Ұланымыз Ұлы елдің

Ұланымыз Ұлы елдің!

«Жас Ұлан» ББҚҰ - Қазақстан Республикасының үздік, білімді, дарынды оқушылар жиынынан тұратын , іргесі Елбасы Н.Ә.Назарбаевтың жарлығымен қаланған ұйым. "Жас ұлан" - өскелең ұрпақты жоғары саналы,  адамгершілік құндылықтар мен азаматтық ұстанымдарға негіздеген Қазақстандық патриотизм рухында қалыптасқан бірлестік.  Бұл бірлестік қоғамдық ұйым болып табылады. Ұйымның жалпы мақсаты: « Өскелең жас ұрпақтың бойында патриоттық, білім мен өзін-өзі жетілдіруге деген құштарлық,беріктік, Отан тарихына, Тәуелсіз Қазақстанның бүгіні мен болашағына деген жауапкершілікке тәрбиелеу» болып алынса, еліміздің кейбір азаматтары үшін «Сапалы білім, саналы тәрбие» деген ойды қалыптастырады . Осыған орай «Жас Ұлан» ұйымына арналған жарлық бойынша Республика, облыс көлемдерінде үлкен жұмыстар мен іс-шаралар атқарылуда. Соның бір дәлелі Тәуелсіздіктің 25 жылдығы аясында , «Жас Ұлан» ұйымының 5 жылдығы қарсаңында өткізілген Ақмола облыстық «Жас Ұлан» ББҚҰ-ның «Ұланымыз Ұлы елдің» атты Бурабай ауданы «DISKОVERY» оқу-сауықтыру демалыс орталығындағы облыстық көшбасшылар форумының өткізілуі. Көшбасшылар форумынан Есіл көшбасшыларыда қалыс қалмады. Екі күнге созылған, бұл жиында Есілдіктер өз белсенділіктерін таныта білсе, форумға 70-ке жуық Ақмола жастары қатысты. Есіл ауданын осы жиында №3 орта мектептің «Болашақ» БҚҰ жас ұландықтары: Жабагин Алим, Алмас Жангүл, Маратхан Назарбек,Жанахмет Малика, Мырзақасым Саян таныстырды. Форум аясында қызықты эстафеталық жарыстар, ойындар, тренингтер өткізілсе салтанатты ант ету рәсіміде орын алды. Салтанатты марапаттау рәсімі уақытында өнерпаз дарынды балалармен жұмыс жүргізу бойынша облыстық оқу-әдістемелік мекемесінің басшысы Гүлмира Қайыржанқызы оқушыларға Ақмола облысы білім бөлімі, облыстық «Жас Ұлан» БҚҰ, жастар саясаты мәселелері басқармасының атынан сертификаттармен, естелік сыйлықтар табыстады. Атап өтетін жайт көшбасшылар жетекшісі Б.Қ.Айбарға Ақмола облысы білім бөлімі басшысы арнайы алғыс хат табыстады. Салтанатты марапаттау рәсімін «Жас Ұлан» БҚҰ төрағасы М. Закиров өз құттықтауымен бастаса, Ақмола облысы білім бөлімі басшысы Б.Ізбасарованың өз құттықтауымен аяқтады.

Алмас Жангүл,

Ақмола облысы, Есіл ауданы

«Болашақ» БҚҰ Ұланбасы