Народные праздники

Къырымтатар той акъшамынынъ сценарийси

Сайгъылы мусафирлер, урьметли джемаат, азиз къудалар.

Хош сефагъа кельдинъиз, акъшам шерифинъиз хайырлы олсун!

Мааллемизде бугунь той-дюгюн, урьметли ___ агъамызнынъ ве ___ ханымызнынъ эвинде бугунь буюк къуванч, буюк тантана. Бу тантанынъ себепчелери бизим яш дживанларымыз ___ ве ___! Урьметли ___ ве ___! Сизинъ никях акъшамынъызнен джан-юректен хайырлаймыз. Сизлерге сагълыкъ, бахт, къуванчлы куньлер тилеймиз. Бир никяхнен узун бахтлы омар кечирмек хисмет этсин.

Омюр ёлунъыз айдын олсун!

Къоранталарынъызда бирлик олсун.

Софраларынъыз берекетке толсун.

Юзлеринъизде тебессюмлер сёнмесин.

Балалы-чагъалы олып

Ана-Ватанымызда даа бир бахтлы

къоранта сырагъа къошулсын.

Бахтлы олунъыз!

Бурунь, азиз достлар, сизлерни шенълендиреджек ве эглендиреджек чалгъыджылар ___ . Бу акъшам сизлерге хызмет этеджек ___, ___, ___. Аякъчыларымызгъа Хайтарма, буюрынъыз, аякъчылар. Азиз мусафирлер, донатылгъан софралар сизлер ичюн, буюрынъыз, ашынъыз татлы олсун!

Халкъымнынъ бир оюны бар, Онынъ ады «Хайтарма»

Тоюмызны яраштыргъан ,

Аджайип бир Хайтарма

Адет-узьре той-дюгюнни

Ачаджакъ сой-акъраба

Эр кес паранен чыкъып

Сымарласын «Хайтарма».

Тоюмызны ачаджакъ келинимизнинъ къардашлары ___ ве ___. Агъыр ава ве Хайтарма сизлер ичюн, буюрынъыз.

2. Мусафирлер яш ве къарт

Болдургъандырсынъыз отурып,

Ортагъа чыкъып оюн тёшенъ

Ярашсын дюгюнимиз

Эр кесни умумий оюнгъа давет этемиз.

3.Экинджи чифт – къудалар

Узакъ ёл юрип

Бизим къудалар

Аякъларынъыз уюшкъандыр,

Азиз къудалар

Невбет кельди энди сизге

Утанманъыз сиз

Ортагъа чыкъып, оюн тёшенъ

Сукъланайыкъ биз!

___ ве ___

Агъыр ава ве Хайтарма

Сизлер ичюн, буюрынъыз.

4. Торт авасы.

5. Келин киев.

Келин ойнамагъа бильмесе,

Ерим тар, ер экен, лякин

бизим келин киевинен

берабер ойнамагъа пек биле.

Невбет келиннен киевге.

6. Хайырлав сёзлери.

7. Эр кес хоран тепе.

ХАЙЫРЛАВЛАР

1.Бугунь сенинъ догъгъан кунюнъ!

40 яшыны толдурдынъ,

Тувгъанларым келеджек, деп.

Азырланып, болдурдынъ.

Ёкъ, сен ич болдурма, тата.

Адымларынъ къавий бас

Чюнки сенинъ огюнъде даа

Чокъ проблемалар бар даа

Аллах санъа сагълыкъ берсин!

Хорантанънен бинт яша!

Къартайма ич, татачыгъым!

Гурь олсун яшайышынъ

Муаббет ол сен акъайынънен

Хайырлы олсун яшынъ!

2.Догъгъан кунюнъ джаным ….. хайырлы олсун!

Юреклеринъ эбедий къуванчкъа толсун!

Ишинъде мувафакъиет, бирлик, муаббет,

Юзюнъ тебессюмнен толсун.

Хайырлы олсун яшынъ!

Аллах куч-къувет берир,

Бунъа сен ишан

Хорантанънен бинъ яша

Макъсадынъа ет

Санъа олгъан севгимиз

Дерья-денъизни аша.

3. Догъгъан кунюнъ,джаным, …..

хайырлы олсун!

Юреклеринъ даима

Къуванчкъа толсун.

Окъувларынъны ……

Юксекке котер.

Бельки, не бермеген Аллах

Депутатлыкъкъа етер.

Сагълам ол, мугъайма ич

Ишлеринъ юрсин

Тувгъанларынънен муаббет ол!

Хайырлы олсун яшынъ!

Нутукъ инкишафы дерси. Диалог. Озю сечип алгъан мевзугъа диалог тизюв. Дерснинъ макъсады: 1.Талебелернинъ агъзавий нутукъларыны инкишаф этмек; 2. Талебелерде иджадий къабилиетлерини, нутукъ медениетини осьтюрмек; Лугъат байлыгъыны зенгинлештирмек. Къырымтатар тили дерслерине меракъ арттырмакъ. Корьгезмелер: мевзу боюнджа ресимлер, карточкалар.

Дерс кетишаты

1. Тешкилий дакъкъа. Дерснинъ макъсадынен таныштыртмакъ.

2. Эв ишини тешкер.

3. Талебелернинъ бильгилерини актуаллештирюв:

• Бир теркипли джумлелерде грамматик негиз къач баш азадан ифаделенир?

• Бир теркипли джумлелер насыл чешитлерге болюнелер?

• Эр бир чешитнинъ хусусиетлерини изалап, мисаллер узеринде косьтеринъиз?

Мектепте кечирильген спорт ярышлары акъкъында икяе этюв. Украина ве Къырым спортчылары акъкъында лаф юрютиле. Тахтада мевзу боюнджа ресимлер асулы. Бу ресимлерге эсасланып диалог тюзелер. Энди исе бизим къырымтатар спортчыларынен таныш олунъыз:

сув арсланы – Осман Къумукъов

курешчи – Рустем Казаков

парашютнен секирюв боюнджа халкъара класслы, СССР спорт устасы – Эдем Эскендеров

пельван – Энвер Абдурахманов

альпинист – Зиннур Люман

футболист – Мустафа Билялов ве башкъалары

Спортчыларынынъ ресимлерини интерактив тахтада нумайыш этюв. Аблязиз Велиевнинъ «Ираде» адлы китабындан меракълы малюматларны окъув. Дефтерлерине спортчылар акъкъында къыскъадан къайд этюв. Группаларда иш.

1 вазифе. Бу инсанлар акъкъында насыл диалог тизе билесинъиз?

2 вазифе. «Ассоцияциялар» чалысы. Спорт сёзюне ассоциатив сёзлер тапмакъ.

Кучь ираде куреш

Медаль

пельван

Сагълыкъ къуванч

Гъалебе

3 вазифе. Спорт хаберлеринден меракълы бир левха азырламакъ.

4 вазифе. Диалогны девам этмек:

А) – Биз бабамнен футболны пек севемиз. Я сен бабанънен футбол оюнларыны севесизми?

- Э, биз де телевизорден бир чемпионатны къалдырмай бакъамыз. Меселя: меним бабам Мустафа Билялов акъкъында пек чокъ биле. _____

Б) - Меним къартбабам Рустем Казаковнен шахсен таныш эди. Бош вакъытлары бу инсан акъкъында пек чокъ айтып берген эди.

- Я сенинъ къартбабанъ бу спортчынен таныш эдими? _____

IV. Пекитюв.

1. Бугуньки дерсте насыл мевзуны кечтинъиз?

2. Насыл къырымтатар спортчыларнен таныш олдынъыз?

3. Дерсте нени бегендинъиз?

V. Пекитюв.

VI. Эв вазифеси. Халкъымызнынъ земаневий спортчылары акъкъында малюмат тапмакъ.

VII. Дерснинъ нетиджеси ве баалав.