Элге арналган өмүр

БҮТ ƟМҮРҮ АГАРТУУДА

ƟТƟЛГƟН,БИЛИМДЕРДИН

МУНАРАСЫН КƟТƟРГƟН.

Гүлгаакы Мараимова

Г.Мараимова 1947-жылы 24-мартта Токтогул районундагы Кара-Жыгач айылында туулган.

1965-жылы Фрунзе шаарындагы В.В. Маяковский атындагы кыргыз кыз-келиндер педагогикалык институнун физика-математика факультетине тапшырган.1970-жылы окууну ийгиликтүү аяктагандан соң, өзү туулуп өскөн айылына келип,Кара-Жыгач орто мектебине математика –физика мугалими болуп орношот.Турмуш шартына байланыштуу 1974-жылдан 1986-жылга чейин К.Маркс орто мектебинде математика – физика мугалими болуп иштеген.Ал эми 1986-жылдан баштап өмүрүнүн аягына чейин Аманкан Мамыров мектебинде катардагы математика мугалими жана окуу-тарбия иштери боюнча директордун орун басары болуп үзүрлүү эмгектенген.

Катаал мезгилдеги, катаал турмуш.

1986-жылдары мамлекеттик система өзгөруп, өлкөдө башаламандык башталат. Ушул мезгилдерде мектепке кадрларды тартуу,аларды кармап туруу чанда жетекчилердин гана колунан келет.Финансылык тартыштыкка карабай кадрларды кайрадан даярдап,методикалык көрсөтмөлөрдү берип,ачык сабактарды уюштуруп турган.

«Асыл сапаттарга бай асыл адам эле»

Тоталиртардык системада тарбияланып, коммунисттик партиянын камчысын чабышса дагы,тубаса таланттуу элдик мугалим болуптур. Эжейге азыркы мезгилде замандаш мугалимдери терең ыраазы болуп келишет.

Гүлгаакы эже айылдагы алгачкы мугалим,биринчи директор,Аксы райондук билим берүү бөлүмүнүн жетекчиси,көп жылдар зовуч болуп иштеген Батыш Ноорузбаевдин династиясын улантуучу келини.

Бакытбек кызы Элнура