2 класс крымскотатарский язык "Табиат. Къыш. Къыш урбалары. Къыш оюнлары."

Къырымтатар тили дерси 2 сыныф

Нутукъ инкишафы дерси

Мевзу: Табиат. Къыш. Къыш урбалары. Къыш оюнлары.

Макъсат: талебелернинъ нуткъуны инкишафландырмакъ; сёз байлыгъыны арттырмакъ; корьгезме васталарыны къулланып ана тилимизге; бильги алмагъа; табиаткъа севги ашламакъ.

Донатув: урба ве аякъкъапларнынъ ресимлери, булмача, Къаркъызнынъ ресими, къаркъуш ве баштанкъара къушларнынъ ресими, индивидуаль иш ичюн сюжетли ресимлер, «Къыш оюнлары» сюжетли ресим.

Дерснинъ кетишаты:

1. Тешкиляндырув момент.

- Чанъ чалынды, дерс башланды.

- Биз дерске азырландыкъ.

Дефтер, къалем, дерсликни

Ралеге чркътан къойдыкъ.

Ана тили дерсини

Оджа тездже башлайыкъ.

2. Таянч бильгилерини актуаллештирюв.

1) Субет

- Шимди насыл мевсим?

- Къышнынъ къачынджы айы?

- Къайсы айы?

- Февральнинъ къачынджы сайысы?

- Дефтеринъизни ачып, бугуньки сайыны язынъыз.

2) Темиз язув дакъкъасы.

Чч

Чевре-чет, орталыкъ, этраф.

3) Лугъат иши

- Бу сёзлернинъ маналары акъкъында не айтмакъ мумкюн? (маналары якъын сёзлер)

3. Окъув фаалиетининъ мотивациясы.

- Балалар, бугуньки дерсимизде биз нуткъымызны инкишафландыраджакъмыз, сёз байлыгъымызны арттыраджакъмыз. Бу иште бизге Къаркъыз ярдым этеджек О, бизге узакъ шимальден эки ярдымджысынен кельди.

- Сиз бу къушларны таныйсынъызмы? Бу къушларнынъ ады насыл? (къаркъуш ве баштанкъара)

- Къаркъыз озь ярдымджыларынен мына бойле булмача кетирди. Оны чезмек ичюн сиз предметлернинъ ресимине бакъып, адыны тапмакъ керексинъиз.

4. Дерснинъ мевзусы узеринде чалышув

1) Булмачаны чезюв.

- Бу сёзлернинъ эписини насыл группаларгъа больмек мумкюн? ( Урбалар ве аякъкъаплар)

2) Сечип алув-козьлеме-динълев диктанты.

- Дефтеринъизге башта урбаларнынъ адларыны,сонъ исе аякъкъапларнынъ адларыны бильдирген сёзлерни язынъыз.

3) Сечип алынгъан сёзлерден джумлелер тизюв.

- Бу урба ве аякъкъапларнынъ къайсы бирлерини биз къышта азбаргъа чыкъкъанда киемиз? (балаларнынъ джеваплары)

Раатлыкъ дакъкъасы

Башыма къалпакъ, устюме тон,

Къолума къолчакъ, аягъыма чызма кийдим.

Азбаргъа чыкътым, эгильдим,

Эки авуч къар алдым, ондан къар топу яптым, аттым.

Энъ узакъкъа мен аттым.

5. Мевзуны пекитюв

1) Индивидуаль иш. (дерт талебе сюжетли ресимлерге бакъып суаллерге джевап азырлай)

2) Бирликте япылгъан иш. «Къыш оюнлары» ресимине бакъып джумлелер тертип этюв.

6. Дерснинъ нетиджеси.

- Дерсте не яптыкъ?

- Янъы бир шейлер огрендинъизми?

- Не огрендинъиз?

- Дерсте нени зияде бегендинъиз? Нени бегенмединъиз?