыгъымызны бильдирмеге истеймиз.
2 мезун: Окъув йылларымызда мектебимизге акъыллы, истидатлы, ватанпервер инсан _______________ реберлик япты.Сагъ олунъыз!
3 мезун: Бизим дерслер джедвелимизни акъыллы, идракълы, мераметли инсан ______________ тизди. Сагъ олунъыз!
4 мезун: Мудир муавини _______________ бизлерни тербиели, тертипли талабелер япмагъа тырышты, бизге эмиетли насиатлар берди. Сагъ олунъыз!
5 мезун: Тешкилятчы оджа ________________ бизлерни гузель йырламагъа ве ойнамагъ огретти. Сагъ олунъыз!
1 мезун: Бойле гузель, аджайип июнь геджеси озюмизнинъ ильк оюнымызны урьметли оджаларымызгъа багъышлаймыз. Оларнынъ чокъусы исе къадын- къызлар.
2 мезун: Олар эр кунь сыныф одаларымызгъа кире эдилер.Эльбетте, оларнынъ озь къоранталары, озь балалары, торунлары эм де гъам-къасеветлери олгъаныны биле эдик, амма оларнынъ сагълыгъы, бахтлары, тюшюнджелери акъкъында йоланмай эдик.
3 мезун: Чюнки олар мектепке келип, сыныфкъа адым аткъандан тюшюнджелери эвде къала эди. Биринджи ерде мектеп ишлери, дерслер, талебелер, планлар тура эди.
4 мезун:Ве бутюн бизим меселеримизни озь елькелерине юклей эдилер.
5 мезун: Бельки бу ал алышыкълы олып къалкъандыр, амма сезмемезлик мумкюн дегиль. Акъшамгъа оджалар ёрулгъан алда.
Шаматалы балалар не олгъанын пек яхшы билемиз. Аналарымыз бир-эки баланы беджерип олалмайлар. Мында исе…
1 мезун: Бугунь бойле шаматалы балалар адындан эпинизге
МЕЗУНЛАР: Сагъ олунъ!
2 мезун:Окъумагъа ве язмагъа, арзу этмеге ве яхшылыкъкъа ынтылмагъа огреткен ичюн
МЕЗУНЛАР: Сагъ олунъ!
3 мезун: Севимли оджаларымыз, джан-юректен тешекюр бильдеремиз, сизлер огъюнизде тиз чёкемиз.
(Мезунлар оджаларгъа гульдестелер такъдим этелер. «Хайтарма» оюны- 11 сыныф)
4 мезун: Йыллар девамында янымызда бизнен берабер экинджи аналарымыз-сыныф реберлермиз _______________________________________________, берабер къувандыкъ ве кедерлендик, ярдымларыны эр даим сездик. Сагъ олунъыз!
5 мезун:Озь миннетдарлыгъымызны мектепте чалышкъан эписи техник хадимлерине , китапханеджи _________________, буфетджи __________________ бильдирмеге истеймиз. Сагъ олунъыз!
1 мезун: Бугунь бу байрамны ана-бабаларымыз,бита- къартбабаларымыз да къайд этелер.
Севимли ана-бабаларымыз! Байрамынъыз хайырлы олсун!
Эр даим козьлеринъиз шенликкее толсун!
Ватан кунеш шавлеси
Нур сачсынъ юрегинъизге,
Бу гуллернинъ эписи сизге!
(Аналаргъа гульдестелер такъдим этиле ).
2 мезун: Сонъки имтианларымыз битти
Бизлер энди буюдик.
Дюльбер , аджайип алемлерге
Мектеп къапулары ачыкъ.
3 мезун: Мектекбимиз артта къалыр,
Огде- юзьлернен ёллар.
Сагълыкънен къал, мектебимиз,
Азиз мектебимиз.
4 мезун: Аят ёлуна озюмизнен
Алгъан бильгилеримизни алырмыз.
Оджамызны незакетли сесинъ,
Мектеп достлугъыны алырмыз.
5 мезун: Кедерленме, достум, келирмиз
Бошап къалгъан сыныфымызгъа,
Мектебимиз бизни беклер,
Азиз,тувгъан мектебимиз.
1 мезун: Багъышланъыз, оджаларымыз,
Сизни биз къартайтамыз.
Кедер, къайгъылар ичюн
Бизлерни багъышланъыз.
2 мезун: Мектебимиз артта къалар
Огде – юзьлернен ёллар
Сагълыкънен къал, мектебимиз,
Азиз мектебимиз.
3 мезун: Юкъла, мектеп чанъы
Татлы, татлы юкъла,
Сагълыкънен къал, мектеп
Сагълыкънен къал! Корюшкендже!
Етекчи: Азиз мезунлар! Мына сонъки мектеп байрамынъыз, мезунлар геджеси сонъуна етти. Сизлерни къыйин, лякин меракълы аят беклей. Акъ ёл сизлерге! Эр даим мектеп къапулары сизлер ичюн ачыкъ.
911
54 375 
