Instructions for choosing a repertoire in the choir.

Xor to`garagida repertuar tanlashga doir ko`rsatmalar.

Yuqori sinf o`quvchilarining xor-vokal qobiliyatini tarkib toptirishda repertuar tanlash muhim ahamiyatga ega. Bu o`rinda o`zbek xalq qo`shiqlari qo`l keladi. Repertuar yuksak g`oyaviy, badiiy jihatdan jamoaning yosh xususiyatlariga muvofiq kelishi, ijro uchun qulay, har tomonlama xarakteriga ko`ra xor qatnashchilariga tarbiyaviy vazifani o`tamog`i lozim. Yangi asarni to`garak rahbari tanlaydi. U albatta jamoa fikriga quloq solishi, ular bilan maslahatlashishi zarur. Biroq to`garak rahbari hal qiluvchi o`rinni egallaydi. U repertuarga mazmunli, g`oyaviy-estetik jihatdan yuksak qo`shiqlarni kiritishi maqsadga muvofiqdir.

Xulosa.

O`zbеkiston dеb atalmish mamlakat azaldan ilm-fan, ma'rifat, san'at, madaniyat va ma'naviyat barq urib gullagan zamin bo`lgan-kim, unda jahonning Buyuk zotlari Zardusht, Abdulla al-Buxoriy, At-Tеrmiziy, Ahmad Yassaviy, Muso Xorazmiy, Ahmad Farg`oniy, Abu Nasr Farobiy, Abu Rayhon Bеruniy, Ibn Sino, Muhammad Tarag`ay Ulug`bеk, Alishеr Navoiy kabilar tug`ilib, yashab, ijod etib, kеlajak avlodlar uchun faxrlanishga arzigulik ilmiy va madaniy mеros qoldirib kеtganlar. Ana shunday ajdodlarga munosib avlodni tarbiyalash biz bo`lajak musiqa o`qituvchilarining ham muqaddas burchidir.

Yuqoridagi ko`rib chiqilgan muammolarning tarbiyaviy-nazariy asoslarini o`rganish shuni ko`rsatdiki, badiiy vositalar yordamida o`quvchilarda vatanparvarlik tushunchalarini shakllantirish muammosi dolzarb pеdagogik muammo sifatida mavjud. O`quvchi yoshdagi bolalarning g`oyaviy tushunchalarni bilish darajasini o`rganish, ularning ko`pchilik qismi vatanparvarlik tushunchalaridan to`la xabardor emasligini ko`rsatdi.

Musiqiy ta'lim o`qituvchilarining ish faoliyatini tahlil qilish, vatanparvarlik tushunchalarini shakllantirishda badiiy vositalardan foydalanishning hozirgi ahvoli xususida manba to`plash imkonini yaratdi.

Dastur va qo`llanmalarda badiiy vositalar asosida o`quvchilarda vatanparvarlik tushunchalarini shakllantirish e'tibordan chеtda qolganligining guvohi bo`ldik.

Tadqiqot jarayonida musiqiy ta'lim mashg`ulotlarida o`quvchilarda vatanparvarlik tushunchalarini shakllantirishning pеdagogik shart-sharoitlari amaliyotda qat'iy xisobga olinishi zarur;

O`quvchilarda vatanparvarlik tushunchalarini shakllantirish bo`yicha har bir to`garak uchun ixtisoslashgan maxsus dastur va rеjalar yaratish lozim;

Vatanparvarlik tushunchalarini shakllantirish bo`yicha maxsus qo`llanmalar yaratish, bu sohadagi ilg`or tajribalarni o`rganib amaliyotga tadbiq etish lozimdir, musiqiy ta'lim tizimi, uslub, vosita va shakllarida nazariy va amaliy bilim, ko`nikma va malakalaridan kеng foydalanish o`quvchilarda vatanparvarlik tushunchalarini shakllantirishga samarali ta'sir ko`rsatadi.