Просмотр содержимого документа
«Алтын күз. Сыныптан тыс іс-шара Ақмола облысы. Астрахан ауданы. Жаңатұрмыс ауылы Солтанмұрат Лида»
Ақмола облысы Астрахан ауданы
«Қызылжар орта мектебі» ММ
Алтын күз
Балапан 2-тобы
Тәрбиеші: Солтанмұрат Лида
2016 жыл
Тәрбиеші:
Құрметті қонақтар!Балалар! Алтын күз мерекесіне қош келдіңіздер! Ел байлығын арттырған берекелі де мерекелі күз мерекесі құтты болсын. Сары алтындай сары күз себетке толы жемісін, қамбаға толы егінін сыйлайды. Ендеше «Алтын күз» атты мерекелік іс-әрекетімізді бастаймыз.
1 бала: Берекесін сыйлауға, Өлкемізге күз келді. Жемістерін жинауға, Шақырады біздерді
2 бала: Берекелі, мерекелі, Келді жомарт алтын күз , Қалада да, далада да, Жанның бәрі жарқын жүз.
3 бала. Сау-сау етіп жапырақ Сабағынан үзілді. Қоңыр тартып атырап Көкке құстар тізілді.
4 бала: Жемісі мол теретін, Күз дос екен бізбенен Бәрін тауып беретін Жомарт екен күз деген
Ән «Жеміс жидек» Балаларға сұрақ Балалар мінеки күз мезгілі де келіп жетті –Күз мезгіліне қандай айлар жатады? -Күзде қандай құбылыстар болады? –Ал қазір күздің қай айы?
Күтпеген сәт: Осы сәтте « Алтын күз» себетке салынған жемістері бар. Билеп кіреді. Әндете жөнеледі. Алтын күз: Өрік, алша, Шие , алма, Жидек, жүзім піседі. Қауын , қарбыз. Қияр, сәбіз, Дүкендерге түседі.
Балалар: - Күзде дейді, Алтын күз : Бұлттар төніп Жерге шөгіп Дымқыл тұман болады. Шөп сарғайып Өңі тайып Дала сұры қашады. Бой жазалмай Денең мұздап тоңады Бөбектерім –ай тыңдаңдар Бұл қай кезде болады?
Балалар:
-Күзде
Алтын күз:
Жарайсыңдар балдырғандарым менің өлең жұмбағымды бірден таптыңдар. Сендерге өз жемістерімді ала келдім!
Тәрбиеші:
Рахмет, «Алтын күз» сіздің жемістеріңізбен ойын ойнайық, қазір ортаға бір баланы шығарып көзін таңамыз. Алдына жемістерді қоямыз, жемістерді сыйпап көріп пішініне қарай ажыратамыз (қонақтармен де ойнауға болады)
Ойын:
« Жемістер қандай пішінде»
Сергіту сәті:
Жаңбыр мен күннің көзі.
Тәрбиеші:
«Арпа бидай ас екен Алтын күміс тас екен", демекші біздің балалар дақылдар туралы тақпақтарын айтады.
Бидай:
Нан анасы - бидаймын,
Нанды елге сыйлаймыз.
Піскенімде мен қырда
Қауызыма сыймаймын.
Арпа:
Күміс мұртты арпамын,
Ырыс құтты арпамын.
Еңбек етіп баптаған
Еліме сый тартамын.
Тары:
Ақ, қарамын, сарымын,
Мен өнімді тарымын.
Халқым еңбек сіңірсе,
Қайтарамын қарымын.
Сұлы:
Мен сұлымын, ұланның
Тұлпарына ұнадым.
Баптаған әр диқанға
Басымды иіп тұрамын.
Күріш:
Күнді сүйген күрішпін.
Күллі жұртқа ырыспын.
Алсын деп ел мол өнім
Ала жаздай су іштім.