Герольд Бельгер-қазақ тілінің жанашыры

Мен туған жердің суын ішкен, мен басқан топырақта балалық шағын өткізген, неміс ұлтының аяулы перзенті Герағаң біздің ауылдың орта мектебін үздік бітірген жазушы, қоғам қайраткері, сыншы, аудармашы, публицист. !неміс тілі, қазақ тілі, орыс тілі-шабытымның үш қайнар бұлағы,-" деп бекер айтпаған.Ауылдастар арасында "сары бала " атанған Герольд Бельгер біздің ауылдың мектебі, мұғалімдер, өз замандастары жайлы керемет естеліктер қалдырған."Ауыл шетіндегі үй" (1976ж.) кітабында осы Сергеев ауданы Ы.Ыбыраев атындағы Ленин ауылы жайлы тебіреніске толы естеліктер жазған.Ал Герағаңның әкесі, Карл Фридрихович біздің ауылдың фельдшері қызметін атқарған. Менің есімде қолында күміс түстес саквояжы бар, ортадан жоғары бойы бар, ашаң жүзді, қазақша сөйлегенде кішкене кей әріптерді созып сөйлейтін, көз жанары өткір де мейірімді, ақкөңіл үнемі шапшаң, қағылез қозғалыста жүретін кісі елестейді.Мен 1970 жылдары атам Есмағанбетпетпен Карл Фридриховичтің 60 жыл мерейтойына қонаққа барғаным есімде. Дастарқан ауыл шетінде далада жайылды. Ең алғаш рет жүзімді сонда жеп едім. Герағаңның әкесін білікті дәрігер ретінде Есіл бойындағы Ленин ауылында бәрі сыйлайтын. Өте қарапайым, бәрімен күле амандасып жүретін, ақжарқын кісі еді.Герольд Бельгер 1941 жылдары Саратов облысынан күштеп жер аударылған Повольжия немістерінен еді. Қиын қыстау кезінде өздеріне қамқор болған қазақ елінің барлық жомарттығын, кеңпейіл. қонақжайлық қасиеттерін барынша сезініп, өле-өлгенше мен де қазақтың бір ұлымын дегеннен танбай өткен тамаша тұлға еді.Қазақ топырағына тағзым етіп, халқымыздың асыл мұрасы тілімізге шынайы жанашыр болған азамат еді. Мен ол кісімен мақтанамын.