IV դասարանի ավարտական միջոցառում
Մեր մանկության հրաշալիքները
Միջոցառման նպատակը`
Աշակերտների մեջ ազգային-հայրենասիրական ոգու դաստիարակում
Պատկերացում բարոյական արժեքների մասին
Դահլիճի դասավորությունը`
Աշխարհի յոթ հրաշալիքները և դրանց կողքին`մանկության հրաշալիքները
Արտեմիսի տաճարը`Մայր
Օլիմպիայի արձանը`Մանկություն
Մավզոլոսի դամբարանը`Սեր
Բաբելոնի այգիները`Կյանք
Հռոդոսի կոթողը`Սիրտ
Ալեքսանդրիայի փարոսը`Հայրենիք
Եգիպտական բուրգերը`Մարդ մակագրությամբ
Հ նչում է դասական երաժշտություն: Երաժշտությունը մեղմանում է:
Ջերմ մաղթանքներով այս շքեղ բեմից
Ողջույն –ողջույն մեր դասարանից:
Մեր ծաղկավառ Հայաստանի
Հազարագույն ծաղկունքը ձեզ,
Մեր սիրասուն աղջիկների
Ուրախալի ժպիտը ձեզ,
Մեր նաիրյան աղջիկների
Հեզաճկուն պարերը ձեզ,
Մեր երջանիկ մանուկների
Սրտից բխած բարևը ձեզ:
Երաժշտությունը ուժգնանում, ապա նորից մեղմանում է:
Եվ բուրգերը եգիպտական ,
Եվ տաճարը Արտեմիսի,
Զևսի արձանն Օլիմպիական,
Եվ կոթողը Հռոդոսի,
Դամբարանը Մավզոլոսի,
Այգիները Բաբելոնի,
Եվ փարոսը Ալեքսանդրիայի
Շատ են հայտնի:
Աշխարհի յոթ հրաշալիք.
Հմայել եք դուք մշտապես,
Բայց կա յոթ այլ հրաշալիք,
Որ չի նշվում պաշտոնապես:
Ու մենք այսօր ձեզ պատմելու ենք
Մեր դպրոցական այս չորս տարիների մասին.
Հենց այդ հրաշալիքների լեզվով
Ահա հրաժեշտ ենք տալիս
Մեր դպրոցական մանկությանը:
Եվ որպես վերջին քննություն
Բերել ենք ձեզ համար
Բոլոր այն հրաշալիքները,
Որ ամբարել ենք մեր հոգում և մտքում
Ուսումնառության այս չորս տարիների ընթացքում:
Առաջինը հենց նա է , ով
Հրաշալիքներն ստեղծեց այդ:
Նա իր ոգով ու հանճարով
Կոչվում է մարդ:
Կյանքում ուժեղ մարդիկ
Միշտ բարի են լինում:
Ավելի ճիշտ` բարի մարդիկ
Միշտ ուժեղ են լինում:
Այս աշխարհում, բարեկամնե՛ր,
Եթե կան լավ բաներ,
Լավ մարդիկ են ստեղծել միշտ,
Լավ մարդիկ են պահել:
Երաժշտության տակ երեխաների դասավորությունը փոխվում է:
Եվ կա երկրորդ հրաշալիք.
Նա է, ով մեզ աշխարհ բերում
Եվ ոչ մեկիս ոչ մի անգամ
Ոչ մի վայրկյան չի մոռանում:
Աշխարհն էլ մեզ դավաճանի`
Նա կանգնած է միշտ մեզ համար,
Հրաշալիքն այդ սիրելի
Կոչվում է Մայր:
Մայր իմ բարի, դու սուրբ, դու հեզ,
Չունես չարի ոչ մի թել,
Ինձ թվում է` միայն դու ես,
Միայն դու ես մայր ծնվել:
Հազար վիշտ է սիրտդ քամել
Դու իսկական հայուհի,
Այս անաստված աշխարհում էլ
Դու իմ միակ սրբուհի:
Երգ- Մամա Սիլվա Գրիգորյան
Եվ կա երրորդ հրաշալիք.
Դ ա մենք ենք, որ աշխարհ գալիս
Եվ մեր տեսքով, անմեղությամբ
Նոր իմաստ ենք կյանքին տալիս:
Մենք ձեր հույսն ենք անմահության,
Երկրորդ կյանքն ու հավատն ենք ձեր,
Հրաշալիքն այս աննման
Մենք` մանուկներն ենք ձեր:
Ե րեխաների մեջ միշտ կա հատիկ սրբազան,
Նրանում գալիքն է թաքնված:
ՈՒզում եմ գցել աստղային այգի
Մեր մոլորակում,
Տանկերն եմ ուզում սահնակ դարձնել,
Հրացաններն էլ` գույն – գույն ճայթուկներ:
Ուզում եմ խոսել ծաղիկների հասարակ լեզվով,
Որ ինձ հասկանան երեխաներն ամբողջ աշխարհի:
Շա՞տ բան եմ ուզում:
Եվ կա չորրորդ հրաշալիք.
Այն է, ինչը մեզ այցելում
Եվ փոխելով սիրտ ու հոգի`
ՈՒ րիշ մարդ է մեզ դարձնում:
Հրաշալիքն այս գեղեցիկ
Կոչվում է սեր` աշխատանքի նկատմամբ:
Այս աշխարհում ամենագեղեցիկն այն է,
Որ ստեղծված է աշխատանքով,
Մարդկության հմուտ ձեռքով:
Արժե ապրել ու հողի մեջ
Ճեղքել հզոր ու խոր հետքեր,
Այնպես, որ քո թողած գործը
Կաղնի լինի ծառերի մեջ:
Կա հինգերորդ հրաշալիք.
Այն է` ինչը տիեզերքում,
Որքան գիտեմ,առայժմ կա
Միայն Երկիր մոլորակում:
Եվ հենց նրա շնորհիվ է,
Որ մենք ահա ապրում ենք, կանք:
Հրաշալիքն այս զորավոր
Կոչվում է կյանք և խաղաղություն:
Հնչում է երաժշտությունը… մեղմանում է:
Արդյոք ինչո՞վ է կյանքը գեղեցիկ.
Մանուկներով է կյանքը գեղեցիկ:
Գեղեցիկ է նա պատանիներով,
Ուսանողներով,լավ ընկերներով:
Գեղեցիկ է նա և հրաշալի`
Սիրահարներով ամբողջ աշխարհի:
Գեղեցիկ է նա մեր ծնողներով,
Զարմանահրաշ մայրական սիրով:
Գեղեցիկ է բարի անձերով,
Բարի խոսքերով, հուշարձաններով:
Եվ ճերմակահեր, նաև ազդեցիկ
Մեր մեծերով է կյանքը գեղեցիկ:
Երեխաների դասավորությունը փոխվում է:
Կա վեցերորդ հրաշալիք`
Մի հասարակ, աննկատ բան,
Բայց էությամբ իր անհանգիստ
Տիեզերքից էլ անսահման,
Ամեն ինչ էլ զգում է նա`
Թեև իր հետ վարվում են բիրտ.
Հրաշալիքն այդ տառապյալ
Կոչվում է սիրտ:
Արեգակը եթե այդքան
Մեծսիրտ չլիներ և արդար,
Ինչպե՞ս պիտի հողին, մարդկանց
Բարություն ու լույս տար:
Եվ վերջապես կա յոթերորդ,
Բայց առաջին հրաշալիք.
Մի սրբություն,առանց որի
Իրենց որբ են զգում մարդիկ,
Իսկ նրա հետ` մեծ ու հզոր,
Իսկ նրա հետ` հաղթանակող.
Հրաշալիքն այդ կոչվում է
Հ այրենի հող:
Հայը դարերով սիրով է պահել
Յոթ թանկ սրբություն`
Հողը,պատիվը,շինարար ոգին,
Հավատը, լեզուն:
Սուրբ անուններ են եղել դարերով
Հայ ընտանիքը,
Եվ ամենից վեհ,ամենից լուսե
Մայր հայրենիքը:
Եթե հայրենիքը մարդ սիրում է լրիվ,
Ապա ամեն քայլը կատարում է լրիվ,
Եվ պատրաստ է կրել դժվարություն անվերջ:
Երգ-Արևներ Հայաստան
Կա մի վերջին հրաշալիք.
Նրա ուժը մեծ, ազդեցիկ
Ձեզնից ո՞վ չի ապրել, տեսել.
Հրաշալիքն այդ վեհ, վսեմ
Կոչվում է դպրոց և ուսուցիչ:
Երգ- ՈՒսուցիչ
11