Акмуканова Акмарал Максотовна

Батыс Қазақстан облысы Орал қаласы №19 жалпы орта білім беретін мектебі.

Акмуканова Акмарал Мақсотқызы І санатты бастауыш сынып мұғалімі

Сабақтың тақырыбы: Мен және табиғат. Нәтиже сабақ. «Мен не үйрендім?»

Оқу мақсаты: 1.1.4.1. Мәтіннің мазмұнын тақырыбы немесе оның иллюстрациясы бойынша болжау.

1.2.1.1. Сөз, сөйлем сызбасын оқу және құрастыру.

1.2.1.2 оқудың түрлерін (буындап оқу, жиі кездесетін сөздерді тұтас оқу, түсініп оқу) қолдану

1.3.1.1. Сөйлемді бас әріптен бастап жазып, сөйлем соңына тиісті тыныс белгілерін қою.

1.3.8.1 жазу жолын, жоларалық кеңістікті, жолдың жоғарғы және төменгі сызығын сақтап, әріп элементтерін каллиграфиялық талаптарға сай жазу;

Сабақтың мақсаты:

Барлық оқушылар білуге тиісті: дауысты, дауыссыз дыбыстарды ажыратады;

Оқушылардың көпшілігі білуге тиіс: Тыңдау арқылы және сюжетті суреттің көмегімен мәтінді баяндау, дәлелдеулер жасай алу.

Кейбір оқушылар білуге тиіс: Сюжетті суреттерді реті бойынша әңгіме құрастырып айтады.

Тілдік мақсат: Пәндік лексика және терминдер

Тиек,бөкебай, түйме,ілгек

Алдыңғы білімдер: Оқушылар әртүрлі мақсатта жазылған мәтіндерден негізгі ойды анықтап, өз іс-әрекетіне рефлексия жасай алады.

Сабақтың барысы:

Ұйымдастыру бөлімі:

Оқушыларды түгендеу, назарын сабаққа аудару

Психологиялық ахуал

Күлімдеп күн бүгін, (қолдарын көрсетеді.)

Қарады маған да! (қолдарын кеуделеріне қояды)

Күлімдеп күн бүгін.

Қарады саған да!(қасындағы балдарға қарайды)

Сәлем деймін достарға!

Сәлем барша ұстазға!

Тату болып халықтар,

Аман болсын балалар!

Ойын: «Иә», «жоқ»

1.Е- дауыссыз дыбыс. –жоқ.

2.Балалар –деген сөзде екі буын бар. –жоқ.

3. Р –дауыссыз дыбыс.-жоқ

4.Отан деген сөзде бес дыбыс естіледі. –жоқ.

5.Ғ – дауысты дыбыс. –жоқ.

6. Дауысты дыбыстарды қызыл текшемен белгілейміз.-иә

7. Дауыссыз дыбыстарды көк текшемен белгілейміз- иә.

8. Дыбысты көреміз- жоқ

9. Әріп естиміз-жоқ.

10.Сөйлес бас әріптен басталып жазылады -иә 11. Сұраулы сөйлемнен соң леп белгісі қойылады- жоқ

12.Қант- ащы, бұрыш-тәтті.-жоқ.

Жұмбақ шешу.

1. Қыста ғана болады,

Ұстасаң қолың тоңады, (қар- снег- snow ) 2.Қолы жоқ сурет салады,

Тісі жоқ тістеп алады.(аяз-мороз-frost) 3.Мінсем,

Төменге зу етем,

Өрлесем,

Оны өзім сүйретем (шана-санки-sled )

4. Аяғымда

Басы қайқы қос сырық.

Таяғым да

Қуады оны састырып. (шаңғы-лыжа-ski)

«Қыс қызығы».

Қыс –өте көңілді мезгіл. Бұл кезде балалар қар атысып, аққала жасап, ойнайды. Шанамен ойнайды, сырғанаққа барады. Әсіресе, аққала жасап ойнаған өте көңілді. Әр бала үйлерінен сәбіз, бөкебай, қалпақ, сыпырғыш, тиек әкеледі. Содан соң қарды домалатып, бірінің үстіне бірін қойып, аққала жасап ойнайды. Қар атысқан да көңілді. Жалпы айтқанда, қыс ойындары да, қыс мезгілі де өте көңілді.

Тыңдаған мәтіндеріңде не туралы айтылды. Алдарыңда жатқан суретті немесе ойыншықты қолдарыңа ұстаңдар.( Сол бойынша тыңдаған мәтіннің мазмұны сұралады.)

Топтық жұмыс. Әр топқа оқушылардың алдына тапсырмалар таратамын. Оқушылар оны оқып, сөйлем құрастырады.

1-топқа: Суреттерді жабыстыру

2-топқа: Шашылған сөздерден сөйлем құрастыру.

3-топқа: Сызбалардан сөйлем құрау.

4- топқа: Суреттер бойынша сөйлем құрастыру.

Постер жасап, қорғау, талдау. Топ ішінде өз ойларымен бөлініп, кері байланыс жасау.

Топтық жұмыс ұйымдастыру. Оқушылар сыныптағы кітап бұрышын, кеңсе тауарларын пайдаланады. Әр топқа әртүрлі бағыттағы тапсырмалар ұсыну. Тапсырма үлгілері:

• Мәтін желісі бойынша сурет салыңдар;

• Мәтін мазмұны бойынша коллаж дайындаңдар;

• Бес жолды өлең құрастырыңдар, т.с.с.

Сергіту сәті : «Бармақтар»- әні.(екі тілде)

Тақтадан сөздер оқылады: аққала, шана, тиек, қар,малақай, қолғап, тон,етік, мойынорағыш. Осы сөздерді дәптерлеріне жазады.

Оқушылардың жұмыс жасау барысын бақылау жүргізіп бағалау.

Қорытындылай отырып, бағалау.