Мероприятие ко дню родных языков

Къарабудагъген районну администрациясыны залында оьтгерилген Ана тиллени халкъара гюнюне багъышлангъан ахшам.

Онгаргъан: Гаджиева Райсанат Алавутдиновна.

2018 йыл

Агъач къомуз булан эсги къумукъ кюй согъула. Макъам согъула туруп, мажлисни юрютювчюлери чыгъа

1 ведущий:

Дюньяланы ачагъан

Алтын ачгъыч- ана тил, Адам болмагъа сюйсенг, Башлап ана тилни бил! 2 ведущий Къумукъ бусанг болма тарыкъ къумукъ тилинг.

Англар йимик къумукъ халкъынг, къумукъ элинг

Ана тилинг- къумукь тил

Къумукъ тилинг сен де бил

1 ведущий: Гюн яхшы болсун, гьюрметли къонакълар, иш елдашлар, охувчулар.

2 ведущий: Сиз хошгелдигиз Къарабудагъгентни берекетли топурагъына, гьюрметли къонакълар!

1 ведущий: Бугюн БИЗИН БАЙРАМ АХШАМЫБЫЗ АНА ТИЛНИ, ОЬЗ ЭЛИБИЗНИ, ОЬЗ МИЛЛЕТИБИЗНИ ГЬАКЪЫНДА, АНАНЫ АКЪ СЮТЮ БУЛАН ЖАНЫБЫЗГЪА СИНГЕН КЪУМУКЪ ТИЛИБИЗГЕ БАГЪЫШЛАНА.

2 ведущий: Агьмат Джачаев «Къумукъ тюз» охуй Къарабудагъгет мактапны охувчусу Канзитдинов Арсанбек.

1 ведущий: «Къумукъ тюзлер» Йырлай Агъай Къаплановну атындагъы Къарабудагъгент районну эргишилени хору.

2 ведущий: Ана тилни Халкъара гюню 1999нчу йылны ноябрь айында Юнеско-ну Генеральный конференциясыны къарары булан къабул этилген ва 2000-нчи йылны февраль айны 21-нден тутулуп белгилене.

1 ведущий:Ана тилни янгыз сююп къоймакъ азлыкъ эте. Къумукъ тилде сейлеп билемен чи деген учун да, битип къалмай. Ана тилибиз жаныбыз-къаныбыз булан да байлавлу. Ону аяп, къоруп сакълавгъа етеген не бар?

Бугюн биз муна шо гьакъда гьакъ юрекден лакъыр этме жыйылгъанбыз.

2 ведущий: Бизин шатлы мажлисибизни ачмагъа ва гелген къонакъланы къаршыламакъ учун Къарабудагъгент районну Башчысыны заместители Гьажиев Агьмат Абдулмеджидовичге сёз беребиз.

1 ведущий: Гьар йыл бизин районда ана тилни байлыгъын оьсдюрмек учун, касбулукъ ишни тарыкълыгъын айбатламакъ учун ана тиллеге багъышлангъан район даражадагъы касбулукъ ярышыбыз оьтгериле. Бу йыл да чилле айны 13-нде, 14-нде, 15-нде шолай ярышыбыз оьтгерилди. Алдынлы ерлеге ес болгъан муаллимлени савгъатлайбыз.

2 ведущий: Гьали бизге белгили къумукъ йыравубуз Патимат Гусейнова «Ана тилим» деген йырын йырлай.

1 ведущий:

Асрулардан гелген бизге къылыкъ бар –

Унутмайбыз халкъыбызны тарихин,

Узатмагъа къаст этебиз яшавда

Аталаны адатлангъан къылыгъын.

2 ведущий:

Къумукъ тил - дюньядагъы бай тиллерден бириси. Ону аривлюгю, тилге йымышакълыгъы ва агъымлыгъы оьзюне тюрк тюгюл миллетлени де тарта.

1 ведущий:

Къумукъ тил - минг йылланы ичинде оьсе гелген тил, ону авуз тил даражасы гюн сайын оьсе туруп, алмаздай чарлана туруп, гьалиги даражасына етишдирген.

2 ведущий:

Ана тилдир къолдагъы бал къартыгъым,

Ана тилдир гьар- гюн сайын ярыкъ тил,

Табылмасдай ондан дагъы артыгъы.

Анам йимик тарыкъ магъа ана тил.

1 ведущий: Ана тилин абурлайлар, якълайлар,

Гёрсетгенлер миллетине сюювюн!

Къызларыны къумукъ бийивю булан,

Бир мюгьлетде сёнме къоймай сакълайлар,

1 ведущий: Ана тиллени оьз жаныдай сюеген Къарабудагъгент Билим берив ожакъны башчысы Асадулла Гьажиевге сёз беребиз.

2 ведущий: Ана тилибиз бизин жан азыгъыбыз, бизин багьасы екь хазнабыз.

Гьар кимни де ана тили биринчи абатын алып битгинче де ананы къакъакъларындан башлап бютюн оьмюрюне айрыча ер тутуп геле.

Къумукъ тилим, жавгьар тилим, бай тилим.

1 ведущий: Къумукълар не заманда да къонакълыкъны асил адатын кютюп бажаргъан. Бизин байрам жыйыныбызгъа да кёп къонакълар гелген. Оланы арасында Дагъыстангъа айтылгъан алимлерибиз де, шаирлерибиз де бар.

2 ведущий: Абдуллатипов Абдулкъадыр Юсупович, Камиль Алиев, Бадрутдин Магьамматов, Шейитханум Алишева, Курбанов Мурат, Агъаргьим Магьамматович, Паху Гьайбуллаева

1 ведущий: Филологияланы илмуланы кандидаты, Россияланы язывчуларыны Союзуну члени, Дагъыстан ат къазангъан чалывчусу Абдуллатипов Абдулкъадыр Юсуповичге сёз беребиз.

2 ведущий: Бу йыл аювъятгъан айны 30-нда ана тилибизни асырап, аявлап, тилибизни оьсдюрмек учун, ата-анагъа, ана Ватангъа, тувуп оьсген ата юртуна бакъгъан сюювюн артдырмакъ учун, ана тилге багьышлангьан чебер охув ярыш оьтгерилди. Ярышда биринчи ерлеге ес болгъан охувчу яшлагъа сез беребиз.

Тайгибова Заира – Какамахи орта мактапны охувчу къызы;

Кискаев Киска – Уллубийаул орта мактапны охувчу уланы;

Тавлуева Барият – Къарабудагъгент гимназияны охувчу къызы.

2 ведущий: Бизин юртну белгили йыраву Ругьубият Абдулхаликова сизин учун йырлай.

1ведущий: Къумукъ тилни ва адабиятны ахтарывчусу, Дагъыстан Пачалыкъ Университетни доценти, Дагъыстан адабиятны кафедрасыны ёлбашчысы- белгили алимибиз Солтанмуратов Агъарагьим Магьамматовичге сёз беребиз.

2 ведущий: Ана тилибиз девюрден –девюрге оьсе геле, ону оьсювюне таъсир гелген къумукъ халкъны эсинден таймажакъ халкъ авуз яратывчулугъу, атлары даимликге айтыла къалажакъ Й Къазагъыбыз, таш-къая йимик къатты

Анварыбыз, ягьны жыйымы Жаминатыбыз, чартлатып чыгъагъан сезлю Агьматыбыз, олай дагъы да кеплерибиз бар.

2 ведущий: Къумукъ тюзню чыдамлы, къайратлы, загьматчы халкъы- оьзлени ата-бабаларыны ругь байлыгъын оьсдюре,уьлгю гьисапда къоллай.

1 ведущий: Дагъыстан Республиканы язывчуларыны союзуну председатели, яшлар учун эки айда бир керен чыгъагъан «Къарчыгъа» журналны баш редакторы, Шейитханум Алишевагъа сёз беребиз.

2 ведущий: Йыравубуз Аскендер Исрапилов «Къумукъ къызлар» деген йырын савгъат эте.

1 ведущий: Тил бизин дюньялыкъ ва ругь байлыгъыбызны сакълайлан лап да гючлю къурал. Ана тилни гьакъында айтылагъаны биринчи гезик тюгюл.Ана тилибизни къысматы гьакъда ой къурсанг, шунча гезел, балдан татли къумукъ тилибиз унутуп къалса бирдокъ да ярамас.

2 ведущий:Ана тилин сюймейген адам ата-анасын сюймеге де, оланы хадирин билмеге де болмайдыр.

Нечик де, ата-анагъа, ана Ватангъа, тувуп оьсген ата юртуна бакъгъан сююв, ана тилге бакъгъан сюювден башлана.

1 ведущий: Ана тилим сют булан санларыма синген, ана берген тил, ана тилим бешикде ятагъанда анам къакъакъ йырлар йырлайгъан тил, ана тилим биринчи сезюмню айтгъан тилим.

Ана тил булан гьар адамны къуванчы да, шатлыгъы да байлавлу.

2 ведущий: Акъ увузлар булан гелген асил тил

Ананайлар булан синген къаныма

Ананайлы сезюм эсгик герген сонг

Айтмагъа нем къала мени жаныма.

1 ведущий: Къумукъ тилни теренден ахтарыв ишлер юрютеген, алимибиз «Ёлдаш» газетни баш редактору Камиль Алиевге сёз беребиз.

1 ведущий: Гьали бизге яслини гиччипавлары бийий

2 ведущий: Пагьмусу булан халкъыны юреклеринде оьр ер тутгъан Барият Мурадовадан, Агъай Къаплановдан дагъы да кёп санавдагъы гьакъыллы, билимли, игит уланларыбыздан ва къызларыбыздан оьктем болуп, гьаракат этип яшама борчлубуз.

1 ведущий: Биз оьктем болмагьа болагъан бизин халкъыбызны тарихин, ону башгъа тиллени арасында ерин, оьсюв елларын билмек-тувра борчубуз.

Не девюрню алсакъ да , къумукъ халкъны къайсы юртун эсгерсек де- бизин халкъыбыз чомарт, эркин юрекли, рагьмулу, оьз оьктемлигин де, терен ругь байлыгъы да булангъы халкъ герюне.

2 ведущий: Къумукъ элде къумукъ болуп тувуп мен

Къумукъ элим нече де кеп сюемен

Ана тилин ташлагъанланы герсем

Къыйналаман, юрегимден гюемен.

1 ведущий: Магъа ана тилни уьйретгенлеге

Гьар даимде рази кюйде къаламан

Къайда барып не ерлерде болсам да

Ана тилим булан оьктем боламан.

2 ведущий: Шуну булан бизин Ана тиллени халкъара гюнюне багъышлангъан шатлы мажлисибизни битдиребиз.

1 ведущий: Тилибиз оьссюн, бирлигибиз артсын! Савболугъуз!

2 ведущий: Бары да ортакъчылыкъ этгенлеге гьакъ юрекден баракалла билдиребиз.

1 ведущий: Гьали бизге Ругубият Абдулхаликова бирдагъы йырын йырлай.