Утуе дьон ааттара уйэлэргэ

Надябыт барахсан быраьаай,

Уһун сылларга бииргэ үлэлээбит дьүөгэбит, убаастыыр күндү коллегабыт Надежда Максимовна күн сириттэн күрэммитин истэн баран, бары наһаа соһуйан, хараастан туран кыра ахтыы дьонугар ыытабыт. Надя Сылан Г.П.Башарин аатынан орто скуолатыгар экспериментальнай завуһунан үлэлии сылдьан наһаа таһаарыылаахтык үлэлээбитэ, ол сылларга Егор Дмитрьевич Макаров, опытын барытын чөмчөтөн, сурукка тиһэн дьоҥҥо таһаарбыт үтүөлээх, Сылан оскуолата онно улэтэ киэҥник биһирэнэн биллэн көстөн, республикага биллэр үөрэх кыһата буолбута. Үлэтигэр олус эппиэттээх, чyолкай, киэн билиилээх этэ, үксүн НПКларга, олимпиадаларга эксперт буолара. Наһаа сэмэй, үтүө майгылаах буолан киниттэн сүбэлэтэр ыйыталаһар киһибит этэ. Географтар МОлара агыйах да буолан буолуо иллээх, түмсүүлээх этибит. Семинардарга көрсөн үлэ- хамнас кыайтарбатагын кэпсэтэрбит, ЕГЭҕэ, ОГЭҔА кыайбатах боппуруостарбытын ырытыһарбыт. Онно Надежда Максимовна наар быһааран өйдөтөн ыытара. Сүрдээх чуолкайдык, грамотнайдык- быьаарара, аны сурукка бичиккэ барыбытыттан ордук буолан Чурапчы улууһун Атлаһын оҥорорбутугар саамай улахан докумуонун оҥорооччунан, араас көрдөһүү, туруорсуу суругун суруйааччыбыт Надя этэ. Сүрдээх деловой, мээнэ тылынан саҥара сылдьыбат этэ. Биһиги Надябыт сүрдээх таһаарыылаахтык, аптырытыаттаахтык үлэлии сылдьан дойдутугар үлэлии барбытыгар бары да соһуйбуппут, суохтаабыппыт. Онно да төрөөбүт дойдутугар Тумул оскуолатыгар тиийэн учебнай завуч буолбутун истэн үөрбүппүт, киэн туттубуппут, үлэбитигэр опыт атастаһа тиийиэх буолан былааннаабыппыт.Сылдьарын тухары ыалдьарын олох кэпсээбэт этэ. Кэлин кэпсэтэригэр идея эппитэ, «Географы Чурапчинского улуса» диэн брошюра таһаарыахха сөп диэн этии киллэрбитэ, ону хайаан да олоххо киллэриэхпит диэн биһиги географтар баҕа санаалаахпыт. Чурапчы улууһун үөрэҕириитин, саҥа проектары интэриэһиргээн кэпсэтэр этибит, элбэх сүбэлэри биэрэрэ. Үлэлээбит таптлаллаах оскуолатын истиҥ иһирэх тылынан куруутун ахтара. Чурапчыга тиийдэхпинэ көрсүөхпүт диэбитэ, ол иһин Надя кэллэгинэ түмсүөхпүт диэн былаанныы сылдьыбыппыт.

Биһиги Надябыт чаҕылхай олоҕу олорон ааста. Кини олорон ааспыт олоҕун оҕолоро, сиэннэрэ салгыахтара, эрэнэбит кинилэр ийэлэрин аатын үрдүктүк тутуохтара диэн, үлэлээбит үлэтин үйэтитиэхтэрэ. Биһиги баарбыт тухары умнуохпут суoҕа, куруутун өйдүөхпүт саныахпыт. Кини сэмэй мичээрин, өйдөөх тылларын, кэрэ сэбэрэтин... Быраһаай күндү дьүөгэбит, табаарыспыт Надежда Максимовна.

Ахтыыны суруйдулар Чурапчы улууһун география предметын учууталлара: Колесова М.Д , Борисова А.Г, Софронова Е.Д, Анемподистова Е.П , Лазарева Т.В, Монастырева М. А, Макарова Л.С, Максимова В.Г, Аржакова А.А, Федоров А.А, Дагданча Н.М, Николаев В.Г, Платонова С.К