Қайболдиева Нұргүл Жұмакелдіқызы-1982 жылы қазан айының 31-інде дүниеге келген. Орта мектепті бітіргеннен кейін 1999 жылы қазіргі Ш.Есенов атындағы Каспий мемлекеттік технологиялар және инжиниринг университетінің педагогика факультетіне оқуға түсіп, оны 2003 жылы, ал 2006-2008 жж. осы университеттің ғылыми-педагогикалық бағыты бойынша «Педагогика және психология» магистрі мамандығын үздік дипломдармен бітірген. Қазір Маңғыстау гуманитарлық колледжінің жоғары санатты математика, педагогика пәндерінің оқытушысы, директордың оқу-әдістемелік жұмысы жөніндегі орынбасары қызметін атқарады. Нұргүл Жұмакелдіқызы пәндік-циклдік комиссия жұмысына, колледждің барлық қоғамдық, оқу-әдістемелік жұмыстарына белсене қатысады. Нұргүл дайындаған білім алушылар бірнеше жылдан бері мемлекеттік тәуелсіз бағалау тестісінде және мемлекеттік қорытынды аттестаттау кезінде өте жоғары көрсеткіштер көрсетуде. Ол үнемі өз сабақтарында студенттердің танымдық және шығармашылық қабілеттерін дамытып, пәнге деген қызығушылығын арттырып, оқытудың инновациялық технологияларын қолданады. Нұргүл «Оқыту процесінде дарынды оқушылардың шығармашылық қабілетін дамыту» тақырыбында ғылыми-зерттеу жұмысымен айналысады. Ол пән, арнайы курс бойынша оқу-әдістемелік құралдар дайындап, ашық сабақтар, ашық тәрбие сағаттарын, сабақтан тыс шаралар өткізіп, студенттерді ғылыми зерттеу жұмысына баулып, білімін жетілдіру курстарына барып, педагогикалық шеберлігін байқайтын байқауларға үнемі қатысып жүлделі орындарға ие болып келеді. Мысалы, «Жыл мұғалімі» байқауы - I орын (2004ж.), «Мұғалімдер олимпиадасы» байқауы – II орын (2005ж.), «Жаңа формация мұғалімі» байқауы - I орын (2007ж), «Жас мұғалімдер слеті» байқауы- III орын (2009ж), «Үздік топ жетекшісі» байқауы - I орын (2011ж.), облыстық педагогикалық оқуда - IV орынға (2013ж.), «Үздік педагог-2014» колледжішілік байқауда- I орын (2014ж.), «Үздік педагог-2014» облыстық байқауда- II орынға (2014ж.) ие болды.

Жоғары