Мактоо коркунучтуу эмес

МАКТОО КОРКУНУЧТУУ ЭМЕС

Айрым ата-энелер балдарын мактагандан, жетишкендигин баса белгилеп айтуудан коркушат. Мунун эч кандай коркунучу, жаман жагы жок. Тескерисинче, бул баланын алдыга умтулуусуна түрткү берип, ата-энесинин ишеничин аткарууга аракетин күчөтөт. Изилдөөлөргө караганда бала бакчадагы балдардын 80%ы ата-энелерин кантип эркелетип, ойнотконуна караганда кантип тилдегени, урушканын жакшы эстеп калышат экен. Анан дагы азыркы балдар коркок, өзүнө көп ишене беришпейт, айтайын дегенин толук айта алышпайт. Себеби, үйдө аларды абдан катуу кармашып, тигини кармаса да тийбе, муну кармаса да тийбе. Кыскасы эркиндик, өз алдынчалык жетишпейт. Балага баладай мамиле кылып, алардын эмнени каалап жаткандыгын, эмнени айткысы келип жаткандыгын билгибиз келбейт. Кээ бир учурда бала да алар менен жолдош катары сүйлөшүүнү талап кылат.