9-ая научно-практическая конференция в Яльчикском районе Чувашской Республики

Конференцири доклад

2018-мĕш çулхи ака уйăхĕн 20-мĕшĕнче ЧР Елчĕк районĕн Кушкăри вăтам шкулта район шайĕнчи наукăпа практика конференцийĕ иртрĕ. Унта Кивĕ Эйпеç тĕп шкулĕнчи 9-мĕш класра вĕренекен Смирнова Алина хутшăнчĕ. Ун ĕçĕн ячĕ – «Ял историйĕ тата унти микротопонимсем». Ǎна ертсе пыраканĕ – шкулта чăваш чĕлхипе литературине вĕрентекен Федорова Елена Сергеевна.

Алина Кавал ялĕнче пурăнать, унти вырăнсене тата вырăнсен ячĕсене мĕншĕн çавăн пек ят панине те вăл питĕ тĕплĕн тĕпченĕ: ялти ватăсенчен ыйтса пĕлнĕ, унсăр пуçне тĕрлĕ литературăпа паллашнă, Н.И.Ашмарин словарĕ таранах. Ун ĕçĕ ыттисене те тыткăнларĕ, конференцире хăйĕн ĕçĕпе палăрчĕ, 3-мĕш вырăн йышăнчĕ. Сăмах май каласа хăварсан, Алина иртнĕ çул республика шайĕнче иртнĕ наукăпа практика конференцинче 3-мĕш вырăн йышăнма пултарчĕ.