Ар улуттан болсок да, биримдикте күчүбүз!

Сабактын темасы: Ар улуттан болсок да, биримдикте күчүбүз!

Сабактын максаты:

Окуучулар башка улуттарды сыйлоого, урматоого тарбияланышат. Кыргыз элинин улуттар аралык ынтымагын чыңдоого салым кошушат.

Улут деген эмне?

Улут -тили, маданияты,каада-салттары, жашоо ыңгайынын өзгөчөлүктөрү менен башка элдерден айырмаланган адамдардын белгилүү бир этностук жалпылыгы.

Кыргызстанда калктын 73 пайызы-этникалык кыргыздар. 15 пайызын өзбектер түзөт.

Үчүнчу орунда калктын 5 пйызын орустар түзөт.Кийинки катарларды дунган,уйгур, тажик улуттары ээлеген,алардын ар биринин саны бир пайызды түзөт. Ошондой эле Кыргызстанда түрктөр, казактар, татарлар,азербайжандар, немецтер,түркмөндөр, чечендер,белорустар жана башкаларжашайт.

Жер шарындагы мидеген элдерге, улуттарга таандык беш миллиарддан ашуун киши адамзатты түзүп турат.Адамзаттын катарында саны миллиарддан ашуун да миңге жетпеген да элдердин өз орду бар.

Эч кимге кошулбай өзүнчө бөлүнүп жашоого мүмкун эместигин, башка элдер менен алакалаш жашоо зарылдыгын бабаларыбыз да туура баамдап, «Жалгыз аттын чаңы чыкпайт, жалгыз эрдин даңкы чыкпайт», «Ынтымак бар жерде ырыс бар», «Айылы аралаштын кою короолош», «Жел желге кошулса жут, эл элге кошулса кут» деген акылман ойлорду жаратышкан.

Элибизде тээ байыртадан: «Тиричиликтин күчү-бирдикте», «Бирдик болбой тирилик болбойт», «Эки эрдин достугу бир белди ашырат, эки элдин достугу миң белди ашырат» деген ой даанышмандыгы айтылат.

Ал эми «Манастын» жети осуяты калктын атуулдук,улуттук ар-намысын ойготуу менен улут аралык ынтымак, достук жана кызматташтыгын бекемдейт. Ошону мене бирге азыркы учурда башка элдер менен, улуттар менен жакшы мамиледе болуу, кызматташуу жана өнөктөшүү зарыл экендиги белгилүү.

« Манас» эпосунун түндүгүн көтөрүп турган үлкөн идеялардын бири дал ушул ар башка элдин интернационалдык , достук,биримдик идеясы. Манас

кыргызды гана эмес , түркүн урууларды жана этносторду бириктиргенин «Кулаалы кармап куш кылган, курама жыйып журт кылган» деген саптарынан байкоого болот.

Бүгүнкү күндө биздин максат этносуна карабастан, мамлекетибиздин бардык атуулу өз мекеним деп сыймыктануу менен эркин демократиялуу жана бакубат өлкөнү, анда жашаган эмгектенгендердин бардыгы үчүн ыңгайлуу жана жагымдуу болгон өлкөнү куруу. Кыргызстанда жашаган 80ден ашуун улуттар ынтымакта,достукта жана кызматташтыкта жашоо.