Доппен топтық тапсырмалар. Мақсаты: Доппен жүптық және топтық тапсырмалар орындау арқылы қозғалыс дағдыларын жетілдіру, волейбол ойынына керек негізгі қозғалыс дағдыларын спецификалық жаттығулар арқылы дамыту, оқыту мақсаттарын шешу. Сипаттама: Оқушылар нұсқаулықпен жеке танысады, шағын топтарда жұмыстана отырып сабақ тақырыбын жүзеге асырады. Мұғалім әрекеті: Сынып ішінде жарақаттанудың алдын алу үшін қауіпсіздік техникасы бойынша нұсқаулықты жүргізеді; Допты үстінен,астынан жалғау, қабылдау және де шабуылдау бейнематериалын көрсетеді; Сыныпты жұптастырады,топтастырады; Оқушылардың доппен орындаған жаттығуларының дұрыс орындалуын қадағалайды; Оқушылардың жіберген қателіктерін айтып отырады; Жаттығуларды бір біріне көрсету барысында кері байланыс бере отырып қателіктерді түзетіп отырады; Келесідей сұрақ қою арқылы білімді бекітеді: Оқушы әрекеті: (С,Т,ЖЖ). Допты жоғарыдан және төменнен беруді жетілдіру Оқушылар екі топқа бөлінеді. Бірінші топ жұптасып бір-біріне қарама-қарсы тұрады. Екінші топ екі лекке сап түзеп қарама-қарсы тұрады. Мұғалім көрсеткен жақындату жаттығуларын орындайды: 1-топ. - жұпта волейбол добын жоғарыдан жалғау және төменнен қабылдау әдісі(қолды төменнен қою арқылы, алақанды бір-біріне жинау бағытымен допты қабылдау кезі); 2-топ. - Қарама-қарсы лекке сап түзеген оқушылар,яғни лектің басында тұрған оқушы волейбол добын үстінен немесе астынан жалғап келесі қарсы тұрған лектің соңына барып тұрады. Шабуылдау соққысын жетілдіру Оқушылар екі топқа бөлінеді. Бірінші топ жұптасып бір-біріне қарама-қарсы тұрады. Екінші топ үштікке бөлінеді. 1-топ. - жұпта жұмыс жасайды, яғни бірі секірмей допты алдына лақтырып соққы жасайды, екіншісі төменнен допты қабылдау әдісін орындайды; 2-топ. - үштікте жұмыс жасайды, яғни бірі допты төменнен қабылдап қарсы тұрған екі жұбына допты кезекпен-кезек көтеріп жалғайды, ал көтерілген ауадағы допты қарсылас тұрған жұптастары кезекпен-кезек секірмей соққы жасайды. Тапсырмаларды орындау деңгейін бағалау үшін дескрипторлар: - тапсырмаларды орындау кезінде реттілікті сақтайды; -волейбол добымен жаттығуларды орындау барысында қол, аяқ, дене қалыптарын талапқа сай қояды; Бағалау: Оқушылардың бірін-бірі және өзіндік бағалау тәжірибеленеді. Әрбір тапсырмаларды орындап болған соң оқушылар өздері қол жеткізген немесе қиындық тудырған критерийлерді анықтайды. |