Педагогикалық тәжірибе алмасудың ақпарттық картасы

ПЕДАГОГИКАЛЫҚ ТӘЖІРИБЕ АЛМАСУДЫҢ

АҚПАРТТЫҚ КАРТАСЫ

1.Автордың аты-жөні:Орынбаева Гаухар Тортаевна

2.Қала (аудан): Қостанай

3.Білім беру мекемесі: «Қостанай қаласы әкімдігінің білім бөлімінің

№ 5 «А» мемлекеттік мекемесі»

4.Қызметі: Бастауыш сынып мұғалімі

5.Педагогикалық тәжірибе алмасу тақырыбы: «Әдебиеттік оқу сабақтарында оқушылардың қызығушылығын арттыру»

6.Тәжірибенің жаңашылдық деңгейі: Елбасы Н.Ә.Назарбаев «Еліміздің болашағы жас ұрпақ » деп айтқандай қазіргі балалар жан-жақты, бәсекеге қабілетті болулары қажет. Өзгеріс енгізуде,шығармашылыщқпен жұмыс жасау , оқушылардың білім сапасы, әр түрлі әдістемелер көмегімен білім беретін, білім таратушы мұғалімге байланысты. Сондықтан да мұғалімдер де сабақ беру барысында дәстүрлі әдіс-тәсілдерден гөрі,жаңашыл тәсілді көбірек қолданып, өзі тек бағыттаушы болып, оқушылардың көбірек сөйлеуіне мүмкіндік беру керек. Біз -дәстүрлі жүйедегі әміршілік стильден бет бұрамыз, сабақ барысында оқушы тек тыңдаушы, орындаушы емес, оқушылар өздері ізденеді,олар тәуелсіз,бір-бірімен еркін қарым-қатынас жасайды, біртіндеп ашыла бастайды.Дегенмен, қоғам мен мемлекеттің дамуында білім саласының ықпалы күшті. Еліміздің басынан өтіп жатқан жанартаудай «сілкіністер» бүгінгі білім беру жүйесіне де түрлі өзгерістер енгізуде. Заман талабы «білу аз, сол білгенінді іске қолдана білу» дейді. «Әркім қолда барын ұсынады» деп немқұрайдылыққа салынсақ алдымызда отырған бейкүнә шәкірттердің тағдырына қиянат жасаған болар едік. Не ексең, соңы орасың. Рухани байлық, ең алдымен, әр халықтың ұлттық әдет-салты, көзқарасы шыққан түп-тамырында жататыны белгілі. Сол ұлттық байлықты бүкіл адамзат өз ұрпағын тәрбиелеуге қолданып келеді.Армансыз адам алысқа бармас. Арман бар жерде оған жетер жол даңғыл десек, қателесеміз. Көңілдегі көрікті ойдың ауыздан шығарда жоғалып кететініне, өз қиялындағы әдемі дүниенің оқушы алдында быт-шыты шыққанына талай ұстаз куә. Білім жетерлік, бірақ оны оқушыға жеткізу үлкен шеберлікті қажет етеді.Саңқылдап айтқан үніңді оқушылар салғырт тыңдап, бей-жайлық танытқанда, ішкі дүниең түгел қаусап қалғандай күй кешесің. Мұғалімнің біркелкі кезіккендейсің. Өлі тыныштық. Осындай сабақтың пайдасы бар ма? Немесе материалдың қызықты жеріне өзі көбірек мәз болған ұстаздың әрекетінен не ұтасың? Оқушының дара тұлға ретінде жан-жақты дамуына осы сабақта жағдай бар ма? Міне, арманға жетер жол даңғыл емес, тынымсыз іс қажет.Алдымен бала қызығушылығын ояту керек, олай болса зерттейтін объект – оқушы. Оның бойындағы қасиеттерді ескере отырып, сезімін, ынтасын оятар іс-әрекетті жоспарлап көр, әрі қарай оқушының таным белсенділігін арттыруды мақсат ет. Танымдық белсенділікті қалыптастыру көрсеткіштеріне интеллектуалдық, эмоцияналдық, жігерлілік іс-әрекетке оқушылардың белсене қатысуы жатады. Осындай нәтижеге жету үшін сабақ мазмұнының түрлерін, оқытудың амал-тәсілдерін түгелдей өзгерту қажет, қазір жалпылама баяндау, сұрақ-жауап, тәрізді сабақ әдістері өз нәтижесін бере алмайды. Сондықтан сабақ процесінде оқытудың жаңа әдіс-тәсілі, деңгейлеп-саралап оқыту педагогикалық технологиясын таңдап алдым.Деңгейлеп саралап оқыту технологиясы 1998 оқу жылынан бастап мектептің барлық сатысына, барлық пәндерге еніп, оқу үрдісін жандандыруға үлкен үлес қосып келеді.Профессор Ж.Қараевтың деңгейлеп-саралап оқыту технологиясы жаңаша өзгерген мақсатпен оқушылардың өздігінен танып, іздену іс-әрекеттерін меңгертуді талап етеді. Бұл технологияда бірінші орында оқушы тұрады және өз бетімен білім алудағы белсенділігіне аса назар аударылды.Деңгейлеп-саралап оқыту технологиясында жұмыс міндетті үш деңгейлік, қосымша шығармашылық деңгей талаптарынан тұрады. Оның басты мақсаты – сынып оқушыларын «қабілетті», «қабілетсіз» деген жіктерге бөлуді болдырмау. Деңгейлеп-саралап оқыту технологиясының екінші бір жағы – оқушыларды дүниежүзілік білім жүйесінде қолдананылаты рейтинг – ұпай жинау әдісіне баулу.Деңгейлік тапсырмалар рейтинг-ұпай – балл жинау әдісімен бағаланатынын ескерсек, оқушылардың деңгейлік сабақ өткеннен кейін де сол тапсырмаларда жіберген қателіктеріне, тапсырмаларын орындауда қолданған тәсілдеріне анализ жасап, қателіктері мен кемшіліктерін анықтай білуге мүмкіндік береді. Келесі тапсырмаларда оқушы неғұрлым көбірек ұпай жинау үшін ізденіп оқытушыдан, жолдастарынан, қосымша материалдардан білім жинайды

Деңгейлеп-саралап оқыту технологиясы:

- оқушының өз қабілетіне, болашағына сенуіне;

- оқушының ынталандыруға;

- оқушы мен оқытушының ынтымақтастық қарым-қатынас достығына;

- оқушының өз білімін өз бағалай білуіне;

- баға әділдігіне;

- білім көрсетудің әділ сайысына мүмкіндік береді.

Ұстаздық деген киелі мамандықтың сырын ашып, қыры мол, терең дүниеге еніп кеткелі көңілдегі арман толастамай, тоқу мен қуаныш қатар аралып мектеп деген үлкен дарияда жүзіп келе жатырмыз.

7.Педагогикалық тәжірибе алмасу мақсаты:

1.оқушылардың жеке тұлғасын зерттеу

2.деңгейлеп-саралап оқытудың тұлға қажеттіліктерін қанағаттандыруға және оны дамытуға ықпалын анықтау

3.оқушылардың пәнге деген тұрақты қызығушылығын тудыру.

8. Тәжірибенің қысқаша түсінігі (жұмыс жүйесі,деңгейлік тапсырмалар):

Оқушылардың шығармашылығын арттыруда деңгейлеп-саралап оқыту технологиясын оқу-тәрбие процесіне енгізіп және ғылыми-әдістемелік құжаттар мен ұсыныстармен қамтамасыз етсек, онда дәстүрлі оқытудың төмендегідей мәселелерін шеше аламыз: оқушылар өздігінен білім алуға үйренеді.Оқушылардың жақсы үлгерімі қамтамасыз етіледі.Оқушылардың жүктемесін жақсартуға мүмкіндік туады (үй тапсырмасы азаяды). Оқушылардың оқу қызметтерінің нәтижелері әділ бағаланады. Оқушыларда сәтсіздік, қорқыныш, мазасыздық сезімі жойылады. Дарынды оқушылар дер кезінде анықталып, оларды дамытуға жағдайлар жасалады. Танымдық процестерді, оқушылардың таным қабілеттерін зерттеу әдістері жүйеленеді.Олимпиада, конференция жүлдегерлері, шығармашылық жұмыстардың жеңімпаздарының саны артады.Сонымен қатар өзімнің түрлі байқауларға қатысып, авторлық жұмыстар жазу барысында осы технологияның көмегі мол болды.

9.Кім және қашан үйренді:Республикалық «Менің инновациялық сабақтарым» байқауына қатысып, «Ізденген жетер мұратқа» номинациясы бойынша 2-ші дәрежелі дипломға ие болдым және облыстық сырттай байқауда «Бастауыш сынып оқушыларын оқытуда жаңашыл технологиялардың орны » тақырыбындағы мақалам жинаққа енді. «Ең үздік авторлық бағдарлама», «Ең үздік электрондық ресурстар» атты байқауларға қатысып,сертификат алдым. «Аттестатталушы мұғалімдердің фестивалі» байқауында 2-ші орынға ие болдым.

10.Эксперттік қорытынды: 2 сынып оқушыларына арналған «Қызықты грамматика» ISBN 978-601-303-220-7,1 сыныпқа арналған «Грамматика әлемі » ISBN 978-601-316-515-8, бастауыш сыныптарға арналған «Сөз сыры» оқушылардың функционалдық сауаттылығын арттыруға арналған тапсырмалар ISBN 978-601-316-514-1, осы тақырыптарда әріптестеріммен бірігіп, авторлық бағдарлама құрастырып, ISBN нөмірлерін алдық. Сонымен қатар «Копилка уроков»,«Ogu kz», «Коллеги» сайттарына материалдар жариялап отырамын. Мультиурок сайтында өзімнің жеке сайтымды аштым, үнемі түрлі материалдар жариялап отырамын. «Оқушылардың өзін-өзі тану және өзін-өзі ақиқаттау арқылы рухани-адамгершілік білім берудегі құндылықтың түсініктерін дамыту» курсынан,ҚР педагог кадрларының біліктілігін арттырудың «Педагогикалық қоғамдастықтағы мұғаліс көшбасшылығы» бойынша мұғалімдерді оқыту курсын аяқтадым.

11.Тыңдаушылар: ҚӘ мүшелері, бастауыш сынып мұғалімдері

12. Тәжірибенің тиімділігі:

-оқушылардың танымдық қабілеттерінің дамуы,өздігінен білім алуға үйренуі;

- оқушылардың білімдерінің артуы;

13. Түйін,ұсыныс: Тәжірибе жұмыстарының барысында байқағаным, сабақта оқушылардың шығармашылығын арттыруда деңгейлеп-саралап оқыту технологиясын қолдану арқылы барлық оқушылардың өз деңгейінде жұмыс жасай алуын қамтамасыз етеміз, әр оқушы өз ойын еркін айтуға үйреніп, шығармашылық қабілетін дамыта алады.