Проверочная работа по крымскотатарскому языку

Проверочная работа

Метинни дикъкъатнен окъунъыз, ашагъыдаки вазифелерни беджеринъиз.

«…Бизнинъ халкъкъа тек анълашылмагъан киши олсун. Шу саат къыркъ тюрлю тильмач тапылыр. Ыргьатлар: «Джеллякъайны корюнъ, къопая; онынъ лаф этмегени. «Мен алайынъыздан зияде ораман, чаламан; мен сиздай яшларнен лафкъа киришмем», демек бола. Бундай бурунлы киши ким корьген? О бир ёлакъ чалгъангьа къадар биз алай чёльни чалып битирирмиз», — дер эдилер. Бираз даа окъугъанлар, муаллимлер: «Джеллякъайны бекчилер, полислер козьден къачырмайлар; айтса, палитсагъа тийдирип айтаджакъ; айтмагъаны таа арув; Джеллякъай палитик киши. Талстойны да айттырмайлар дий. Талстой яза. Джеллякъай да язмагъа бильсе! Учительски ышколагъа кирмели эди. Ах, языкъ, бизнинъ мундай муневвер кишилеримиз грамматика, литература бильмийлер; газет окъумайлар», — деп аяныр, аджыныр эдилер. Апакъайлар, десенъ: «Ана, къара севда, коресинъми! Къара севда, янъгъыз болса, къара мышыкъман сёйлешир экен! Киши корьсе, тынар, сесин чыгъармаз. Башы тёбенде шай джюрер. Тёф, тёф! Бирисине ашыкътыр. Заваллы Зибиденинъ бир шийден хабери ёкъ», — дер; сонъ кимге ашыкъ болгъанынъ къыдырыр, къыдырыр, табалмаз эдилер…»

Б.Чобан-заде « Индемез Джелиль» икяеси.