Рэкамендацыі па падрыхтоўцы да тэсціравання па беларускай мове

Пры рэалізацыі асабістай сістэмы навучання настаўніку варта кардынальна змяніць не толькі тактыку, але і стратэгію узаемадзеяння з вучнем: успрымаць яго як паўнапраўны суб'ект навучання, выхоўваць самастойнасць пры вызначэнні мэт дзейнасці, развіваць пазнавальныя і камунікатыўныя навыкі. Вялікую ролю тут адыгрывае псіхолага-педагагічная кампетэнтнасць настаўніка: валоданне методыкай навучання і фармавання матывацыі вучняў, аналітычнымі здольнасцямі і навыкамі педагагічнага прагнозу, рэфлексіяй сваёй дзейнасці і рэфлексійным кіраваннем дзейнасцю вучняў. Тэсціраванне мае на мэце праверку ступені валодання выпускнікамі ўсімі літаратурнымі нормамі беларускай мовы - арфаэпічнымі, лексічнымі, акцэнталагічнымі, граматычнымі стылістьганымі, арфаграфічнымі і пунктуацыйнымі. У тэставай рабоце правяраецца практычная пісьменнасць, культура мовы і моўная кампетэнцыя навучэнцаў, веданне граматыкі, стылістыкі беларускай мовы. Праверка ўзроўню валодання вучнямі тэарэтычнымі ведамі і набытымі практычнымі ўменнямі пры вывучэнні беларускай мовы носіць аб'ёмны і ўсебаковы характар.