Виды получения энергии от солнца

ТАШҚИ ИССИҚЛИК ТАРМОҚЛАРИ, ИСИТИШ ТИЗИМИНИ СИНАШ

Режа

• Иссиқлик тармоқлари схемалари
• Компенсаторлар ва ёрдамчи жиҳозлар

Иссиқлик тармоқлари схемалари

• Вазифасига кўра иссиқлик тармоқлари қуйидагиларга бўлинади:
• а) магистрал – иссиқлик манбаидан аҳоли пункти ёки саноат корхонасигача бўлган тармоқ;
• б) Тақсимловчи – магистрал қувурлардан иссиқликни тарқатувчи марказий иссиқлик пунктларигача бўлган тармоқ;
• в) алоҳида бинолар учун тармоқ – тақсимлаш тармоқларидан маҳаллий иссиқлик пунктларигача бўлган тармоқ.

Иссиқлик манбасининг ва истеъмолчиларнинг жойлашганлигига қараб иссиқлик тармоқлари қуйидагиларга бўлинади.

Радиаль

Боши берк (тупик)

Ҳалқасимон

Боши берк(тупик) иссиқлик тармоқлари: 1 – иссиқлик манбаи; 2- магистрал иссиқлик тармоғи; 3 – Тақсимловчи тармоқлар; 4 – захира тармоқ.

• Радиаль схемаларда магистрал тармоқлар бир нечта иссиқлик манбаларидан иссиқликни узатишда захира нуқтаи назаридан бир бирлари билан қўшимча тармоқ билан бирлаштирилади. Истеъмолчилар алоҳида тупик тармоқлари вужудга келади.

Учта иссиқлик манбасини бирлаштирувчи иссиқлик тармоғининг радиаль схема: 1 – иссиқлик манбаи; 2 – магистрал иссиқлик тармоқлари; 3 – тақсимловчи иссиқлик тармоқлари; 4 – захира тармоғи

• Иссиқлик узатилиши узлуксиз бўлган ишлаб чиқариш корхоналари (касалхоналар, боғчалар, ва бошқа.)да иссиқликни узатиш захираси 100 %ни ташкил этиши шарт. Бунинг учун маҳаллий иссиқлик манбасидан ёки кўчма қозонхоналардан фойдаланиш мумкин.
• Амалиётдан малумки, диаметри 600 мм гача бўлган сувли иссиқлик тармоқларида содир бўлган носозликларни бартараф этиш 24 соат меъёридан ортиб кетмайди. Шунинг учун диаметри 600 мм гача бўлган иссиқлик тармоқларида захира тармоқларини ўрнатиш шарт эмас.

• Ҳалқасимон тармоқларнинг алоҳида ҳалқаларида иссиқлик юкламасининг қийматидан қатъий назар қувур диаметр бир хил бўлади. Шубҳасиз, ҳалқасимон тармоқлар радиаль тармоқлардан иқтисодий жиҳатдан қиммат ҳамда носозликларни бартараф этиш муддати узоқ. Афзаллиги монтаж даврида истеъмолчилар ҳисобий иссиқликни бошқа иссиқлик манбаидан олишлари мумкин.

Иккита иссиқлик манбаига эга ҳалқасимон тармоқ схемаси: 1 – иссиқлик манбаи; 2- магистрал иссиқлик тармоқлари; 3 – тақсимловчи тармоқлар

Компенсаторлар

• Харорат ортиши қабул қилишда ва уларни меъёрлашда ишлатиладиган қурилмалар компенсаторлар дейилади.
• Хароратни ортишини қабул қилувчи ва меъёрловчи қурилмаларни икки гурухга бўлиш мумкин:

• 1) радиаль ва эгилувчан қурилмалар, қувурларнинг эгри участкаларида ортишларни эгилган(текис) ёки буралишли эгилишлар(фазовий) кўринишлари орқали меъёрлаш.
• 2) сирғанувчи ва эгилувчи турдаги ўқли қурилмалар , қувурларни ўзаро телескопик кўчириш ёки ўрнатиладиган пружинали сиқиш орқали меъёрлаш.

• Иссиқлик тармоқларида энг кўп қўлланиладиган компенсаторлар булар радиаль компенсаторлар, улар турли кўринишдаги иссиқлик тармоқларида қўлланилиши мумкин. Иссиқлик тармоқларини лойиҳалашда биринчи навбатда табий компенсация ёки ўзини компенсация қилувчи иссиқлик тармоқлари участкаларидан фойдаланилади, яъни тармоқнинг бурилиши ҳисобига компенсация қилиш.

Қувурларнинг табий компенсацияси:

а – Z кўринишдаги компенсатор; б – Г кўринишидаги компенсатор; в – бурилиш бурчаги 130 0 гача бўлган; г – фазовий кўринишдаги компенсатор

• Механик компенсатор қурилмаларидан фойдаланишдан олдин қувур узунлиги бўйлаб табий компенсацияловчи қурилмаларидан имкон қадар фойдаланиш лозим.

• П – шаклли компенсаторлар кенг қўлланиладиган компенсаторлардан биридир. Улардан турли хил усулларда ётқизилган қувурларда, тармоқларнинг диаметрларига боғлиқ бўлмаган ҳолда ва горизонтал ва вертикал жойлашган қувурлардаги иссиқлик ташувчиларнинг кўрсаткичларидан қатъий назар фойдаланиш мумкин.

П – шаклли компенсаторлар:

а – эгилган; б – тик эгилган; в – пайвандланган тармоқли

Ёрдамчи жиҳозлар

• Сувли иссиқлик тармоқларининг ва конденсат ташувчи тармоқларнинг пастки нуқталарида ва алоҳида участкаларида сувни чиқариб юбориш учун штуцерли беркитиш арматураси қўлланилади.

Секцияловчи задвижкаларни ўрнатиш жойлари: 1 – секцияловчи задвижкалар; 2 – захира тармоқ задвижкаси; 3,4 – сув чиқариш қурилмаси; 5 – ҳаво чиқариш қурилмаси

• Ифлослик йиғувчилар, улар сувли иссиқлик тармоқларида тармоқдаги насосдан олдин, иссиқлик тармоғидаги узилган тугунлардаги босим ростлагичлардан олдин, иссиқлик тармоғидаги кириш ва қайтиш қувурларида, иссиқлик пунктларидаги ростловчи қурилмалардан олдин ва сув ўлчаш тугунидан олдин ўрнатилади.

Горизонтал ифлослик йиғувчи: 1 – қобиқ(корпус); 2 – тўрсимон фильтр; 3 – шламлар учун сиғим(идиш)

Вертикал ифлослик йиғувчи: 1 – қобиқ(корпус); 2 – тўрсимон фильтр; 3- шлам учун сиғим(идиш)