Мұғалім оқушылардың назарын 1-тапсырмадағы сөйлеу үлгісіне аударады. Сөйлеу үлгісі бойынша дәмді, тәтті, суық сөздерінің мағынасын түсіндіреді. Берілген үлгі бойынша оқушылар «Балмұздақ қандай болады?» деген сұрақпен танысады. 2-тапсырмада берілген сұраққа оқушылар өткен сабақтар бойынша өз қалауымен (жеймін, жемеймін) жауап бере алады. Сұрақ: Сен балмұздақ жейсің бе? 3-тапсырмадағы кесте бойынша оқушылар дәмді, тәтті,суық сөздерін қайталайды. Оқушылар өз қалауы бойынша «Балмұздақ қандай болады?» деген сұраққа жауап береді. 4-тапсырмадағы сөйлесу үлгілері бойынша оқушылар жұппен жұмыс істейді. Оқушылар сөйлесу үлгілерін тыңдайды, рөлге бөліп оқиды. Содан кейін осы үлгі бойынша өзара сөйлеседі. Оқушылар жеймін-жемеймін сөзін қайталайды, сондай-ақ өздерінің балмұздақ неге жейтін/жемейтіндерін түсіндіре алуға жаттығады. Үлгі: -Сен балмұздақ жейсің бе? - Иә мен балмұздақ жеймін. Балмұздақ тәтті. | -Сен балмұздақ жейсің бе? -Жоқ мен балмұздақ жемеймін. Балмұздақ суық. | Осы бөлім бойынша өткен сөздер арасынан қазақ тіліне тән дыбыстар кездесетін сөздер қатары іріктеліп алынады (өрік, алмұрт, қызанақ, қияр, ботқа, сүт, бауырсақ, балмұздақ). Мұғалім оқушыларға осы сөздердің суреті берілген карточкалар таратады. Оқушылар 3 топқа бөлініп жұмыс істейді. Топтарға дескриптор бойынша жұмыс беріледі. 1.Балмұздақтың ұзындығы 20 см -10 ұпай 2.Балмұздақта 3түсі ғана болу керек – 10 ұпай 3.Балмұздақты сипатта (3 сөз) - 10 ұпай Оқушыларға жеті минут беріледі. Оқушылар тақтаға шығып, қорғайды. Оқушылар тиісті әріптерді толықтырып жазып шығады: ...р...к, алм...рт, ...ызана..., ...ияр, бот...а, с...т, бауырса..., балм...зда.... (МК, Ұ) Дәптердегі тапсырмаларды орындау арқылы оқушылар оқулықпен жұмыс барысында алған білімдерін бекіте түседі. (Ө) Қосымша тапсырма арқылы оқушылар сабақта алған білімдерін бекіте түседі. Өз бетінше жұмыс істеуге дағдыланады. Сондай-ақ АКТ-ні қолдана білу дағдыларын қалыптастырады. |