Арадаш аттестация нәтиҗәләре турында белешмә

2017 – 2018 нче уку елында татар теленнән йомгаклау арадаш аттестация эшләре буенча белешмә.

Максат : тел гыйлеменең төп бүлекләре “Лексикология”, “Сүз ясалышы”,”Морфология”, “Синтаксис” бүлекләре буенча белем-күнекмәләрне тикшерү.

Гамәли бурычлар:

- телнең лексикасы, фонетикасы һәм грамматикасы буенча программада бирелгән белемнәрне үзләштерү;

-балаларның сөйләм осталыгын, фикерләү сәләтен һәм иҗади хыялын үстерү

Татар теленнән арадаш аттестация эше 5,6,7 нче классларда грамматик биремле диктант формасында узды. Бу түбәндәге классларда программа үтәлеп беткәннән соң , 10 майдан алып 31 нче май аралыгында үткәрелде .(контроль эшләр графигына нигезләнеп). Материал укытучы тарафыннан әзерләнде, методик берләшмә утырышында каралды һәм директор тарафыннан расланды. Барлыгы 14 укучы катнашты: 5 класс-3 укучы, 6 класс -8 укучы, 7 класс – 3 укучы . Арадаш аттестация эшләре 3 дәрәҗәдә һәм программага нигезләнеп бирелде. 3 дәрәҗә: база дәрәҗәсе, югары дәрәҗә, бик югары дәрәҗә. Үз чиратында бик югары дәрәҗә йолдызчык белән күрсәтелде.

5 нче класс өчен грамматик биремнәр:

I вариант

1.1,2 нче җөмләләрне җөмлә кисәкләре ягыннан тикшерергә.(база дәрәҗәсе)

2. 9 нчы җөмләне җыйнак җөмлә итеп ясарга ( югары)

3. “батырлыклары” сүзен морфемаларга бүлү (бик югары)

II вариант

1. 2,3 нче җөмләләрне җөмлә кисәкләре ягыннан тикшерергә (база дәрәҗәсе)

2. 12 нче җөмләне җыйнак җөмлә итеп үзгәртергә (югары)

3. “сазлыкка” сүзен морфемаларга бүлү ( бик югары)

6 нчы класс грамматик биремнәр

I вариант

1. Габдулланы сүзенә морфологик анализ ясарга (база дәрәҗәсе)

2. 1 нче җөмләдәге сүзләрнең сүз төркемнәрен билгеләргә (югары)

3. Тартымлы исемнәрне табарга (бик югары)

II вариант

1. Мәктәпкә сүзенә морфологик анализ ясарга (база дәрәҗәсе)

2 .3 нче җөмләдә сүзләрнең сүз төркемнәрен күрсәтергә (югары)

3.. Тартымлы исемнәрне табарга ( бик югары)

7 нче класс өчен грамматик биремнәр

I вариант

1. Аерымланган кисәкләр астына сызарга (база дәрәҗәсе)

2. 1 нче җөмләгә синтаксик анализ ясарга ( югары)

3. Кушма җөмләне табарга (бик югары)

II вариант

1.Аерымланган кисәкләр астына сызарга (база дәрәҗәсе)

2. 2 нче җөмләгә синтаксик анализ ясарга ( югары)

3. Кушма җөмләне табарга (бик югары)

Укучылар үзләренең еллык билгеләрен расладылар. Һәр класста аеруча белемнәре белән аерылып торган укучылар бар.Алар бик югары дәрәҗәдәге билгеләргә ирештеләр. Болар: Шайхиев Алмаз, Минуллина Алия, Гатиятуллина Гөлгенә, Сайфудинов Умар. Арада грамматик биремле диктантны уртача эшләгән укучылар да бар. Болар: Сафиуллин Илмаз, Таев Булат.

Тәкъдимнәр:

1. Даими рәвештә үтелгән темаларны кабатларга, ныгытырга

2. Укучыларның мөстәкыйль рәвештә арадаш аттестация буенча нәтиҗәләр ясавына ирешергә.

Укучыларның еллык буенча һәм арадаш аттестация күрсәткечләренең сыйфат дәрәҗәсе диаграммада бирелә.

Укытучы: Кабирова Г.Р