План-конспект урока крымскотатарского языка для 6 класса

Ана тили дерси    6-сыныф

МЕВЗУ: Исим. Умумий малюмат. Джанлы ве джансыз, хас ве джыныс

                исилер.

Макъсат: талебелернинъ исим акъкъында бильгилерини пекитюв;

                  хас ве джыныс исимлерни догъру язмагъа огретюв;

                  ана тили дерслерине меракъ догъурув.

                                           ДЕРС КЕТИШАТЫ

I. Тешкелий момент.

II. Янъы мевзуны анълатув.

Булмачаны чезип, мевзунынъ адыны тапмакъ.

1. Къат-къат къапыста,

Ичи толу къырмыскъа.

1. Бир кичкене алаша, ич токътамай чалыша.
2. Аран толу акъ тавукъ.
3. Бир кичкене метийчик,

Ичиндедир ботийчик.

1. Суаллерге джевап берюв.

а) Исим акъкъында не билесинъиз?

б) Насыл суаллерге джевап бере?

в) Исимнинъ насыл аляметлери бар?

Исимлер джанлы, тири предметлернинъ, ер, кок ве табиаткъа аит олгъан шейлернинъ, тереклернинъ ве осюмликлернинъ, вакъианынъ, мевсимнинъ адлары олалар, ким? ве не? суаллерге джевап бере. Исим джумледе баш ве экинджи дередже азасы олып келе.

Терекнинъ тамыры – бу джумле азалары.

1. Хас-джыныс (шеэр – Акъмесджит)
2. Конкрет – абстракт (дефтер – севги)
3. Джанлы – джансыз (инсан – озен)

1. Китапнен чалышув.

144 мешгъулиет 63 саифе (агъзавий шекильде).

Вазифе: Къайд олунгъан исимлернинъ баш ве уфакъ арифинен язылмасыны анълатынъыз.

1. «Ким чокъча» оюны.

Вазифе: 5 дакъикъа ичинде ким чокъ исимлер язар.

1. Пекитюв.

1. Тахтада чалышув.

Вазифе: 2 талебе тахтагъа чыкъып, бириси эВ айванларны, экинджиси исе кийик айванларны язалар. 1 дакъикъа ичинде ким чокъ язар.

1. 145 мешгъулиет 64 саифе. (2 джумле)

Вазифе: Хас ве джыныс исимлерни сечип, дефтеринъизге язынъыз.

1.  Нетиджелев.

Суаллерге джевап берюв:

1. Насыл сёз чешитке исим дейлер?
2. Хас ве джыныс исимлер нении бильдирелер?
3. Исим джумленинъ насыл азасы ола биле?

1. Баалав.
2. Эв вазифеси: 64 саифе 147 иш, эр бир джыныс исимнинъ къаршысына уйгъун кельген хас исимлер язынъыз;

         3 джумле тизмек.