Суу сыйлаган зор болот, суу кордогон кор болот

К. Токторалиев атындагы №30 жалпы билим берүүчү орто мектеби

Орозалиева Бактыкан

Темасы: Суу сыйлаган зор болот.

Сабактын максаты:

а) суунун маанисин балуулугун,пайда болушун үйрөтүү

б) суу тууралуу кызыктуу маалыматтарды айттырууга машыктыруу

в)сууну сыйлоого,кадырлоого тарбиялоо

• Сабактын тиби: Жаңы материалды түшүндүрүү Сабактын методу: Сүйлөшүү
• Сабактын тиби: Жаңы материалды түшүндүрүү
• Сабактын методу: Сүйлөшүү

ангемелешүү

• Сабактын жабдылышы: Дептер, түр карандаш Сабактын жүрүшү:
• Сабактын жабдылышы: Дептер, түр карандаш
• Сабактын жүрүшү:

Жаны тема: Жер жүзү,адамзат жаралган күндөн тартып эле, бардык органикалык тирүү жандар үчүн өмүр тартуулагандардынбири бул-суу. Анткени суу ар бир жан үчүн керек жана абдан маанилүү. Суусуз жашоону элестетүүгө мүмкүн эмес.Айталы бизди ысыктан тозуп көлөкө тартуулаган,жазында бүчүр алып кооз көрүнгөн, мөмөсүн берип пайдасын келтирген бак-дарактар, суусуз даярдоого мүмкүн болбогон тамак-аш,азык-заттар да сууну талап кылышат.Адам баласы үчүн дагы ичкенге,жууганга, үй эшик- элик тазалаганга, идиш-аяк, үйдөгү кир болгон буюм тайымдарды жууганга көптөгөн суулар керектелет. Медициналык жактан алып карап көрсөк,медиктердин айтуусу боюнча адам күн сайын орто эсеп менен 1-2 литрдин тегерегинде суу ичип турушу зарыл жана суусуз 3 күн жашай алат. Биздин өлкө сууга бай өлкөнүн катарына киргендигине карабастан техниканын эскилигинен улам жер -жерлерде тургандар суу менен толук кандуу камсыз болушкан эмес. Суунун жетишсиздиги айлана чөйрөгө, адамдарга,өзүнүн кедергисин тийгизип чоң көйгөйдү жаратып жатат. Тоолуу аймактарда жергиликтүү жашоочулар көбүнчө сууну булактардан алып ичишет. Бекеринен суу- өмүрдүн булагы деп айтылбаса керек. Ошондуктан ар бирибиз сууну туура, таза сарамжалдуу пайдаланышыбыз кекрек.

Мугалим:

Жети кабат жер астын,

Жарып чыкан акан суу,

Жер ааламдын баарсынбы,

Багып чыкан аккан суу.

Алтын канат,жер куйрук,

Балык чыккан аккан суу.

Ак кыянын боорунан,

Агып чыкан аккан суу.

Өмүмр отун тутантып

Жагып чыккан аккан суу.

Суроо? Кана балдар, адамдар суусуз жашай алышабы?

Суу бул жашоо,моокун канып жутамын.

Суу бул өмүр,ыйык кылып тутамын.

Суу -тамчылардын курамы

Бышыктоо : Эң таза суу Финляндияда ЮНЕСКОнун маалымат боюнча эң таза суу Финляндияда. Изилдөөгө 122 мамилекет катышкан. Ал ортодо дүйнө боюнча бир миллиарддай киши таза сууга муктаж экенин бардыгы эле биле бербесе керек.

Суу-бул өмүр: Дүйнө жүзүндөгү бар жандыктар менен макулуктардын организими суудан турат. Мисалы,жаныбарлар-75пайызы ,балык-75пайыз, медуза -99 пайыз, картошка-76,алма-85,помидор-90 суудан турат.Жаш өткөн сайын суунун курамы50 пайыз чейин төмөндөйт.

Адам суусуз жашай албайт Эгер киши денесинин эки пайызы суусун жоготсо ал суусап баштайт.10 пайызга жетсе кишинин көзүнө түрдүү нерселер көрүнүп жөөлөп калат.Ал эми 12пайыз суу жоготсо дарыгерлердин жардамы менен гана калыбына келе алат. 20 пайызга жетсе киши өлөт.

Таза суунун басымдуу бөлүгү мөнгүлөрдө катылган

Суу кайда көп деп суроо салсак, бардыгы эле океанда деп жооп берери бышык.Бирок бардык эле сууну ичүүгө болбойт.Жер жүзүндөгү суулардын 3 пайызы гана ичүүгө жарайт. Ошол 3 пайыздын жарымы мөнгүлөрдөн тоңуп турат.

Суу жүрөккө жардам берет: Суу жүрөк оорусунун алдын алат.Окумуштуулар күнүнө алты стакан суу ичкен кишилер жүрөк оорусуна аз чалдыгарын аныкташкан.

Жыйынтыктоо: Бүгүнкү темабыз эмне жөнүндө болду?

• Суунун кадай пайдасы бар экен? Дагы кандай маалыматтарды билесинер?
• Суунун кадай пайдасы бар экен?
• Дагы кандай маалыматтарды билесинер?

Баалоо: Балдарды бири бирин баалатуу.

Үйгө тапшырма: Балдар биздин апаларыбыз мурун булактан суу ташып ичишкен. Биздин айылга арис программасы менен айылыбыз таза суу менен камсыз болду. Азыр ар бирибиздин үйүбүзгө суу чыгып калды. Мурунку көрүнүш менен азыркы учурдагы суу боюнч сүрөт тартып келүү.

2023-2024