Тема: Берашна ламаз 1амор, школе даха кечдар.

Урок № 16

Класс – 7

Терахь ______

Хьехархо:

Тема: Берашна ламаз 1амор, школе даха кечдар.

1алашо: хьалха урокехь дийцаре дина берийн ловзарш, дагардарш

карладахар; берашна ламаз 1аморах, школе даха кечдарах

лаьцна довзийтар; Далла 1амал еш, ийман, ислам долуш, къоман

г1иллакхехь оьзда т1аьхье кхиор.

Урокан г1ирс: «Ламаз 1амор»

«Элчано элира»

Урокан некъ

I.Догдаийтаран мур

Хьо вацахь адамашна хьайн йовхо етташ,

Эрна ду жам1атехь ламазаш дар.

Халкъана, махкана лелахь пебетташ,

Хаалахь, боьха ю ахь юьту лар.

II. Дешархойн долчу хаарийн актуализации яран мур

- Хьан дуьйцур дара аш, муха ловзу галл-г1ожмех?

- Муха ловзуш хилла г1улгех?

- Коьлаках ловзар хьанна девза шуна?

- Кхин х1ун берийн ловзарш девза шуна?

- Дийца цу ловзарийн бакъонех, оьздангаллех лаций.

III. Керла тема. Берашна ламаз 1амор, школе даха кечдар.

План:

1. Урокан тема а, 1алашо а йовзийтар.

2. Ламаз дар – оьзда хиларан билгало.

3. «Ц1еналла – ах дин».

4. Адам къинойх ц1андийриг – ламаз.

5. Ламаз – динан шолг1а б1ог1ам.

6. Бераш школе даха кечдар.

Ламаз – динан шолг1а б1ог1ам бу; цуьнца цхьаьна стеган оьздангаллин, ц1еналлин а бух бу. Цкъа делахь, дийнахь пхоьазза Далла дуьхьал х1оттаро стаг цхьана билггалчу оьздангаллин кепехь латтаво, цуьнан дог-ойла ц1анйо, иза къинойх ларво. Шолг1а делахь, шен дег1 а, бедар а ц1ена латтор т1е а дожадо цунна. Делан Элчас аьлла: «Шуна хьалхахула охьадог1уш хи хилча, цу чохь дийнахь пхоьазза луьйчуш хилча, шуна т1ехь мода хила йиш хир ярий? – Иштта адам къинойх ц1андеш ду ламаз а».

Дешнаш т1ехь болх:

Ламаз – динан шолг1а б1ог1ам бу; цуьнца цхьаьна стеган оьздангаллин, ц1еналлин а бух бу.

IV. Урокехь дийцинарг т1еч1аг1дар.

- Ламазах лаьцна х1ун дуьйцур дара аш?

- «Ц1еналла – ах дин ду» - бохучух муха кхета шу?

- Ламазо адам къинойх ц1андарх лаьцна хьан дуьйцур дара аш?

- Х1ун кечам бо бераша а, дай-наноша а школе дахарна?

- Цу хьокъехь берийн, дай-нанойн декхарх лаьцна х1ун хаьа шуна?

V. Урокан жам1 дар.

- Дешархойн хаарийн мах хадош, дика дакъалаьцнарш билгалбахар;

VI. Рефлексин мур

-Х1ун дара урокехь шуна дика хеттарг?

-Х1ун дара шуна урокехь дика ца хеттарг?

-Х1ун дара шуна урокехь атта хеттарг?

-Х1ун дара шуна урокехь хала хеттарг?

VII. Ц1ахь бан болх: язйинарг 1амо, кицанаш, дийцарш, аларш