"Логопедтік жаттығулар"

Қақпаға доп соғу.

Ерінді алға қарай түтік секілді созу және мақта шарын қос текше арасында домалатып, ұзақ уақыт бойы үрлеу (баланың алдындағы үстелде жатыр). Мақсаты: ұзақ, бағытталған ауа ағынын қалыптастыру. Әдістемелік нұсқаулар: ˗ ұртының бұртимауын бақылау; ол үшін ұртыңды саусақпен ақырын ұстау керек; ˗ ауа ағыны үзік-үзік болуы үшін бір рет дем шығарғанда допты кіргізу. Тілді жалпақ ету.

Күлімдеп, ауызды ашыңқырап, тілдің жалпақ алдыңғы шетін төменгі ерінге қою. Оны 5–10-ға дейін санағанда осындай күйде ұстау. Мақсаты: тілді қалыпты, тыныштандырылған күйде ұстау машығын қалыптастыру. Әдістемелік нұсқаулар: ˗ қатты күш түспеуі үшін ерінді қатты күлімдеп созбау; ˗ төменгі ерін бұралмауын бақылау; ˗ тілді ұзаққа созбау, ол тек астыңғы ерінді ғана жауып тұруы тиіс; ˗ тілдің екі жақ шеті ауыз қуысына тиіп тұрып керек. Тісімізді тазалаймыз. Күлімдеп, тісін көрсету, ауызды ашыңқырап, тілдің ұшымен төменгі тісті "тазалау", алдымен жақ-жаққа, кейін төмен-жоғары қимылдатып. Мақсаты: балаларға тілді төменгі тістермен ұстап тұруға баулу. Әдістемелік нұсқаулар: ˗ еріндер қозғалыссыз, күлімдеп тұрады; ˗ тілдің ұшын жақ-жаққа жылжытып, оның қызыл иекте тұруын, тістің жоғарғы қабатында сырғанамауын бақылау; ˗ тілді жоғары-төмен жылжытып, тілдің ұшы жалпақ болуын және төменгі тістердің түбінен қозғала бастағанын бақылау.