Открытый урок по творчеству Етима Эмина

6-классда лезги литературадай ачух тарсунин план (Брейн-ринг).

Тарсунин кьил : «Стал Сулейманан уьмуьр ва яратмишунар».

Метлеб: шаирдикай авай чирвилер ахтармишун ва мягькемарун.

Тадаракар:проектор,доска , банер -плакат, шикилар,карандашрин набор, чарар.

Тарсунин финиф.

1.Тарс тешкилун.(Салам гун).

2.Муаллимдин гаф. -Квез и ч1аван хийирар хьуй, гьуьрметлу мугьманар ва аялар! Къе чи тарс адетдинди жедач. Чна ам къугъунин къайдада тухуда.Гила куь фикирдиз ихьтин ц1арар гъиз к1анзава ( С.Сулейманан « Билбил» шиирдай кьве бенд к1елда ). Аялар, ибур гьи эсердай я? Шиир кхьейди вуж я?

-Къе тарсуна чун никай ва квекай рахада ,квез чиз?Дуьз я, къе

Стал Сулейманан уьмуьрдай ва яратмишунрай хьайи чирвилер ахтармишда.Абур генани мягькемарда. Тафаватлу хьайи командадиз грамота гуда ва « Виридалайни хъсан иштиракчи» хкяда. Гьар са суалдиз т1алабда хъсандиз фагьумна ва тадиз жаваб гун.

С.Сулеймана чи уьмуьрда кьет1ен чка кьазва .Ам еке чирвилер авай кас тир.Шаирдиз вичин девирдин инсанрин уьмуьрда кьиле физвай вакъиайриз дуьз къимет гудай алакьун авай ..Ам яшамиш хьайи девир кесиб халкьдиз гзаф четинди тир.С.Сулейманаз и гьалар хуш тушир. Гьавиляй ч1ехи пай эсерра ада и татугайвилер винелди акъудиз алахъна.Вичин уьмуьрда кьиляй кьилиз шаирди адалатлувал ,гьахъвал патал женг ч1угуна.

Сулейман , вичин кьисмет гьикьван туькьуьлди хьанат1ани, уьмуьрдал ,инсанрал ашукь кас хьана.

Ада вичин эхиримжи нефесдалди хайи халкьдиз къуллугъ авуна. Ша ,чунни ,аялар, Ч1ехи шаирдиз вафалу жен ! Чна ада гайи насигьатар кьиле тухун!Гьавиляй къе тарсунани С.Сулейманакай авай чирвилер ахтармишна ,генани мягькемарин.

3.Дестейрихъ таниш хьун.

1-десте

2-десте.

Гьар са дестеди шаирдин са бенд к1елда.

Арифдарар: Чи дестедин т1вар «….».Чи девиз: «….».

Эминан невеяр: « ….»

1-Раунд «Разминка» .

1дестедиз суалар.Гьар са жаваб-са балл.

1.С.Сулейман хайи ва кьейи йисар лагь.

2.Шаирдин халисан фамилия вуж я?

3.Сулейманан шиират шумуд чкадал пай жезва? Т1варар яхъ.

4.Шаирдиз шумуд аял авай ва абурун т1варар яхъ.

5.Сулеймана вичин эсерар шумуд ч1алалди т1уьк1уьрнай?

2-дестедиз суалар.

1.Шаирдин уьмуьрдин юлдашдин т!вар вуж тир ?

2.Шаирди вич авай девирда гьихьтин мярекатда иштиракна?

3. «20-виш йисан Гомер» т!вар ни гана шаирдиз?

4.Сулейман съезддиз фидайла адан шумуд йис тир?

5.Сулеймана сад лагьай шиир гьи йисуз кхьена?

2-Раунд.

1. 1) шиирдин ц!арар гуда

И ц1арар гьи шиирдай я?

И ц1арарай гафар ахъайна гуда , аялри , гьа гафар кухтуна, кхьин хъийида.

2) Шаирдин эсеррай са шикил ч1угу.

2.Сулеймана дуьньядин гьалариз кхьенвай эсеррин т1варар яхъ.

3.Шаирдин аялар патал кхьей шииррин т1вар лагь.

4.Ч1ехи шаирдин т1вар гьихьтин чкайриз ганва ?

3-Раунд.

Сулеймана кхьей са эсер к1ела.

Муаллим :Гьа иналди чна къугъун акьалт1арзава.

Нетижаяр кьун. (Рефлексия. )

- Къе , аялар, квез тарсуна вуч бегенмиш хьана?

-Квез ц1ийи вуч чир хьана?

- И тарсуникай куьне гележегдиз вуч къачуда?

-Гьихьтин къимет гуда куьне квез гьар са дестеди?

Еке тир чухсагъул ,виридаз! Аферин ,балаяр !За умуд ийизва квекай халисан кьегьалар жедайди хайи Ватандин.

Жюридивай т1алабда нетижаяр кьун. Веревирд ийидалди , и вахтунда чна са манидихъ мад яб акалда.

Гъалиб хьайи дестедиз ва хъсан иштиракчидиз грамотаяр гуда.