Балабақшадағы ата аналар жиналысы

МҚКК «Ақбота» бөбектер бақшасы

Ата-аналар жиналысының хаттамасы № 4

Күні:19.04.17

Төрайымы:Қ.Қ.Утеубаева

Хатшы:Ж.М.Шарипбекова

Қатысқаны – 18

Күн тәртібінде

1. Балабақшамен қоштасу ертеңгілігі жайлы

2.Баяндама «Дені сау бала,болашақ жемісі»

1.Ата-аналармен 30 мамырда «Балабақшамен қоштасу»ертеңгілігі болатыны жайлы киетін костюмдері айтылды.Өлең,тақпақтары таратылды.

2. Баяндама: «Жазғы демалысты ұйымдастыру-балалардың денсаулығын нығайтудың негізі.

Жаз көптен күткен ұзақ демалыс –сабақтан босаған балалар жаңа күш жинайтын, қоршаған ортаны және ондағы өз орнын жаңаша ашып жатқан тамаша кез. Жаздың шуақты күндері-балалардың емін-еркін демалып, жаңа достар тауып, жас қосып есейер шағы.Жазғы демалысты сағына күтпейтін бала бола ма?
Жазғы демалыс лагерінің негізгі мақсаты балалардың жас ерекшеліктерін ескере отырып, әртүрлі танымдық және спорттық ойындар мен көпшілік іс-шараларын өткізу. Қоғамға пайдалы еңбекпен демалысты ұштастыра отырып, табиғатты аялап, таза ауа, күн, су, жер арқылы шынығуды үйрету.
Жазғы демалысты ұйымдастыруда тәрбие жұмысының ең негізгі бөлігі балалармен ойнатылатын ойындар болып табылғандықтан, әрбір ұстаз ойынды тәрбие берудің ең бір керекті құралы ретінде дұрыс таңдап, сауатты пайдалануы керек. Ойын балалардың жасына қарамайды. Ал, жақсы ұйымдастырылған ойын жасөспірімнің дұрыс бағытта дәріс алып, болашақта жарқын жолды таңдауына бағыт-бағдар береді.
Ойналатын ойындар сан түрлі. Қимылды ойындар, жаттығулар, туған өлкені тану саяхаты және дәрілік шөптермен танысу жинау, шытырман оқиғалар сайысы, сюжеттік-рөлдік ойындар, ой-өрісті дамытатын логикалық ойындар, тағы –тағылар. Рөлдік ойндар ойнатудың әр түрлі мақсаттары бар. Біріншіден, балалар жауапкершілікке үйренеді, жұмысқа тартылады, уақыттары тиімді өтеді. Екіншіден, рөлдік ойындарды оқу-тәрбие жұмысында пайдалануға болады.
Тәрбиешілік қызмет әрқашан шығармашылықты талап етеді.Тәжиірбеде қолданатын сантүрлі белсенді әдістердің ішінде балалардың ойлау, шығармашылық қабілеттерін жетілдіретін іскерлік ойындарын ерекше атап өтуге болады. Іскерлік ойындардың негізгі құрылымы өмірдегі әр түрлі жағдайларды сипаттау болып табылады. Мысалы, ойын барысында әрбір бала өзін ұстаз, президент, әр түрлі маман ретінде көріп шығады. Іскерлік ойынды пайдалану топтағы балалардың жақындасуына, әрбір баланың шығармашылық әлеуетінің ашылуына көмектеседі. Ойын ойнау барысында тосын жағдайларға тап болу, оның шешімін табу, пікір алмасу арқылы табу сыяқты шаралар қатысушыларды шығармашылыққа жетелейді.
Біздің Науалы балалар үйінің жасөспірімдері жазғы демалысын Тарбағатай тауының алмалы бөктерінде орналасқан «Тарбағатай саяжайы» лагерінде демалысты еңбекпен ұштастырады.
Жазғы демалыс лагерінің ұстанған өзіндік бағыттары бар. Бұл рухани адамгершілік, оқу-білімге құштарлық, экологиялық, эстетикалық және дене тәрбиесін басшылыққа алатын «Өзін-өзі тану», «Интеллект», «Тіл-тірегім», «Жасыл ел», «Өнер» және «Шаттық» клубтары мен үйірмелері. Арнайы педагог-тәрбиешілер жұмыс істейді. Бала үшін жасаған еңбек далаға кетпейді. «Жас кезінде көргенің – жазылып қалған хаттай» демекші, бүгінгі жас ұрпақ – ертеңгі азаматтың өміріне өнеге болып сақталмақ.
Ауысымның алғашқы 3-4 күні топ жетекшілері үшін ауыр соғады. Яғни, отряд бұрышын, визиткасын дайындау, әр-түрлі жастағы балалардан бір ұжым қалыптастыру жұмысы туындайды. Жұмыс істеу үшін әрбір оқушының мінез- құлқы әрине, өз педагогтарымызға мәлім. Сондықтан балаларды ұйымдастыру қиындыққа түспейді.
Жазғы демалысты ұйымдастыруда алдын ала бекітілген жоспар бойынша аптаның әр күні белгіленген. Сауықтыру жоспарлары алдын ала дәрігерлер берген кеңеспен жоспарланып, бекітіліп жасалады.
Табиғат күнін «Жасыл ел» үйірмесі ұйымдастырып, балалар серуенге шығып, қоршаған ортамен танысады, емдік шөптер жинайды, тарихи жерлерге саяхатқа барады, балық аулайды, суға шомылып, қыздырынып, табиғат аясында тамақ пісіреді.
Спорттық ойындар күні жасөспірімдермен дайындықты қажет етпейтін көңіді старттар, жеңіл аттлетикалық жарыстар, мини-футбол, волейбол өткізіледі. Спорттық ойындар салауатты өмір сүрудің кепілі. Осындай ойындар балалардың өздерінің қоғамға қажеттілігін, талпыныстарының әрқашан бағаланатындығына сенімдерін арттыра түсетіндігі айқын.
Сан қилы өнер күнін «Өзін-өзі тану», «Интеллект», «Тіл-тірегім», «Өнер» және «Шаттық» клубтары мен үйірмелері өзіндік тәрбиелік бағыттары бойынша ұйымдастырады. «Жаз аруы», «Рюкзак жинау», «Достық поезды», «Қазына», Тарбағатай тауы бөктерінің тарихи жерлеріне барып танысу, тау бөктерінің қой бүлдіргенін теріп жеп серуендеу, табиғат аясында сурет салу, өз ойлары, алған әсерлері жайлы шығарма, тақпақ жазып «Сөйлейтін қабырға» бұрышына іліп қою сыяқты шығармашылық шаралар өзіндік мазмұны мен қиалға толы болады.
Жазғы демалысты еңбекпен ұштастыру ұйымдастырылады. Еңбек ұтымды ойластырылса, бала құлшына еңбек етеді, сапалы еңбек етуге ұмтылады, шеберлікке жетіп оны жетілдіруге тырысады, кеңеседі, ізденеді, үйренуден жалықпайды. Өз тәжиірбемізден мысал келтірейік. Демалыс ауласыныда күнделікті дастарханға дәруменді көкөністер қойып, тамақ ішу үшін құлпынай, жүзім, алма ағаштары, қарақат түрлері, хош иісті жасыл көкөністерді балалар өздері өсіріп, баптайды. Осы аталған жеміс-жидектің қалай өсіру технологиясы туралы мәлеметтерді балалар тәжиірбе жүзінде біліп, жылдан - жылға білімдерін молайтады. Өздері өсіріп, үзіп жеген жеміс дәмді болады және мақтана бір-біріне жұмыстарының жемісін айта алады. Құлпынай піскен кезде балалар қуанышты, жинап әкеліп дастарханға жуып қойып, барлықтары жейді. Алманың түрлері бойынша кесіп жазда көлеңкеге кептіреді де, қыс айларында кампот ішеді. Қараған бұтақты ағаштарынан сыпырты дайындап, балалар үйінің ауласын сыпырады. Дәруменді хош иісті өсімдік шөптерін кептіріп, моншаға түсуге арналған сыпыртқы дайындап балалар үйінде өздері қолданады. Емдік шөптерді мерзімі бойынша жинау, кептіру, қалай, қай уақытта қолдану керек технологиясын да тәжиірбе жүзінеде көзбен көре істейді. Осындай ұтымды еңбек балаланы шеберлікке, үнемшілдікке баулып, қызығушылығын арттырады.
Қоғамға тиімді демалысында өмірге қажетті экономикалық түсініктермен: күнделікті жұмыс тәртібі, еңбек ережелері, өнімнің өзіндік құны, өндірістің пайдалылығы, тиімділігі, кірісі мен шығысы ұғымдарымен танысып қана қоймай, іс-жүзінде өздері еңбек ете отырып, өздеріне пайдалы серпіліс алады.
Әрбір іс-шара, мерекелік көңілді бағдарламаларға мадақтау шаралары ұйымдастырылып, балаларға арнайы сыйлықтар беріліп отырады. Ол үшін марапаттау белгілері –жұлдызшалар бекітіледі.

Жасыл жұлдызша –спорт сайысындағы жеңімпазға беріледі.

Сары жұлдызша –тәрбие сағаты, байқау, шығармашылық сайыстар үшін.

Көк жұлдызша апта соңында тәртіп үшін беріледі.

Қызыл жұлдызша апта соңында медбикенің бақылауымен беріледі.
Қортынды ретінде жаз-бұл балалықтың қиал шағы, балалар үшін бақытты кезең екендігін айтқым келеді. Бүгінгі жазғы демалыс- балаға, оны әлеуметтік ерекше назар аударатын «аймақ», шығармашылық дамуға, рухани әлемді, парасаттылықты байытуға, денсаулықты нығайтуға арналған орын. Қазіргі өмірді ескере отырып жасөспірімнің әлеметтенуі үшін жағдай жасау.
Педагогикалық басты мақсат-демалыс балалар үшін күш жинау, шығармашылық мүмкіндіктерін шыңдау, жеке қызығушылықты қанағаттандыру уақытына айналдыру. Жинаған білім, күш жігерді білім алу кезінде пайдалана білуге баулу. Осылайша баланың мүмкіндіктерін дамыта отырып, біз жазғы демалысты тиімді өткізуді және оны педагогикалық тұғырда басқаруды қамтамасыз етуіміз керек.

МҚКК «ақбота» бөбектер бақшасы

Баяндама

Тақырыбы: «Дені сау бала,болашақ жемісі»

Тәрбиеші:Ж.М.Шарипбекова

2016-2017 оқу жылы