Екінші кіші Шаңырақ тобындағы ұйымдастырылған оқу қызметінің конспектісі

Екінші кіші Шаңырақ тобындағы ұйымдастырылған оқу қызметінің конспектісі

Тәрбиеші: Есмагулова Г.С.

Білім беру саласы: «Шығармашылық»

Пән: Сурет салу

Өтпелі тақырып: Барлық мамандық қымбат.

Тақырыбы: Ұшақ

Мақсаттары:

- Тәрбиелік: Ұқыптылыққа, әсімдікке тәрбиелеу.

- Дамытушылық: Ұшақ туралы ой-өрістерін,түсініктерін дамыту. Саусақтың ұсақ бұлшық еттерінің қозғалысын жетілдіру.                                                                                           - Оқыту: Гуашпен түзу және ылди сызықтарты жүргізіп салуды үйрету; сурет салуға деген ынтасы мен қызығушылығын ояту және қолдау.

Педагогикалық технологиялар: әңгімелесу, сұрақ-жауап

Ресурстармен қамтамасыз ету: ұшақтың суреті

Билингвалдық компонент: ұшақ-самолет

Ұйымдастырылған оқу қызметінің барысы:

І. Ұйымдастырушылық кезеңі                                                                                                              

Тәрбиеші: балалар, бүгінгі күнімізге сәттілік тілеп, бір - бірімізге жақсы көңіл – күй сыйлайықшы. (бір - біріне жылы лебіздерін білдіріп, апайлармен амандасады.) Арайлап таң атты, Алтын сәуле таратты! Қайырлы таң, балалар! Қайырлы таң, апайлар! Осы кезде үнтаспадан ұшақтың дыбысы естіліп, топқа Дымбілмес келіп кіреді.

ІІ. Негізгі бөлімі

- Сәлеметсіздер ме, балалар! Мен сендерге алыстан қонаққа келе жатырмын. (балалар Дымбілмеспен амандасады). Тәрбиеші: - Қош келдің, Дымбілмес. - Сен қандай көлікпен келдің, алыстан? Дымбілмес: - білмеймін бір темір құспен ұшып келдім, ішінде менен басқада адамдар мініп алыпты. Тәрбиеші: - Дымбілмес, ол темір құс емес. - Балалар, айтыңдаршы сендер жаңа дауысын естідіңдер ғой, не екенін білесіңдер ме? Балалар ұшақ екендігін айтады. Дымбілмес: - Ол не ұшақ деген? Балалар маған айтып беріңдерші. Балалар: - ол адамдар отыратын көлік, әуеде ұшып адамдарды баратын жеріне жеткізеді. Ұшақты ұшқыш жүргізеді. Дымбілмес: - Рахмет, балалар! Алдағы уақытта ол туралы біліп жүретін боламын. Тәрбиеші: - Дімбілмес, онда сен бүгін бізбен бірге бол. Балалар, бүгін біз сол ұшақты толықтай білу үшін, тақтаға назар аударайық. Суреттерге назар аударып, ұшақ түрлері және Ұшқыштар туралы әңгімелеу. Ұшқыштар ұшақпен ұшады. Аспанды қорғайды. Ұшқыштар өте ақылды және мықты. Олар ұшақты басқару үшін білімді болуы керек, сол үшін олар көп оқу керектігі туралы түсіндіріледі. Жұмбақ: Құстан аумайды, Көкте зулайды. (ұшақ) Сергіту сәті: Қане, қанат жазайық, Ұшақ боп ұшайық. Ұшып - ұшып алайық. Орнымызға қонайық. Әдемі етіп сурет салайық. Ұшақтың суретін салып, гуашьпен бояу.

- Дымбілмес сенде балалармен қосылып сурет сал. (Дымбілместе балалармен бірге отырады). ІІІ. Қорытынды:

«Ұшты-ұшты» ойыны                                                                                                      

  Шарты: Ұшатын заттарға қолымызды созайық.Ұшпайтын заттарға тіземізге қояйық. Аяқталған жұмыстарын талдау, мадақтау, бағалай отырып, үздік жұмыстардан көрмеге ұйымдастырылады. Дымбілмес балалар жұмысына риза болып, балалармен қоштасып кетеді.