Адам тулку боюн кандай тартуу керек

Адамдын тулку боюн кандай тартуу керек

Адамдын тулку боюн тартуу – көркөм сүрөт өнөрдүн эң оор тапшырмаларынын бири. Биз анын эң негизги эрежелерин өздөштүрүүгө аракет кылабыз. Дегеле, адам денесинин формасын, чен-өлчөмдөрүнүн шайкештигин окута турган «пластикалык анатомия» деген илим бар. Анын айрымдары менен «Портрет» темасында таанышкансыңар. Азыр ал билимдерди бир аз кеңири өздөштүрөбүз.

Адам денесинин түзүлүшүн кайсы чекиттен, кандай бурчтан караганыбызга жараша анын пропорциясы өзгөрүп турат. Мында түз сызыктуу перспективанын закону өз таасирин тийгизет. Эгерде фигуранын бир же бир нече мүчөлөрү, бут же кол силерге жакыныраак болсо, аны чоң кылып көрөсүңөр, эгерде алыс болсо, кичирээк. Адамдын фигурасын ар кандай абалда сүрөткө тартууда атайын манекенди колдонуу талапка ылайык. Силерге адамдын денесинин анатомиясын терең өздөштүрүүнүн деле кажети жок. Силерде төмөндөгүдөй манекендер болушу керек. Аны көчүрүп алып, андан тарткыңар келген адамдын абалын сүрөттөп тартсаңар болот. Ошондой эле силер ушундай сүwww.bizdin.kg 36 рөттөлүштөргө кийимдерди дагы тартсаңар болот. Алгач ушундай нерселерди аткаруу адамдын фигурасын тартууну үйрөнүүдө жетиштүү болот.

Тапшырма Кышкы каникулда көрүп байкаган, а балким, өзүңөр бирге ойногон оюндарга «Кышкы оюндар» деген темада композиция түзгүлө. Алгач Мырза Оморкуловдун «Биринчи кар» деген чыгармасында акварель менен кышкы түстөрдүн жана тегиздикте мейкиндиктин тереңдигин кандай сүрөттөлгөнүнө көңүл бургула. Эми жөнөкөй карандаш менен эскизин тартып алгыла. Перспектива тууралуу билимиңерди колдонуп, мейкиндиктин тереңдигин сүрөттөп берүүгө аракет кылгыла.