Просмотр содержимого документа
«Задания для подготовки к итоговой аттестации по родному (башкирскому) языку»
Башҡорт теленән йомғаҡлау аттестацияһына әҙәрләнеү өсөн эш биремдәре.
(Башҡорт теле һәм әҙәбиәте уҡытыусыһы Хәсәнова Лариза Жорабек ҡыҙы төҙөнө).
1-се эш биреме. Текст буйынса бирелгән эш төрҙәрен башҡарырға.
1.Беҙ күпереп бешкән ҡаласҡа май яҡтыҡ та, йомортҡа менән ҡушып, ләззәтләнеп ашарға тотондоҡ. 2.Атайым бындай саҡта һөйләнгәнде яратмай. 3.“Ашағанда кешенең ҡолаҡтары гына һелкенеп торорға тейеш”, - ти ул. 4.Уның был ғәҙәтен бөтәһе лә белә, шуға ла һәр ҡайһыбыҙ тып-тын ғына үҙ эшендә булды. 5. Ашап туйғас, мин ҡалған (...) һынығын, уны-быны уйлап тормаҫтан, ҡамыл араһына ырғыттым. 6. Быны күреп, атайымдың төҫө үҙгәрҙе. (Р. Ханнанов “Икмәк ҡәҙере”)
1. (4) ҡушма һөйләм төрөн билдәләгеҙ?
2. (2) һөйләмдә “бындай” алмашы ниндәй төркөмсәлә килә?
3. (6) һөйләмдәге “төҫө үҙгәрҙе” һүҙбәйләнешендә “төҫө” һүҙен ниндәй синоним һүҙ менән алмаштырып була?
4. (2) һөйләмдәге “яратмай” һүҙенә морфологик анализ яһағыҙ.
5. (5) һөйләмдә йәйәләр эсендә (...) ниндәй һүҙ төшөп ҡалған?
6. (3) һөйләмдән фразеологик берәмекте яҙып алығыҙ.
7. (3) тура телмәр һөйләмдең схемаһын төҙөгөҙ.
8. (1) һөйләмендәге тыныш билдәләренең ҡуйылышын аңлатығыҙ.
9. Текстан парлау юлы менән яһалған ҡушма һүҙҙәрҙе яҙып алығыҙ.
10. (5) һөйләмдәге “туйғас” һүҙенә фонетик анализ яһағыҙ.
2-се эш биреме.
“Икмәк ҡәҙере” темаһына 8-10 һөйләмдән торған бәләкәй генә текст яҙығыҙ.