Туган телебезне саклыйк!

Татар теле - безнең туган телебез. Ул- зур тарихлы, иң бай һәм камил телләрнең берсе. Бу телдә миллионлаган татар халкы үзара аңлаша, аралаша ала, үзенең тарихын өйрәнә, төрле фәннәрне үзләштерә, мәдәни байлыгы белән таныша, үз эшендә алардан иҗади файдалана ала. Үз туган теленә, тарихына хөрмәте булмаган кешенең башка телләргә дә,үз ата-анасына, үз Ватанына, халкының мәдәниятенә һәм сәнгатенә, тарихына да хөрмәте булмый. Туган телен кадерләгән халык кына кадерле, аб­руйлы була. Телнең сафлыгын, табигыйлеген, чисталыгын саклап сөйләү-һәркемнең намус эше. Телне саклап үстерү – дәүләт күләмендәге мөһим сәяси эш. Тел яшәсә, халык та яши, тел бетсә, халык та бетә. Минем уйлавымча тел саклау – милләтне, нәселне, халыкны, илне саклау ул.