Киімдер дүкеніне саяхат

Киімдер дүкеніне саяхат

Білім беру саласы: «Таным»
Ұйымдастырылған оқу іс - әрекеті Қоршаған ортамен таныстыру
Лексикалық тақырып: «Киімдер»
Оқу іс - әрекетінің тақырыбы: «Киімдер дүкеніне саяхат»
Мақсаты: Киімдер туралы түсініктерін кеңейту, олардың атын атап қандай материалдан жасалғанын және не үшін керек екенін айтып тани білуге үйрету. Киімдердің түстері, пішіндері туралы түсініктерін қалыптастыру. Қарым – қатынас дағдысын жетілдіру, киімді таза, әрі ұқыпты ұстауға тәрбиелеу.
Түзете – дамыту мақсаты: Балалардың сөздік қорын толықтыру, сөйлеу тілін дамыту.
Танымдық қабілеттіліктерін жетілдіру, ойлауын, жалпы және ұсақ қол моторикасын дамыту.
Сөздік жұмыс: Киімдер, бас киім, киім дүкені, малақай, күрте, қолғап, етік, бәтеңке т. б
Шаттық шеңбер
Орнымыздан тұрайық
Шаттық шеңбер құрайық
Таза ауаны жұтайық
Күннің нұрын алайық
Мейірімділік шуағын
Жүрекке әкеліп жинайық
Жиналған жылы шуақты
Қонақтарға шашайық

Балалар қазір жылдың қай мезгілі?
- Қыста күн қандай болады?
- Қар жауып, күн салқын болады. Біздер тоңбас үшін не істейміз?
- Жылы киімдер киеміз. Қане мына суретке қарап киімдердің
атын атайықшы. Қалпақ, кеудеше, күрте, қолғап, тон, етік, жемпір,
және т. б түрлері бар.
Түсі қандай, неден тігілген? Осындай киімнің түрлерін көріп танысу үшін «Киім дүкеніне» саяхатқа барайық. Ол үшін жылы киінуіміз қажет, қимыл - қозғалыспен көрсетеді.
Шалбардың бір балағын,
Содан соң екінші балағы
Енді белді көтерелік әдемі.
Күртенің оң қолы,
Күртенің сол қолы.
Түймеледік жоғарыдан - төменге.
Ал енді етік кидік, жорыта жолға шықтық
Гу - гу, гу - гу деген дыбыс шығады бұл ненің даусы Балалар қазір біз кемеге отырып жағалаудағы дүкенге барамыз, (балалар көңілді кемеге отырады)
Балалар біз дүкенге келдік мынау киім
сататын дүкен, сөрелерде түрлі киімдер тұр сендерге таныстырайын: мынау қыздарға арналған көйлек, мынау жиде, мынау күрте, мынау тон, мынау шалбар, мынау бас киім, мынау етік, бәтеңке т. б
Балалар мынау кім?
Дүкеншіге амандасайықшы
Дүкенші апайдан киімдер сатып алайық, мына күрте қанша тұрады, маған беріңізші?
Мына баскиім қанша тұрады?
Ал мына етік қанша тұрады?
Барлығы қанша тұрады?
Жұмбақтар:
1. Адамның сәні, онсыз жоқ мәні
2. Ерте тұрдым да, қос жолға түстім
3. Күні бойы жүргіздім, босағада қалдырдым.
Олай болса біздер өз балабақшамызға оралайық, біздер қайда отырып барамыз? Барлық балалар көңілді кемеге отырып балабақшаға оралады.
Педагог топта дайын көйлек үлгісін әшекейлеуді ұсынады, жұмыс тәсілін көрсету.
Сары, қызыл, көк түсті дөңгелектермен көйлекті әшекейлейді, өрнек құрайды, өлең жолын оқу арқылы қағазға жапсырту.
Қуыршақтың көйлегін,
Кестелейік өрнекпен.
Қолға алып қағазды
Жапсыруды үйрен сен.
Жай саз әуенімен балалар жапсыру жұмысын жасайды.
Педагог тақтаға киімдердің суреттерін іледі
Мынау не? сұрақтарын қою арқылы киім түрлерін айтады. Мынау көйлек түсі қандай?
Мынау шалбар түсі, пішіні қандай?
Киім дүкенінде нелермен таныстық?
Киімдерді неден тігеді екен?
Сендер қандай киімдерді білесіздер?
Қандай ойындар ойнадыңдар?
Бүгін барлықтарыңызда оқу іс - әрекетіне жақсы қатыстыңыздар рахмет.