Արտադասարանային միջոցառումներ

Մեթոդական զեկուցում

Հայ մանկավարժության մեջ նորագույն տեխնոլոգիաների, մեթոդների կիրառությունը դպրոցներում մեծ ծավալ ընգրկեց: Քանզի մենք բոլորս գիտենք, որ խորհրդային տարիներին կիրառվում էր ավանդական եղանակը` դասախոսության մեթոդը: Սակայն ուսումնասիրությունները ցույց են տվել, որ այս եղանակը ուներ իր դրական և բացասական կողմերը: Խորհրդային դպրոցում ուսուցումը կատարվում էր ուսուցչակենտրոն եղանակով: Երբ անկախացավ ՀՀ սկզբնական շրջանում ուսուցումը տարվում էր դեռևս ավանդական եղանակով: Փոփոխություն մտցվեց 2000 թվականից: Հայկական դպրոցում սկսվեց կիրառվել նոր մեթոդներ և հնարներ: Սկզբնական շրջանում հանդիպեց լուրջ քննադատության և դիմադրության հատկապես խորհրդային տարներին դասավանդող ուսուցիչների կողմից: Իսկ նոր սերնդի ներկայացուցիչները կարծում էին, որ հնարավոր է այդ մեթոդները կիրառել արդի կրթական համակարգում մանկավարժության մեջ: Այսօր հայ մանկավարժության մեջ կիրառվում է բազմաթիվ մեթոդներ հնարներ, որոնք ունեն իրենց ուրույն տեղը ուսուցման բնագավառում և դարձել են մանկավարժության անբաժանելի մասնիկը: Նոր մեթոդները նույնպես ունեն բաց կողմեր, սակայն հմուտ մանկավարժի շնորհիվ այն ավելի հեշտ ընկալելի և կիրառելի է դառնում: Ուսումնասիրությունների շնորհիվ պարզվեց, որ հայ դպրության իրականության մեջ նոր մեթոդները ուսուցման ակտիվ միջոց է դարձել և աչքի է ընկնում իր արդյունավետությամբ:

Իմ կարծիքով, կենսաբանության դասի արդյունավետությունը բարձրացնելու համար կարելի է դասին տալ գեղարվեստական շունչ և դասապրոցեսին մասնակից դարձնել բոլոր աշակերտներին, որը կնպաստի կոմպլեքսավորված աշակերտների մեջ վախը, ամաչկոտությունը, անիքնավստահությունը հաղթահարելուն:Այս հնարը կարելի է կիրառել ամփոփիչ դասերի ժամանակ:

2012-2013 ուսումնական տարվանից ՀՀ ԿԳ նախարարի հրամանով հանրակրթական դպրոցի ուսումնական ծրագրերի բեռնաթափում կատարվեց: Սա անշուշտ ունեցավ իր դրական նշանակությունը, քանի որ ժամաքանակը բավարարում է լաբորատոր, գործնական աշխատանքների լիակատար անցկացմանը, թեմաների ամփոփմանը; Միաժամանակ որոշ թեմաներ դուրս մնացին դպրոցական դասագրքերից: Այս թեմաների ուսումնասիրության համար նպատակահարմար միջոցներ են դաս-միջոցառումները, որի ժամանակ աշակերտները ստանում են ոչ միայն լրացուցիչ տեղեկություններ, ձեռք են բերում այլ գիտելիքներ, այլ նաև բարձրանում է նրանց գեղագիտական ճաշակը: Այն ունի կրթա-դաստիարակչական վիթխարի նշանակություն: Դաս-միջոցառումների ժամանակ ստեղծվում են միջառարկայական կապեր( կենսաբանություն- երաժշտություն-գրականություն) :

Կենսաբանության ուսուցչուհի՝ Հասմիկ Քալաշյան