Конспект "Прошедшее время глагола"

Муниципальное бюджетное общеобразовательное учреждение

«Гимназия» с. Карабудахкент Карабудахкентский район

Конспект урока

Класс:7

Предмет: родной язык

Тема: «Ишликни гетген заманы»

Учитель: Салаватова Русайдат Магомедсаидовна

Дарсны темасы: « Гетген заманы, простой къалиплери»

Дарсны муратлары:

1.Ишликни гежек заманы нечик этилегенни гьакъында билеген англавларын яшланы ачыкъ этмек, алдагъы дарсларда алгъан билимлерин беклешдирмек. Оьзбашына юрюлюген ахтарыв ишни натижасында янгылыкъланы уьйретмек.

2.Оьзбашына билим алдырмакъ, гьакълашыв ва пайдалы маълумат топлав имканлыкъларын яшланы оьсдюрмек.

3.Яшланы тил культурасын артдырыв, чебер сезивню тарбиялав.

Къурулушуна гёре дарс - къошулчан дарс.

1.Къурум мюгьлет.

Сынавун мекенлешдирив, токъташдырыв.

1 Слайд. Сёзлюк диктант.

Шагьаргъа барар, уьйде къалды, ишден къайтгъан,

бирисигюн къайтажакъ, юртда ишлей, бавну къазар, уьню тазалажакъ,

мекенли билер, дарсны уьйренер, тангала гетежек.

Яшлар, ишликлер нечик этилгенн айтыгъыз, ишликлер къайсы заманда къоллангъан ишликлер?

Яшлар айталар.

Барар, къалар, билер, уьйренер – мекенсиз гележек заман.

Тазалажакъ, къайтажакъ – мекенли гележек заман.

Яшлар, тюз жаваплар бердигиз Гьали эки жумла къурайыкъ сёз тагъымлардан

Слайд 2.

Мен тангала уьйню тазалажакъман.

Гьакъыллы яш дарсны яхшы уьйренер

Экинчи жумланы уьюрлерине гёре чечебиз.

Янгылыкъ ачылыв.

Яшлар, янгы дарсны темасын языгъыз.

Слайд 3.Гетген заманны простой къалиплери.

Ана тилим берген билим

Салгъан мени тюз ёлгъа.

Ана тили булан анам

Кёп алгъан мени къолгъа.

Яшлар, жумлагъа тергев беригиз, нени гьакъында айтыла бу шиъру гесекде?

Яшлар айталар.

Яшлар, ишликлени табайыкъ ва айырып язайыкъ.

Берген – ишлик гетген заман, къошумчасы -гъан.

Салгъан – ишлик гетген заман, къошумчасы -гъан.

Алгъан – ишлик, гетген заман, къошумчасы -гъан.

Тюз жаваплар бердигиз.

Яшлар гьали бу жумлалагъа тергев беригиз, ишликлерин айырыгъыз.

Ана тилим, сен айтмагъан,

Уьйретмеген не къалды…

Ишликлери: айтмагъан - гъан

Къалды -ды

Слайд 4 Жумлаланы язып алыгъыз.

Яшлар китапланы уьйге алып гетдилер.

Мен ишге гелдим.

Гетген заманны шликлери эки тюрлю кюйде этиле:

1. -гъан, -ген къошумчалар булан – гьалиги-гетген заман деп айтабыз

2. –ды ,-ди,-ду,-дю – белгили-гетген заман деп айтабыз.

Яшлар, китапланы ачыгъыз, правилону охуп къарайыкъ.

Слайд 5

Текст бар берилген. Шо текстдеги ишликлени излейбиз, къутгъарылгъан гьарпланы да салабыз.

Бир болгъан, бир болма…ан, бир юр…да яшап т…ра…ан ярлы аъа…ини болгъан. Оланы с…р…в…-чач…ву да бир…е болгъан.

«Неге мен ашл…къны тенг пайл…дым? Иним буса яп-я…ыз, гьа… де уьйленмеген. Менден эсе огъар артыкъ харж тар…къ бола…акъ»…

Текст къайсы ёмакъдан алынгъан? Не маънасы бар?

Бизин негер уьйрете халкъ ёмакълары?

Яшлар тюз жаваплар берелер.

Тапшурув китапдан № 372 ( языв иш)

Слайд 6.

Суратлагъа къарап жумлалар къурмакъ. Ишликлени гетген замандагъы простой къалибин къолламакъ.

Яшлар, интерактивный доскадагъы электронный таблицагъа тергев беригиз, шонда гетген заманны простой къалибини таблицасы бериле.

Оьзбашына ишлев.

Слайд 7 Шулай айтывланы ахырын узатмакъ. Ишликлени белгилемек.

Билмесни билеги ( не этмес?) аврутмас.

Къонакъгъа ашынг берме, (не эт?) къашынг бер.

Билимли ( не этер?) билим ишлер.

Яшгъа буюр (сонг не эт?) артындан къара.

Рефлексия.

Яшлар сиз дарсны не ерин ушатдыгъыз?

Сизге не ерде яхшы болду?

Къайсы ерде четимликлер ёлукъду?

Дарсны ушатдыгъызмы?

- Дарсны ушатдыкъ, айрокъда айтывлар булан ишлейгенде, ёмакъдан алынгъан текст булан ишлейгенде.

Уьйге иш . Ишликни гетген заманыны простой къалиби, тапшурув 374,

Адабият асарлардан да 4 жумла язмакъ.

Дарс битди, савболугъуз, яшлар.