Служебные части речи

«Ярдымджы сёз чешитлери»

мевзусында ачыкъ дерснинъ планы

Азырлагъан:

къырымтатар тили ве

эдебияты оджасы

Мустафаева Э.Б

2019

Цель урока:

- систематизировать и обобщить сведения обучающихся о служебных частях речи;

- совершенствовать умения распознавать служебные части речи и определять их грамматические признаки;

- развивать речь, память, логическое мышление, обогащать словарный запас;

Оборудование : учебник, тетрадь, мультимедийный комплекс, раздаточный материал

Дерснинъ кетишаты:

I Тешкилий къысым

1. Селямлашув

2. Невбетчинен субет

II Талебелернинъ бильгилерини актуаллештирюв:

1.Суаль-джевап отькерюв:

Оджа: Балалар, сизлер «Морфология» нен танышсынъыз, келинъиз, текрарлайыкъ. Ким айтаджакъ, морфология нени огрене?( Сёз чешитлерини). Я сёз чешитлери къач группагъа болюнелер?

Сёз чешитлери:

1.Мустакъиль сёз чешитлери

2.Ярдымджы сёз чешитлери

3.Айры группаны тешкиль эткен сёзлер

Мустакъиль сёз чешитлерини текрарлав: Эр бир сёз чешити нени бильдиргени ве насыл суаллерге джевап бергенини текрарлав, мисаллер кетирюв.

2.Мий уджюми: (ресимге бакъып, сёз чешитлерини текрарлав)

Кунеш, балыкъ, футболджылар, аиле. (суаль-джевап, Ким?Не?Насыл?Къайда?Не къадар?Не япа?ве иляхре). Ресимлерни ким азырлады сизге?-МЕН-замир. Кимге косьтердим?-Сизге-замир.

3. «Ассоциация» чалысы:

Балалар, февральнинъ 21-де ватандашларымыз халкъара Ана тили кунюни къайд эте. Ана тили дегенде сизлерде насыл ассоциациялар пейда ола?

Ана тили- Ватан- миллет- ана- халкъ- ана топракъ- юрт

Базар куню «Фикиримде-Къырым, юрегимде-тилим» шиары астында телемарафон отькерильди. Он биньден зияде ватандашларымыз телефон ачтылар. Демек, бу шиар бизге нени анълата? Эр бир инсан озь ана тилини, Ватаныны севип къорчаламакъ керек.

4.Айырма диктанты: Сёзлерни 2группагъа айырып язув: инсан, ичюн, сакъламакъ, эм, дюльбер киби, меним, ве, бугунь, даа, йигирми, чюнки.

Инсан, сакъламакъ, дюльбер, меним, бугунь, йигирми

Ичюн, эм, киби, ве, даа,чюнки

5. Мотивация: Ичюн, эм, киби, ве, даа, чюнки- киби сёзлер там мананы бильдирмей ве джумле азасы олмайлар. Олар там маналы сёзлер арасындаки мунасебетлерни анълаталар, сёз ве джумлелерни бири-бирине багълайлар, къошма мана берелер. Олар ярдымынен бизим нуткъумыз дюльбер ве аэнкли ола.

III Дерс мевзусы ве макъсатларынен таныштырув.

IV Янъы мевзу

1. Ярдымджы сёз чешитлери –там маналы сёзлер арасындаки мунасебетлерни ифаделейлер, оларгъа къошулгъанда тюрлю маналарны бильдирелер ве айры алда джумле азасы олмайлар.

Ярдымджы сёзлер учь группагъа болюнелер: багълайыджылар, мунасебетчилер, дереджеликлер.

багълайыджылар мунасебетчилер дереджеликлер

Ве, эм, амма, чюнки, да, де, ёкъса, исе, эгер, лякин, яхут…

Ичюн, иле,киби, дайын, сайын, къадар,таба, берли, сонъ,коре…

Атта, даа, да, де, -мы, -ми, -чы, -чи, -дыр, -дир, -тыр, -тир…

2. Лугъат иши:

Ярдымджы сёз чешитлери-служебные части речи

Багълайыджылар- союзы

Мунасебетчилер- предлоги

Дереджеликлер- частицы

3. Мисаллер кетирюв ве язув:

Мен ана-бабамны динълейим ве оларгъа даима ярдым этем. Ве- адий джумлелерни бири-бирине багълай.

Мен Ватан ичюн яшайым. Ичюн- сёзлер арасындаки мунасебетни ифаделей.

Сизлер мевзуны анъладынъызмы? -мы- сёзге къошма мананы анълата (къуветлендирюв, тааджип, суаль).

4. Ярдымджы сёз чешитлери недир? къаидесини чыкъарув

V Пекитюв:

1.Дерсликнен чалышув 232-иш (2-дж.), 237-иш(2дж.), 244-иш (2дж.)-агъзавий

2.Группаларда чалышув: (Джумледе тюшип къалгъан багълайыджы, мунасебетчи, дереджеликлерни догъру ерлештиринъиз)

1-гр. Ильяс буны чокътан ве сабырсызлыкънен беклей эди.

Музыка озюнинъ зенгинлиги, айдынлыгъы иле юрекни эсир эте.

Буны япмакъ ичюн де баягъы вакъыт керек.

2-гр. О,я инженер, я да оджа олувы мумкюн.

Мен халкъымыз ичюн хызмет этмеге сёз бердим.

Мен де ойле япып бакъайымчы.

3-гр. Энвер университетте, Эдем исе мектепте окъуй.

Уйкен яшлылар ичюн акъшамлыкъ сыныфлар ачылды.

Керичтен автобус даа кельмей.

3.Берильген джумлелерни кочюринъиз ве ярдымджы сёзлерни бельгиленъиз:

Машина огге атылгъан сайын, табиат манзарасы денъишип турды. Алиме апте ярдым эте, лякин онынъ ярдымы керек дегиль. Зенаатсыз инсан тек озюне дегиль, атта джемиеткеде файда кетирмей.

4. Тест:

1.Ярдымджы сёзлерни къайсы тиль болюги огрене?

А)фонетика Б)морфология В)синтаксис

2.Ярдымджы сёзлер насыл маналарны ифаделейлер?

А)там маналарны Б)сёзлер арасындаки мунасебетлер ве къошма маналарны

В)модаль маналарны ифаделейлер

3. багълайыджылар сырасыны бельгиленъиз?

А)таба,къадар,сайын Б)амма, я да, ёкъса, ве В)алма,бина,тарла,голь

4)Мунасебетчини бельгиленъиз:

А)эм б)дайын в) атта

5.Дереджеликни бельгиленъиз:

А)лякин б)-мы,-ми в)иле

6.Ярдымджы сёзлернен тизильген джумлелерни бельгиленъиз:

А)Ибраим оджа къавесини ичип,фильджанны софрагъа къойды .

Б)Бугунь де ягъмур ягъды, де къар.

В)Мен дерслерге джиддий азырландым.

VI Дерс нетиджеси:

-Балалар, бугунъ биз къайсы мевзуны текрарладыкъ? Ярдымджы сёзлер насыл маналарны ифаделейлер? Насыл ярдымджы сёзлерни билесинъиз? Мисаллер кетиринъиз.

VII Рефлексия

VIII Эв вазифеси: 145-154с, 4-тер ярдымджы сезлернен джумлелер тизмек.