Викторина, посвящённая 170-летию со дня рождения чувашского Патриарха И.Я.Яковлева

Шкулта – И.Я.Яковлев пултарулăхне халалланă викторина.

Чăваш халăхне çутта кăларакан Иван Яковлевич Яковлев çуралнăранпа 170 çул çитнĕ май ЧР Елчĕк районĕн Кивĕ Эйпеç тĕп шкулĕнче И.Я.Яковлев пурнăçĕпе пултарулăхĕ тăрăх «Аслă вĕрентекенĕмĕре асăнса» викторина иртет. Викторина ыйтăвĕсем – 2018 çулхи нарăс уйăхĕн 22-мĕшĕнче тухнă «Елчĕк ен» хаçатра пичетленнĕскерсем. Ǎна хатĕрлекенĕ – Елчĕк район тĕп библиотекинче ĕçлекен Л.Зайцева. Ыйтăвĕсем – питĕ кăсăклă. Пирĕн шкултан мĕн пур ыйтăвĕсем çине тĕрĕс хурав параканĕ – Карина Новикова, 8-мĕш класра вĕренекен. Вăлах 2017 çулхи чăваш чĕлхипе, литературипе тата культурипе республика шайĕнче иртнĕ интернет олимпиадăра чăваш ачисем хушшинче пĕрремĕш вырăна тухнăччĕ. Малашне те ăнăçу сунар ăна!