Тарбиялык саат Кызамык

Кызамык

К ызамык деген эмне?

К ызамык – аба аркылуу тез жугуучу вирустук оору. Инфекцияны аталган илдет менен ооруп жаткан адам таратат. Кызамыкка каршы эмдөө албаган адамдар ооруп жаткан бейтаптын жанында өтө кыска убакытта болсо да жуктуруп алышы мүмкүн .

Кызамык менен ооруп жаткан адамдын дене табы 40 градуска чыгып мурду бүтөт, кургак жөтөл менен бат-баттан жөтөлөт. Оору башталгандан төртүнчү-бешинчи күнүндө денеге кызыл тактар чыга баштайт. Алгач адамдын кулагынын артына, бетине, мойнуна, андан кийин көкүрөгүнө жана тулку боюна чыгып кийин колу, буттарына жайылат. Айтор, адамдын денесин толук каптайт

Кызамык эмнеси менен коркунучтуу?

Иммунитети начар бейтаптар оорунун оор түрү менен ооруп калышы мүмкүн. Кулактын (отит), мурун көңдөйчөлөрүнүн сезгениши, өпкөнүн сезгениши (ымыркайлардын өлүмүнүн кеңири таралган себеби), мээ кабыкчаларынын сезгениши (энцефалит) пайда болуп, мээнин калыбына келбей турчу бузулууларына алып келет.

Кызамыктан сактануунун эң ишенимдүү жолу эмдөө. Кыргызстандагы эмдөө графигине ылайык, ата-энелер балдарын кызамыкка каршы 12 айында жана 6 жашында эмдетүүгө тийиш.

Ата-энелерге кеңеш

Кызамыктын алдын алуу боюнча төмөндөгүдөй кеңештерди эске алуу керек.

• Кызамык аба аркылуу жугат, андыктан оорулуулар менен жакын алакага барбоо
• Дене табы ашыкча көтөрүлсө (39-40°C) бейтапканага барбай, үйгө дарыгер чакыруу
• Дене табы ысыганда баланы же чоң кишини ороп-чулгабай салкын кармоо керек
• Баланын ичи өтүп, кусуп жана денелерине бүртүкчөлөр чыга баштаса ал -кызамыктын белгиси
• Кызамык сасык тумоо катары башталат, андыктан гриппке чалдыккандар 21 күн дарыгердин көзөмөлүндө болушу керек
• Оорунун алдын алуу жана айыктыруу үчүн А витаминин берүү
• Врач жазган антибиотиктерди гана алуу
• Оорулу киши бар үй-бүлө мүчөлөрүн тезинен эмдетүү зарыл

Сактануу

Табигый иммунитет, толугу менен оору менен күрөшүү үчүн, сергек жана активдүү жашоо образын кармануу керек. Аш болумдуу жана ар түрдүү пайдалуу тамактарды жеп, суу көп ичип жана жетиштүү уктоо зарыл

Ден соолукта болгула балдар!