Bir başpaylı cümlelerin soyları. Çetin çalışmaklan neetlerinä gitmäk. S.Kuroglu ''Girginanın kiyatları''

Uroun etapları.

Subkompetenţiyalar

İş çeşitleri

Kantarlamak

Didaktik kolaylıkları

Denemeklär

1.Selemneşmäk

Zaman hayır olsun, dostlarım, musaafirlerim!

Selemneerim sizi bu gözäl güz günündä.

PRİTÇA.

Bir gün adamın birinä Allaa güvenmäklän bir iş sımarlamış. Göstermiş onun evin önündä bir büük kanara da demiş:

• Te bu kanarayı savaş siviştirmää erindän. Olacek zor, ama sän çalış siviştirmää’’.

Adam hergün savaşardı diiştirmää taşı erindän. Avşamdan sabaaya kadar bu iş onu zeetlärdi. Taş sa hep erindä durardı. Hergün adam gelärdi yorgun. Avşamnarda ona gelärdi, ani gün geçti boşuna, çünkü taş durardı dürtülmedik,

İçindeki sesi ona başladı demää:

• Boşuna zeetlenersin, bu dava diil senin kuvedinä görä. Sän beceriksizsin!

Bu fikirlär heptän kesti onun havezini.

• Neçin bän zeetlenerim, - düşünärdi o, ama işindän hep brakılmazdı.

Geçti bir yıl. Bir gün danıştı o Allaha:

• Neçin bän boşuna düünerim? Uzun zaman hep savaştım, ama bu taş bir santimä dä kıpırdanmadı. Doorut beni.

• Dostum, - dedi Allaa, - bän verdim sana en zor işi. Sän korkmadın, alındın. Denedin kendini, düündün, çalıştın,... ama neetindän brakılmadın. Bak şindi kendinä bir taraftan: bu kanara seni (kaaviletti, çetinnetti, üüretti, kuvetlendirdi). Bu işin önündä sän başkaydın...... uydurun antonimneri yukarkı laflara.

Teklif- epigraf

• Eer siz düşünärseysiniz, ani neetiniz tamannanmaz oldu, neetinizi diiştirmeyiniz – diiştiriniz kendi savaşmak planınızı.

Tema: Bir başpaylı cümlelerin soyları. Çetin çalışmaklan neetlerinä gitmäk. S.Kuroglu ''Girginanın kiyatları''

Neetlär

• Gagauz dilindä sözleşmeyi ilerletmäk;

• Bir başpaylı cümlelerin çeşitlerini tekrarlamak;

• Dolaydakı insannara hem onnarın istediklerinä saygı göstermäk;

• Dedelerä hem ana dilinä sevgi terbi etmäk.

Açıklêêrlar epigrafın maanasını

2. Kontrol evdeki işä.

3. Eni tema

Soruşlar tekstä görä.

• Sıralayın yaratmanın baş personajlarını.

• Neylän danışêr Girgina kendi üüredicisinä? Neyä o umut eder?

• Neçin bu kiyat raada brakamazdı üürediciyi? İnandırın tekstin laflarınnan.

• Kim ayledä karşı koyêr Girginanın istediklerinä?

• Boba ne için istämeer kolvermää kızını aşırıya? Ne sebep için avşam şkolasına izin vermeer?

• Kim taa karşı koyêr Girginanın istediklerinä?

• Malisi ne için istämeer, unukası gitsin üürenmää? Nesoy argument getirer malisi?

• Angı yaratmanın baş personajınnan uyduracenız Girginanın malisini?

• Açıklayın Girginanın mamusunun pozitiyasını.

• Neçin o isteer kızı gitsin üürenmää üüredici için? İra

• Biz bobayı hem maliyi kötüleyecez mi? Neçin?

• Üüredicici ne nasaat verer?

İş grupalarda:

1. Verin Girginanın harakteristikasını tabliţaya görä

2. Bobanın harakteristikasını

3 – Üüredicinin harakteristikasını

• Neçin Girgina, evdä destek bulmayıp, danışêr üüredicisinä? Kimdi o üüredici o yıllarda?

• Yaarınkı üüredicileri siz nesoy görersiniz?

• Okuyalım aktörlar gibi Girginanın ikinci kiyadını da savaşalım göstermää herbir personajın içindeki halını.

Girginanın 3-cü kiyadınnan işlemäk.

Girginanın ilk kiyadı⁴.

Zamanêêrsınız, Nikolay Petroviç!

Pek yalvardım bobama³. Annamadı beni. Artık çiizleri hazırladılar², evererlär beni⁴. Bundan bana prost geler. Duumamdan taa kısmetsizmişim. Nasaatlarınız kaldılar aklımda. ‘’Herzaman lääzım¹ seslemää anayı-bobayı⁴. Bän dä sesledim şindiyädän, şindi düşündüm gitmää ileri⁴.

Bir başpaylı cümleleri tekrarlamaa.Doldurun kör tabliţayı.

Çevir tekerlää da cuvap et soruşlara.

İş kartoçkalarlan PLİKERS

1. Aşaadakı cümlelerin arasında bulun bellisiz üzlü cümleyi.

A İştän sora avşam şkolasına gidärdilär.

B Tezdä bilä işleyecez şkolada.

C Tren yavaş-yavaş uzaklaşırdı.

D Avşamnadı.

1. Aşaadakı cümlelerin arasında bulun üzsüz cümleyi.

A Güz avşamı.

B Kısmetsizmişim bän taa gençliimdän

C Canın bir parçası o uşaa gitti.

D Zanaat lääzım ayırmaa kalbinä görä.

1. Aşaadakı cümlelerin arasında bulun belli üzlü cümleyi.

A Girginanın istemesi tamannandı.

B Serinnedi.

C Zanaat seçmektä hepsinä sesirgen, sora kendin kararı al

D Evelki vakıtlarda çok zor çektik, aaç puluklan eri ektik

1. Aşaadakı cümlelerin arasında bulun bütünneşik üzlü cümleyi.

A Geçti birkaç yıl.

B Ne var nicä yapmaa burada?

C Düşün, ne sölersin, sölämä, ne düşünersin.

D Girginanın yaptıklarından çok örnek aldım.

1 üürenici annadêr malisinin sölediklerini

Foto dernek

3 grupa -3 bulutçuk

Frontal sormak

Virtual ekskursiya avşam şkolasına

İnformatiya ilk üüredicilerdän

Frontal sorması

Telefonnar-lan kontrol etmäk

Kartoçkaların çıkışlarına görä

4. Kiyatlan işlemäk

5. Grupalarda işlemäk

Terbi etmää sevgi, saygı evdekilerinä.

Bakalım sonunku cümleyä. Nesoy örnek oldu sizä Girginanın çetinnii?

-Tamannêêr mı Girgina kendi istemeklerini?

-Yaşamanın angı problemalarına karşı kalkêr Girgina? (cayıllık, zoruna evermäk, karının eri ayledä, ţivilizaţiya, korku,...)

-Nesoy fikirä geler Girginanın bobası? Bulun da okuyun lafları, neredä görüner onun pişmannıı.

- Başarın fikirinizä görä annatmayı. Neylän, acaba biter bu istoriya?

Grupalarda iş.

1. Bulun ilk kiyatta metaforaları.

2. İkinci kiyadın öz fikirini açıklayın.

3. Girginanın üçüncü kiyadına görä açıklayın onun kararını. Neçin o geler bölä karara?

4. Yaratmanın süjet liniyasını açıklayın.

5. Annatmanın temasını açıklayın.

Dooru cuvap vermaa soruşlara.

Yazêrlar tefterdä

Evdeki işi seslemäk

Frontal sormak metodu.

6. Tefterdä iş

İş çiftlerdä. Funkţional yazısı.

1. Üüredici – uşaklara örnek! (Reklam)

2. Girginanın adından yazın bir yalvarım işä girmäk için.

3. Şükür etmäk kiyadı bir üürediciyä.

4. Üüredicilerin günü için yortuya teklif.

5. Kutlamak üüredicimä.

Çevirin yabancı dilä hem romın dilinä Girginanın bitki laflarını Nikolay Petrovicä.

• Kalın saalıcaklan, Nikolay Petroviç. Bekläyin, bitereyim universitetimi. Tezdä bilä işleyecez. Bän yazacam sizä, benim paalı üüredicim!

Ekzamendä butakım iş mutlaka olacek. Görerim, ani hazırsınız.

Taa sizdä var 3 dildä ekzamen.

Ya, savaşın şindi aazdan çevirmää yabancı dilä hem romın dilinä Girginanın bitki laflarını Nikolay Petrovicä.

• Kalın saalıcaklan, Nikolay Petroviç. Bekläyin, bitereyim universitetimi. Tezdä bilä işleyecez. Bän yazacam sizä, benim üüredicim!

Dooru kırnak yazmaa.

7 Refleksiya

Büünkü tema faydalıydı, çünkü ..

Kendimä yaptım çıkış...

Karaladım ....

Uroun çıkışlarını yapmaa.

8.Evä iş

Yazmaa mini-yaratma ‘’Bilgi yolu zor, ama faydalı bu yaşamakta’’, kullanarak bir başpaylı cümleleri.