Ашық сабақ "Менің мектебім " 4 сынып

Қазақ тілі - 4 сынып

Сабақтың тақырыбы: Менің мектебім.

Мақсаты: 1.Тақырып бойынша жоспардағы тапсырмаларды орындау,жаңа сөздерді жаттату.Оларды ауызекі сөйлеуде қолдану.

2.Оқушыларды суретке қарап, өз беттерінше сөз тіркестерімен сөйлемдер, әңгіме,диалог құрай білу деңгейіне жеткізу.

3.Пәнге деген сүйіспеншіліктерін арттыру.

Сабақтың түрі : танымдық ,ойын сабағы.

Әдісі: түсіндіру,қайталау,іздендіру, дамыта оқыту,сұрақ-жауап.

Көрнекілік: сызбалар,суреттер,мақалдар,бейнематериал,жұмбақ, гүлдің бейнесі.

Сабақтың барысы: 1.Ұйымдастыру кезеңі. Сабақтың мақсатымен таныстыру. Кезекшімен сөйлесу.

Оқушылардың сабаққа дайындығын тексеру. Сабақтың басталуына жағымды ықпал ететін көңіл күй қалыптастыру. Тренинг:Көңіл күйлерің қандай? -(Жақсы)

Қайырлы күн, әлем!

Қайырлы күн, аспан!

Қайырлы күн, сен!

Қайырлы күн, мен!

Қайырлы күн, мұғалім!

2.Үй жұмысын тексеру.

3.Жаңа сабақ:

-Балалар,бүгінгі сабағымыз ерекше сабақ.Себебі,бүгін сабаққа көп қонақтар келіп отыр.Бүгін біз жаңа «Мектеп» деген модульге көшеміз.Бірақ бұл модуль бізге танысты,себебі біз 1 сыныптан бастап мектеп туралы көп нәрсе білеміз. Сондықтан,біз қазір мына әдемі гүл арқылы мектеп туралы білімдерімізді тексеріп көреміз,қызықты тапсырмаларды орындаймыз. 1-тапсырма: Математикалық диктант.

1) Бір қолда неше саусақ?

2) Бір аптада неше күн?

3) Қазақ алфавитінде неше әріп?

4) Бір жылда неше ай?

5) Бір тәулікте неше сағат?

6) Бір сағатта неше минут?

7) Сыныпта неше терезе бар?

Тақтадағы «Гүлдің жапырақшалары» арқылы тапсырмаларды орындау.

2-тапсырма: «Бес қадам стратегиясы»

Сөздік жұмысы:қоңырау кестесі-расписание звонков,ауысым-смена,аялдама- остановка,жиналу-собираться .Осы сөздермен сөз тіркестерін,сөйлемдерді құрастыру.Мысалы:бірінші ауысым,аялдамаға келдім,мектепке жиналу.Мен аялдамаға келдім.Содан кейін автобусқа отырдым.Мектепке дейін бардым.

3-тапсырма.Білім,мектеп туралы мақалдарды айту,жазу.

Мектеп-кеме,білім-теңіз. Күш-білімде. Мектеп-білім бұлагы. Оқусыз білім жоқ , білімсіз-күнің жоқ.

4-тапсырма.Оқулықпен жұмыс: мәтінді оқу,аудару.

«Жүректен жүрекке» ойынын өткізу.

5-тапсырма.Сызба арқылы жұмыс.

Сергіту сәтін жасау. (Бейнематериал арқылы)

6-тапсырма.

Мектеп,сынып туралы бейнематериалды тамашалап,қандай заттар бар екенін көрсетіп,кластер жасау.

7-тапсырма.Сурет бойынша сөйлесуді құрастыру. (Тақтадағы ілініп тұрған суреттер бойынша жұппен жұмыс жасау)

-Бұл не?

-Бұл сынып.(Мектеп)

-Сыныпта кімдер бар? (Мектепте нелер бар?)

-Сыныпта мұғалім және оқушылар бар.

-Сабақ қандай?

-Математика сабағы.

-Математика сабағында балалар не істейді?

-Математика сабағында балалар есеп шығарады.

7-тапсырма: Ойын ойнау. «Сәйкес сөзді тап».

8-тапсырма: Өздік жұмыс. «Мектеп» сөзін септеу.

9-тапсырма: Жұмбақты шешу: «Алты қырлы,алтын сырлы»(Қарындаш).

10-тапсырма: Жаңылтпашты еске сақтау: «Сыныпта ақ бор бар,көк бор бар,көп бор бар».

4.Сабақты қорытындылау:

1) Сөздерді қайталау.

2) Рефлексия: (Бағдаршам арқылы стикерлерді көрсету)

Қызыл түсті-түсінбедім;сары-сұрақтарым бар;жасыл-барлығы түсінікті.

5.Үйге тапсырма: 5-тапсырма,3-тапсырма (а) 175-бет сөздерді қайталау.

6.Бағалау.

7.Қоштасу.