Жаңартылған білім алу кезіндегі алған әсерлерім

Пралиева Рапия Асановна

№ 80 жалпы орта мектеп лицейі

Шымкент қаласы Қаратау ауданы                                                                                                                                     

Жаңартылған білім алу кезіндегі алған әсерлерім

«Адам ұрпағымен мың жасайды», осы ұлағатты сөздің астарында қаншама терең сыр жатқанын шын жүрекпен сезіне аламыз ба? Бүгінгі күннің ұрпағы ертеңгі жарқын болашаққа жол салушылар емес пе? Ал, олардың салған жолдарының жарқын болуына кепілдік бере аламыз ба? Міне, осындай сипаттағы сан алуан сауалдар кімді де болса, ойландырмай қоймас. Осындай сыни тұрғыдағы сауалдар төңірегінде ойлану , оған жауап беруде іске асқан жұмыстардың астарынан дәлел іздеп тапқандаймын. Ұрпағымыз саналы тәртіп пен сапалы білім негіздерімен қаруланған кезде ғана еркін тыныс алармыз. Менің басты мақсатым: мектеп өміріне қайткен күнде бүгінгі күн талабын қанағаттандыратындай бетбұрыс жасауға бағыт беру. Қазақстандық білім беру жүйесін жақсарту үшін, алдымен педагог кадрлар мәртебесін арттыру, біліктілігін дамытуга үлкен мән беріліп жатыр. Маған Жаңартылған білім беру аясында әдіс тәсілдерді қолдануды тренеріміз ИзтілеуоваАқмарал Ақтамбайқызы өте сапалы жолдармен үйретті. Қысқа мерзімді жоспарды сапалы құру,мақсатын қолжетімді, мақсатқа жету жолында тиімді әдіс тәсілдерді сабақ мазмұнына сай қолдануды қарапайым жолдармен үйретті. Жаңартылған бағдарлама бойынша түйгенім өз бетімен жаңа білімді меңгертіп, алған білімдерін қажет жерде тиімді қолдана алатын тұлғаларды қалыптастыру үшін білімімді жетілдіру. Жаңартылған білім мазмұны бойынша сертификатталған мұғалімдердің өткізген сабақтарының тартымдылығы оқушылардың жауапкершілік дағдыларын  бойларына сіңіруіне, сыни ойлау қабілеттерін дамытуға оң ықпалын тигізуде. Еліміздің ертеңгі тізгінін қолына алатын, бүгінгі күннің майталмандары алдымызда отырған шәкірттер. Қайтсек те, тек қана алға ұмтылу, болашақ қамын орнықтыру үшін келелі мәселелердің шешімін табу жолында белсенділік таныту, тапқырлық әрекеттер жасау әрқайсысымыздың парызымыз деп білемін. Тамырын тереңге тартқан кең өркениет әлеміне сұғына ену үшін шәкірттеріміз шабытты, білімді, өжет, қайсар мінезді болуы шарт. Ол үшін, алдымен мұғалімдер қауымы Қазақстандық білім беру мазмұнын жаңа сатыға көтеріп,қарқынды қадам жасауы тиіс екеніне көзім жетті. Айналама қарап, мені қоршаған әлемдегі сан алуан өзгерістерге шаттана қуанып, қанатымды кеңге сермеп,шабыттана түскендеймін. Менің көзқарасымды өзгертуге тренерім Ақмарал Алтынбайқызының ықпалы зор болды. Бағдарлама аясында үйренгенім, құндылықтарды оқушы бойына сіңіре отырып, белсенді оқу әдістерін әр бір сабақта ендіріп, оқушының өмір бойы білім алу қажет екенін саралаудың жеті тәсілі арқылы меңгертемін. Алдымыздағы үлкен асуға – біліктілік  пен ұстаздық шеберлігімізді ұштастыра отырып, шәкірттерімізді ,мынау кең әлемді мойындататын рухани биік шыңға шығару міндеті тұр.