Ачык сабак: Искуство жана музыка

Сабактын темасы: Искуссво жана музыка.

Күтүлүүчү натыйжалар жана сабактын максаты:

Сабактын тиби: жаңы теманы өздөштүрүү

Сабактын түрү: аңгемелешүү

Сабактын методу: коммуникативдик метод

Сабактын жабдылышы:ТСО,таркатылуучу материалдар, текст,проектор

Сабактын жүрүшү:

1.Уюштуруу. Учурашуу. Окуучуларды жоктоо. Журнал толтуруу. класстын тазалыгына көз салуу. Жагымдуу маанай түзүү.

- Саламатсыңарбы, балдар? Балдар, сабак жагымдуу өтүш үчүн бири -бирибизге комплимент айтабыз
1. Мага сенин … жагат.
2. Сен…
3. Мен сенин … баалайм.
4. Мен сенин … суктанам.
5. Мен сенин … жакшы көрөм

Үй ишин текшерүү: Сарык оорусу(гепатит) тууралуу оозеки айтып беришет.(Орус тилинен кыргызча оозеки которуп, тексттин мазмунун кыскача сүйлөп берүү)

Жаңы сабак:

Сабакка киришүү: Окуучулардан: Силерге кандай музыка жагат? деп сурайм.

Тактанын ортосуна «искусство» деген сөз жазылат. Окуучулар кластерге:

Искусство деген эмне?

Искусствонун кандай түрлөрүн билесиңер? деген суроолорго жоопторду идея катары сунушташат. Ар бир идея четке калбай кыскача бары жазат.

бий

балет

живопись скульптура

сүрөт көргөзмө

Искусство

музыка аткаруучу,

портрет

к ино

симфония

коюучу-режиссёр

Көркөм адабият

картина Театр

жазуучу

драматург

1-тапшырма. Сөздөрдү жана сөз айкаштарын окугула. Түшүнүксүз сөздөрдүн маанилерин аныктагыла. Төмөнкү сөздөрдү тематикага бөлүштүргүлө.

Сөздөр: калем, аңгеме, эстелик, живопись, акын, спектакль, бийчи, автор, галерея, ооз комуз, драматург, айкел, ырчы, симфония, сүрөтчү, пейзаж, комуз, жазуучу, портрет, обон, аткаруучу, күү, режиссёр, актёр, оркестр, картина, көргөзмө, көшөгө, повесть, поэма, коюучу-режиссёр, оператор.

2-тапшырма. Искусствонун кайсы түрүн жактырарыңды кантип айтасың? Көрсөтмөнү пайдаланып, айтып көргүлө.

Көрсөтмө

Кимди жактырасың?

сүрөтчүнү

музыкант...

балерина...

М ен актер.... жакшы көрөм. Анткени ... .

бийчи...

ырчы...

комузчу...

3-тапшырма.

Таланттуу, таанымал инсандардан кимдерди билесиңер? Ал ким? Анын эмнеси (келбети, мүнөзү, чыгармачылыгы, ж. б.) жагат.

Үлгү: Мен Татыбүбү Турсунбаеваны жакшы билем. Ал – актриса. Анын сулуулугун жактырам.

Сабакты бышыктоо:

4-тапшырма. Сунушталган төрт жуптан окшоштуктарды тапкыла.

1) жамгыр: күз

(а) кар: кыш

(б) жаан-чачын : шамал

(в) таң : бубак

(г) мөндүр : түшүм

2) музыка: кубаныч

(а) калп : ишенбөөчүлүк

(б) мактоо : тилдөө

(в) ыраазычылык : сөз

(г) макулдук : баш тартуу

3) күкүм : нан
(а) саат : мүнөт
(б) чамынды : жыгач
(в) бүртүк : кумшекер
(г) суу : чака

Туура жооптор: 1) а 2) а 3) в

6-тапшырма. Маанилери тиешелүү сөздөр менен туташтыргыла, искусство темасы боюнча чакан текст түзгүлө.

7-тапшырма.

Текстти окугула. Белгиленген фразалардын маанилерин түшүндүргүлө.

Музыка

Байыркы гректер ырчы Орфей жөнүндө миф чыгарышкан. Жебе же кылыч коргой албаган, күч же тайманбастык жардам бербеген учурларда Орфейдин ыры кереметтерди жараткан. Ал кифарасын колуна алып, мукамдуу күүнү коштоп ырдай баштаганда шамал жалбырактарды шуудуратпай тык токтоп, алыстагы аскалар аны утурлай жылып, деңиз мемиреп, жапайы айбандар ийиндеринен чыгып, ажайып ырчыны ээрчиген. Булардын бардыгын кереметтин керемети – музыка арбап, өзүнө баш ийдирген. Байыркы мезгилдерде музыканы мына ушундайча жогору баалашкан.

8-тапшырма. Сөздөрдү тиешелүү жерге коюп, сүйлөмдөрдү толуктагыла.

9-тапшырма. Аралашкан сүйлөмдөрдү логикалык жактан байланыштырып, текст формасына келтирип, тизмектеп чыккыла.

Угабыз

10-тапшырма. Текстти уккула. Жогорку тапшырманы туура же туура эмес аткарганыңарды текшергиле.

Адамдын турмушунда музыканын мааниси чоң. Музыка адамдын ички дүйнөсүн калыптандырат, окуяларды туура баалоого көмөк берип, табитин тарбиялайт. Музыканы жакшы көрбөгөн адамды элестетүү да кыйын. Болгону музыканы үстүртөн жана терең түшүнгөндүк бар. Музыка жеңил жана олуттуу музыка болуп бөлүнөт. Бирок бул олуттуу музыка жакшы, жеңил музыка начар дегенди түшүндүрбөйт. Жеңил музыка угууга жана түшүнүүгө оңой, ага ыр, бий, күүлөр, жаз музыкасы кирет. Жеңил музыка көңүлдү көтөрүп, эсте оңой сакталат. Улуу композиторлор да жеңил музыканы көп жазышкан жана жазып жатышат.

Эң башкысы, жакшы музыка болсо болгону.

Сабакты жыйынтыктоо: Балдар демек искусствону казып отурсак, нанын түбү чексиз көрунөт. Бүгүн биз искусско жана анын бир тамчысы болгон музыка жөнүндө сүйлөштүк. Демек искусство биздин жашообузду кооздосо, музыка ага жыргал эс алуу, көнүлдүү маанай тартуулап турат экен.

Бүгүнкү сабакта тапшырмаларды аткарып, активдүү катышып бергениңерге чоң ырахмат.

Окуучунун билимин баалоо: Бул сабакта окуучу өзүн-өзү баалайт. Ар бир окуучу сабакка аткарган тапшырмалардын санына жараша бааланат.

Үйгө тапшырма: 12-тапшырма. Досуңарга театрга барууга же барбоого кеңеш бергиле.