Амундсен Руаль (1872-1928-ж.) норвегиялык саякатчы жана изилдөөчү

Амундсен Руаль (1872-1928-ж.) норвегиялык саякатчы жана изилдөөчү. «Ион» деген чакан кеме менен (1903-1906-ж.) Гренландиядан Аляскага чейин Түндүк Американы биринчи жолу айланып өтөт. «Фрам» кемесинде Антарктикалык экспедицияны башкарып, Р.Скотт жетекчилик кылган англиялык экспедициядан бир ай мурда 1911-жылы 14-16-декабрда Түштүк 1918-1920-ж. «Мод» кемеси менен Евразия материгин жээктеп, Норвегиядан Беринг кысыгына чейин барат. 1926-жылы Шпицберген – Түндүк уюл - Аляска маршруту боюнча «Норвегия» дирижаблинде учкан 1-трансарктикалык экспедицияга жетекчилик кылат. Түндүк Муз океанында катастрофага учураган италиялык саякатчы У. Нобиленин экспедициясына жардам берүү үчүн Амундсен 1928-жылы 18-майда «Латам» гидросамолетунда учуп чыгып, бүткүл экипажы менен Баренц деңизинде өлөт. Амундсендин ысымы менен Анктарктидадагы деңиз, тоо, Амундсен-Скотт атындагы америкалык илимий станция жана Түндүк Муз океанындагы булуң, чуңкурдук аталган.