1-ші сынып 17-ші сабақ «Жақсыдан үйрен, жаманнан жирен»

Сабақ мақсаты: Жақсыдан үйрену, жаманнан жирену туралы түсінік бере отырып , дұрыс әрекет жасау құндылығының мәнін ашу.

Міндеттері:

Жақсыдан үйрену, жаманнан жирену туралы түсінік беру;

Әрқашанда дұрыс әрекет жасауға тәрбиелеу;

Балаларды жақсы мінез құлықтарын қалыптастыруға баулу;

Ресурстар:

(күнделік, оқулық, жұмыс дәптері, қаламсап, қарындаш)

Сабақ барысы:

Ұйымдастыру кезеңi. 5Т. 5 жұмыс құралын түгендеу, күнделік, оқулық, жұмыс дәптері, қаламсап, қарындаш.

Тыныштық сәтi.(баяу әуен)

Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

• Қандай әсер алдыныз?

• Көз алдарыңа қандай бейнелер елестеді?

Үй тапсырмасын тексеру.

№ 17 сабақ «Әйнек адам»

В.Сухомлинский

1. Баланың әрекеттері туралы не айта аласыңдар?

2. Қалайша дұрыс әрекет жасады?

3. Қандай жақсы қасиеттерді үйренуге болады?

Сабақ барысын талқылау:

Дәйек сөз.

Жақсы болу өз қолыңда.

Халық даналығы

1. Жақсы болу арқылы біз неге қол жеткіземіз?

2. Дұрыс әрекет жасауды қалай түсінеміз?

3. Дұрыс әрекет жасау арқылы жақсы қасиеттермізді қалай көрсетеміз?

Әңгiмелеу.

Ертегі

«Жақсы дос»

- бала жолдасына достығын қалай көрсетті?

- қандай құндылықтарды байқадық?

- бала неліктен қуанды?

Балапан теле арнасынан базарлық.

http\\balapan.kaztrk.

kz\telekanal\present\

Шығармашылық, топтық жұмыс.

Көршілес отырған балаларға карточкалар беру арқылы әркім өзінің көршісі тіралы жақсы қасиеттерін жазады.

Топпен өлең оқу.

Жақсы болу – өзіңнен,

Жаман болу – өзіңнен.

Өзіңді өзің ая да,

Өзің үйрен өзіңнен.

Жақсылық көрсең біреуден,

Мен қандаймын деп ойла.

Жамандық көрсен біреуден,

Мен қандаймын деп ойла!

Үй тапсырмасы.

18 сабақ

«Жақсы деген немене, жаман деген немене?»

В.Маяковский

Дәптермен жұмыс

Дәптердегі суреттерді бояу. Тапсырмаларын орындау

Сабақтың соңындағы тыныштық сәтi.

Баяу әуен қойылады. Оқушылар денесін, басын тік ұстап, көзің жұмып отырады. «Мен сабырлымын, ұстамдымын. Мен үйде де,аулада да, мектепте де өзімді сабырлы ұстаймын, еш нәрсеге ренжімеймін. Маған сабырлы, ұстамды болған өте ұнайды» деп қайталаңыздар. Бүгінгі сабақтағы алған әсерлеріңізді жүректеріңізге түйіп алыңдар.Көздеріңді ашуға болады. Сабақ аяқталды. Сау болыңдар.

Интернет желісі